لو تضيق الارض و الحزن يتسلّل ما ادوّر درع جنب و شور شاير اتيمّم يمّة القبله و أهلّل لين ما تفضى السريرة و العباير اتضرّع في سجودي و اتذلّل طيحتي قدام ربّي عزّ ثاير ويتبدّد حزن قلبي و يتحلّل واتشالا كنّ ما فيهْ شي صاير

رجل مايقدح شرار وبنت تدفعها الحمايا ليت برقعها عليه وليتها تلبس شماغه

فللّت سيارتي . . فـ أوّل " محطة وقود " و خذيت من راعي الكيف إسبرسو دبل و سريت و الليل مظلم مثل قلب الحسود حتى بدا ( الصبح نوره ) مثل مروَ العبل و يوم إستوى الخط من بين الجبل و النفود غنّيت لبّى النفود .. و ضاق صدر الجبل :) _ حزمي بن سعد

لاجا اللّعب صن إزهل علي الدبل و الفور و لاجا حكم .. عادي تاكل السبعه الأكّه :) _ مدغم أبو شيبه

مـايخلي مقامك يالبنادم كبير غير صدق الشجاعه والوفاء والكرم إنعدام المرؤة وإنعدام الضمير حاجة تجعل الإنسان لايحترم

ماعندي لكشف النوايا مرونة من طاب فالجنة ومن خاب فالنار أعامل العالم بما يظهرونه واترك خوافيهم لعلّام الاسرار

تزين ياوضعي مع الايام ولا ماتزين دلة صواديف الليالي شاربٍ فنجالها

سواد المدامع في بياض الخدود ذحيل تقول إنها تِضْرَب مكاييج وتكحّل

بدري على انه يفكر بالعمر بدري الوقت قدهو بلا رحمه و ماويّه يطل مع نافذة الاحلام ما يدري ان عاد الايام بتضيع هقاويّـه

جت عندك السلطه على فعل الجميل فـ المنصب اللي فيه كلٍ غابطك تملك صلاحيه تجيب المستحيل مهوب حق تقول كلم ظابطك

ياوقت لا تبحث خفايا المخاليق ماعاد نبغي منك غير السلامه

من فك للخبلان باب الميانه  قامو عليه بكل حاجه يمونون .

تحاول ترضي الناس ورضاها صعيب من يسد بطونها ما يسد عيونها لارضو عليك خلوك للعين القريب والعرب وش يفرق عيونها عن نونها وان تغير حالها قامت ظنونك تخيب ينكرونك لو جمايلك وسط بطونها علم اصحاب الجمايل تراها ماتغيب كانها لله بكره ترا يلقونها

يا ليت حلم الحقيقه مثل حلم المنام ان طال ماياخذ الا يوم و احققه يا حلمي الصعب تستاهل جزيل السلام انا جعلتك صعب لأن عندي ثقه بحققك بـ العزم واصير قد المقام ما هو بـ انا اللي تثور فـ الخبا بندقه الحلم لا صار ليلً مغتشيه الظلام العزم مثل الصباح وشمسه المشرقه

والله ان جفن عيني بـ ازرق الدمع حاير ارضي النفس والذكرى تسبّب زعلها ذايق الفرحه اللي في طرفها عباير فارحٍ بالديار وفاقدٍ بعض اهلها

لحفتكم عن لافح البرد واقف وان طحت بكره بينكم لحفوني ترى الحياه إتعيد نفس المواقف وان دارت الايام لاتتركوني

يا المال كم لك تكشف المتخاذلين اللّي يظنّون الدراهم واقيه المال لو يفيد فاد الأولين وخلّّا حياة الأولين الباقيه

ليت الرياض كل أيامها مطر وليت وجهك قبالي كل ما امطرت..❤️

لاشفت حالات الآوادم على الوتساب تقول الآوادم كلهم من هل الجنة  نصايح وكفارة مجالس وعتق ارقاب  وتذكير بالواجب وتذكير بالسنة    لكن لابحثت علومهم رمش عينك شاب وترجع تقول إن العرب صدق منجنة .

لو يدري الخياط عن فعل يمناه ماحط في ثوب السنافي مخابي