عز نفسك تجدها ياعزيز المقام من بغى عِزّ نفسه في الملا عزّها لاتراخا لدرب الضيق والانهزام مع دروب السعه ياصاحبي دزّها من يبدّي سلامه قل عليك السلام ومن يقفي. جبال طويق ما هزّها #شعر

يالله ياللي على الافلاك لك سلطه ماغيرك احدٍ يحكم الكون ويديره انت الذي تغفر الزلّات والغلطه وانت الذي مالنا عن خيرتك خيره تفرج همومٍ على المهموم مختلطه ماباقي الا يشد ويخلي الديره #شعر

ياقلب لايشقيك صفق الرياحي خلك صبور وهيد والله معيني (وان كان صدر اليوم ولّى وراحي بكره قريب وكل شيٍ يبيني) #شعر

هذي الدنيا تغر الاولي والتالي كم وكم في زخرف الدنيا بشر منفتنه بيعها لو بالخساره دون راس المالي وقل عسى ربي يهنيك (بفتن )يا(فتنه) والتزم بالصمت واترك قوم قيل وقالي حلّت اللعنه على اللي يوقضون الفتنه #شعر

يامال فرقا العين من بعض الاجواد اللي يدربون العلوم الكبيره بعض العرب كنّه على علم وشداد يهوز صعبات الامور الخطيره وان عوّدت لمصادمة روس وعناد لاهوب لا محزم ولاهو ذخيره #شعر

صاحبي من وين جاني وانا من وين جيت التقينا في الحديقه بلا سابق وعد صدفةٍ لايمكن انسى حدثها ماحييت صار في جوّي من احداثها برق ورعد 👋👋 #شعر

صاحبي شع نوره يوم شرّف والحلا بان ضاع نور القمر يوم الحبيّب شع نوره 👋👋 #لعب#شهري

احذر تجي وتروح مع كل شّله يلحقك من فعل الوسيود سوادي وان شفت بيت الله حذرا تزلّه خصٍ ليا نادى وحيّا المنادي واللي يخلي فرض الاسلام خلّه غادي ومن يمشي مع الخبل غادي الآدمي من غير مذهب وملّه مثل البهيمه تسرح بكل وادي #شعر

يالله بصبحٍ به الآمال تتحقق مع طلعة الشمس وآمالي تباريها اشوفها في يدي لو ماني مصدق مثل الذي جوّد الارنب باذانيها #شعر #صباح__الاجواء_الحلوه

راضي بمقسوم الله اللي قسم لي مقسوم شيٍ لي وشيٍ ماهو لي امشي طريقٍ في الحياة انرسم لي من سكة الحاره ليا خط دولي ايام بوجيه الرضا تبتسم لي وايام من صكاتها ضاق جولي #شعر

ياحيلة المحتال لو تنقذينه يومٍ من الايام. ماهو بدايم لابد من يومٍ فعوله تدينه ويشهد عليه اللي مصلي وصايم من عاش بالحيلات ذاق الغبينه ولاعمر وجه الفقر ضوّى غنايم #شعر

بالله ياهل الخطوط الرايده في البلاد ابا على متن رحلتكم بطاقة صعود ابا آخذ شوي من فوق البلد والوهاد ادور من فوقها لو ما اتعدا الحدود اظني ارتاح من كثر العنا والجهاد مقدار ساعه عن زحام البلد والحشود #شعر

مطرنا بفضل من الله ورحمة منه #الرياض_الان

هل تتذكر متى انضممت إلى X؟ نعم أتذكر! #الذكرى السنوية_لانضمامي_إلى_X

يامراسيل الهوى بينه وبيني من يطفّي نار الاشواق برساله كم وكم لي عقبهم ماغفت عيني من ربيع اول ليا اليوم شوّاله #شعر

يانجد والله مانبي غيرك انجاد في قحط والا في السنين المطيره ولو خيرونا مانبدلك ببلاد انت الرجاء وانت الامل والذخيره وانته موارثنا من اسلاف الاجداد اهل الوفاء واهل النفوس الكبيره #شعر

ياهل اللكاسز صافيات المكاين اللي تقول السيل يمشي تحتها مروا على داره وعيني تعاين ابا اتمقلها واشوف آخرتها اما قنعت وقلت جاحد وخاين او قلت نفسي والظروف اجبرتها #شعر

الله يسامحك ياشوق احرقت قلبي بالاشواق وان قلت لك زاد شوقي قلت انت ماني بشاقي #شعر

ابا اتقهوى لي من الكيف فنجال وآخذ من الشاي المخدّر بياله في واديٍ جايه من الغيث همّال لين اعتمر طلحه وظفّا ظلاله مقعادنا وسطه ولو كان مقيال يسوى مصيف سويسرا مع صلاله #شعر

الفقر ماهو عيب ياكانز المال الفقر فقر المعرفه والرجوله نخسر كنوز المال من شان رجال ونكسب بها اللي ماانت قادر تطوله #مساء_الخير_والسعاده_للجميع