يالله رجيتك اكفنا شر الاقدار وحقق لنا اللي ماتطوله يدينا واسألك غفرانك وعتقك من النار واكتب لنا الجنه مع والدينا ،

اضحك ترا عوج الليَالي مدابير وما للخلايق فِ قضا الرب حيله أضحك لو هموم قلبك طوابِير وما يقسمه ربك تروح وتجي له لو ضاقت الدنيا تراها مقادير وخلك جبل ما هزته كل ميله ،

يا ابن ادم والنهاية راحلين مارميت الحق هو اللي رما خلك اكبر من كلام الحاسدين وخل عينك تخترق كبد السماء عن طموحك عزم صبرك لا يلين لا تراخا للحزن مهما نما اتكل بالله وابشر بالقين والهوى معذور قلبك بهِ عما واعرف ان الله يحب الصابرين لا تشكى لو تموت من الضما ،

من عطاه الله في دنياه حسن القبول عاش في راحه ولو مايملك إلا ثوبه ،

والله إن أجمل شعور الراحه النفسيه لا أقتنعت بـ قسمك اللي كاتبه لك ربك ،

لا حداني وقتي الغلاب وانا راهي قلت من راسٍ فطين ومدرك ومتربي جعلني ما اطيح فاللي ما يقدر جاهي وجعل راسي مايطيح إلا لرحمة ربي ،

لا جا من الطيّب خطا ما أتحيّر أصمت وصمتي ماهو إلا شرف لي أسامحه مادام وجهه تغيّر حتى لو إنه بالخطا ما اعترف لي ،

جعل نفسي في ذرى ربي ورحمة ربي من ذنوب الغافلين ومن ظنون الريبه ،

وأقسم لي الخير والخيرة وعقلٍ رشيد وأغفر لي اللي مضى من العمر واللي بقى ،

يا وجهي تجمل لو صواديف وقتك قشر ولا تلحق اللي فات من عمرك حسوفه لو ان الهموم الي بصدرك تحشرك حشر لا جا راعي المعروف جازه بـ معروفه سترت الكلام .. اللي ماهو قابلٍ لـ النشر وذكرت الكلام اللي تشرفني حروفه عسى الله يغفر الذنب لاجا نهار الحشر وعسى الله يامني من الوقت وصدوفه ،

أكرمتني فلك الحمد سترتني فلك الحمد رزقتني فلك الحمد عافيتني فلك الحمد الحمدلله دائماً وابداً ،

أنا من لقلبي يا إلهي غير بابك باب ليا ضاقت ودارت لياليه وآنهكته أنا عبدك المذنب وأنا عبدك التواب وأنا اللي ظني بعفوك ولا يوم صغرته نصيتك وقلبي في رجاء رحمتك طلاب ولا خاب قبلي من هقى بك ولا أبعدته تولاني بلطفك ولطفك ذرا وحجاب وكثّر علي من خيرك وزوّد بركته ،

مبطيه كل المجالس عن علوم المزون  من يبشرهم بالأمطار يبشر بالعشاء يا الله بغيثٍ يخلي المساجد يجمعون  الظهر مع العصر .. والمغرْب مْع العشاء .

صف النوايا واذكر الله ترتاح واللي تشوفه قابله بأبتسامه ٰ وخلك وسيع الصدر طيب ومزاح ترا الزمن مايستحق الملامة ،

طلّي ووجهك حلوّ .. وثيابك مزّرره وصبحك على مانعهده بالنسايم عليل مغسولة من البرد والثلج ، ومحرره متباركه، مستقلّه، شامخه، بنت أصيل

يالله عساني مع نبيك والابرار في ساعةٍ كلن يعدد ذنوبه مخطين واجد وانتعوّذ من النار يارب عفوك والهدى والمتوبه .

﴿ ربِّ اجعَل هَذا البَلَدَ آمِناً مُطْمَئِناً ﴾ اللهم احفظ المسلمين والمسلمات في كل مكان ،

﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا ﴾ الحمدلله الذي بنعمته تتم الصالحات تم بحمد الله وفضله "عقد قراني" سائلاً المولى عز وجل التوفيق لي و لكم اخوكم / محمد صالح الشيب

لا إله إلا أنت سبحانك إني كنت من الظالمين.

يارب حاوطني بنورك وين ما رحت ورجعت واجعل قدومي مرحبا وقفايتي برد وسلام اعصمني من الزله اللي من معاتبها جزعت و اوهبني اجمل حظ واطيب منزله واعلى مقام ،