يوم زرت ابوحمد السيد عبدالعزيز الصقر رحمه الله في المستشفى قال لي : وش يقول البدوي ؟ قلت كلام البدو واجد . قال الا ذي اللي ابيك تفطن لها قلت شنهي قال عفن الزاد ولاعفون الرجال وبعد ان درات السنين عرفت واكتشفت عفون الرجال الذين لم يقدروا الخوة والمعرفة والصداقة والملح والزاد .

بعض العلوم تروح مرواح القطاء مانلتفت فيها ... ولا من قالها مادام حنا .... مانزلنا فالوطاء مصيرها صفق الهواء يشتالها والناس ماتصبر على كل الخطاء تجزاء مقاريد الخطاء بافعالها يمكن يجي مردودها عقب البطاء وإلا يجي .. مردودها في حالها # لاحق_العضياني

يامـدورن فـينا دروب الهـزيعه مانـته بـلاقي شـي يامـيت النار حـنا مواقـفنا سـمان ورفـيعه وإلها مع أهل الطيب قيمة ومقدار نشري مضامـين الوفاء مانـبيعه لو يعـتلي سعره على كل الاسعار والهـرج ماضيق رحاب الوسيعه ولازاد فالـدنيا ولاقصــر أعـمار #لاحق_العضياني

الحضيض اللي وراء ستر الولي مذّري ماحدٍ وايق من العالم على غرّاته مايمد يديه ليدين العرب متحرّي ساترٍ حاله ولا أحدٍ يكتشف خصّاته ما تتبع جرّته بين العباد المرّي رايته بيضا ولا أحدٍ يشتكي زلاته شاربٍ يستاهل السمن النظيف البرّي الادب في منطقه والميز كثر سكاته #لاحق_العضياني

لاطاحت نفوس الضعوف المساكين حنـا عـزاز نفـوس والـدرب قــدام مانلطـم الحاجـب ولانلطم العيـن ولا نقلـط إلا عقــب دعـوه وعـزام #لاحق_العضياني

#ملحوظة

... ياكثر صدقان الرخاء والمصالح مابين حب المصلحه والمجامل ضعنا وضاعوا لابسين المشالح ياللـه جملنـا بحسـن التعامـل #لاحق_العضياني

من لا أتّبـع منهـاج سـدد وقارب تبدي عليّـه من النشاما علامات ومن يرتخي مع مرتخين الغوارب يشتـال حملـه والليالي مقيمات الخبل يخطي من جميـع المشارب والرجل يصّمد في وجيه المهمات والداب موته من سموم العقارب والوقت ابو وجهين وإلكم تحيات # لاحق_العضياني

نمشي على البيدا عزيزين وحشام ولانقصر الماجوب عن مسـتحقه أهـدافنا قـٰدام والـدرب قــدام لو كان نلقى من ســفرنا مشـقه واللي قعد يقلط على سور الاقرام يلقى مع التاليـن قســمه وحـقه من لاعصب راسه لتحقيق الاحلام لابــد لوعــات الليـالي تــدقـه #لاحق_العضياني

#ملحوظة إخذ الحياة بضحك لوكنت مهموم بعض الهموم الضحك يطرد زعلها وإن شفت عينك حاربت لذة النوم تذكر النحلة ولذة عسلها أياك لاتكثر على نفسك اللوم ترى عذاب الروح سبة جهلها .

بعض العرب مع سلم المجد يرقا ياصعب منهاجـه وياعسر دربه المرجلـه .. يرقا لها .. ويتعـرقا يفخـر بها والمرجله تفتخربـه وبعض العرب في لذّة النوم غرقا يمضي عليهم يوم ماحدٍ شعربه فالطيب فرق وفالرياجيل فرقا للي يميــز .. فالزمان .. وفكربـه لاحق_العضياني

رشا العامرية عن مرابع عربنا شد وهو سلوتي لا خاطري ضاق مريته تقافت رحَاله في الضحى وانتحا وابعد وشبّاك داره سكّرَه وانطفى ليته سقى الله ليالي بين حيّه وبين السـد ومنزل ورى احصون الجلالات حلّيته وخطٍ على سفح الجبل ينحني وامتد وليلٍ معه في جانب

... عزالله ان الفـوز في قول مدري اخيـر من هـرجٍ عقيـمٍ نقاشـه تلجم هروج اهل السواليف بدري وترتاح من صح الكلام وغشاشه لاحق_العضياني

. فنجالها تزين معه التعاليل تاخذني لعالم وتعطي دفاها ليل الشتا بحضورها مايجي ليل تطربني اكثر للقصيد وشتاها #محمد_العريعر

الله على زمان كان الطيب فيه يذكر 👇✅👇

اول حواسيد القرابه يبينـون يصبهم حارش وارش وغيره حرابت الناجح رديين وعفون كسرٍ كبيـر ولا لقيـله جبيـره لوشفتهم قدام عينك يهلون في غيبتك تفتح قفول السريره اغسل يدينك عن يداهم بصابون حذراك من لمس اليمين القصيره #لاحق_العضياني

... ماذبحـني غير طيـبي والصراحه والصراحه شحمها يكسي لحمها ليت صدر الضيق وسع الاستراحه ينتبـه للمخطئـه ويســد فمـها # لاحق_العضياني

ومن لاحفظ دينه وخمس الصلاوات خسران لو إنه زبون الشدادي ومن لاتساوى للحمول الثقيلات مايرفعه لبس البشوت الجدادي ومن لا تقدم في لزوم القربات ما ينفعه هرجه وكثر الدوادي #لاحق_العضياني

والله إنا مانحب أهل الردى واللفه جعلهم يفدون قرمٍ كل باب يسده من يذم اهل اللزوم مرجحين الكفه لايخاوينا يجنبنـا ويلـزم حدّه والرفيق اللي ينومس كلنا في صفه علموه إنا حزامه فالرخاء والشده #لاحق_العضياني

في القرآن : امرأة انجبت ابنتين ، كل واحدة منهما انجبت نبيا.. من هي ومن هذان النبيان ؟ #ثقافتنا_قرآنية