يهنيكم ياعسير بشوف سودة عسير فيها جمال الطبيعه مختلف لونها مصايف المملكه نلقى بها كل خير ردو سلامي لها يلي تمرونها والطامع اللي يبيها دونها زمهرير مايدري إنا نبيع الروح من دونها سعد بن فرحان الشلوي

جعل راع الهينه شاهد الزور الكذوب بالمصيبه والشلل في لسانه وظهره يوم فرق شمل الأخوان في كل الدروب ما سلم من شره الحي وأهل المقبره ضر سمحين النوايا وبيضان القلوب لين فرق شمل الأقراب خمسه وعشره سعد بن فرحان الشلوي

الظلم دربه ردي والكذب حبله قصير والحق يعلا على الباطل مايعلاعليه واللي يقول الجحش يشتال حمل البعير هذاك لاشك ناقص عقل ولاسفيه واللي يضيع حقوق الخلق مافيه خير ومن ضاع خوفه من الله يعمل اللي يبيه والحاقد الظالم الفاجر عديم الضمير لوكان نشحذ على باب الحرم مانجيه سعد بن فرحان الشلوي

لاوالله الا شاب راسي ونياه عقب الشباب اصبحت ياسعود شايب من عاش فالدنيا يشوف المعاناه يقضي حياته بين مخطي وصايب خسران يامن باع دينه بدنياه هذي مصيبه من كبارالمصايب ياحبني في راعي الدين حباه من اقصى العرب ولا من ادنى القرايب واحب ربي وطلبه واترجاه عساه يجعلني من الذنب تايب ابوسلطان

تكفون يابن الحارث اهل القاله عادل ولدكم لا يطوّح راسه تكفون يابن الحارث العيّاله انتم ذراه وفزعته ولباسه وتكفون يابالحارث الخياله انتم رجال الطيب وأنتم ساسه سعد بن فرحان الشلوي

كلمات الشاعر / عيضه الشلوي اداء / ممدوح الشدادي مكساج وتوزيع / تون لايف youtu.be/Bp4llsircyw?si…

ياموت لاتاخذ زحول الرياجيل تاخذ شيوخ القوم في كل ديره عليك باللي ينقل القال والقيل اللي لهم في قطع الارحام سيره وعليك بالخاين قليل المحاصيل راعي رداء يفرح بغرة قطيره لاصبواالدله بيّض الفناجيل كفه عن الفنجال الاول قصيره وعليك باللي مايعرف الدواليل قاطع حبال الله وشراب بيره سعد

سعد بن فرحان الشلوي ياموت وصاك ابن فرحان بالحيل اهتم في قوله و ريح ضميره سعد عطاك العلم من دون تفصيل لان التفاصيل ان سردها مريره بعد إذن ابو سلطان بوصيك في جيل جيلٍ الردى و اهل النفوس الشريره صفاتهم فيهم طبوع المشاكيل طيب وكرم ويسهلون العسيره لكن داخلهم خباثه وتمثيل يسعون في تشتيت شمل العشيره

سعد بن فرحان الشلوي بعد سعد فرحان ساق التماثيل يوصيك يا مفرق عشير وعشيرة عليك بالـي يلبسون البناطيل اللي ما تسترهم عليهم قصيرة وعليك بالي يلبسون الخلاخيل الي تنافـس فـي تغنج منيـرة ولي تنام عـن الذكـر وتهاليل ينام ما يصحى يكـود الظهيرة وعليك بامريكا ولاتنسى سرابيل وياموت تكفى لا تعـداء الاخيرة

سعد بن فرحان الشلوي يا طير شلوى سحابٍ زلّ ما فيه مثله على داره لكن اخذ فالعلوم و خلّ لين القمر يكمل اطواره #كلمات #حجاز_ويذر

ببالغ الحزن والاسى بلغنا نباء وفاة الشيخ عايض بن ضاوي الرويس اتقدم باحر التعازي والمواساه لابناءه واسرته ومحبينه وقبايل البقوم. اسال الله ان يغفر له ويرحمه ويجعل قبره روضة من رياض الجنه ويسكنه الفردوس عرفناه صاحب طاعه وكرم وفزعه ويسعى دايماً في قضى حوايج الناس

هل تتذكر متى انضممت إلى X؟ نعم أتذكر! #الذكرى_السنوية_لانضمامي_إلى_X

انتقل الى رحمة الله خالي الشيخ سعد بن عواض بن خنيفس الشلوي اسال الله له الرحمه والمغفره وان يسكنه فسيح جناته وعزاءنا لابناءه وذويه ومحبيه وقبيلته . إنا لله وإنا إليه راجعون

ياللي تفاخر بالمناصب والاقوال وعن الوجوب اتصد يابارد الحيل لاتحسب إن النقص في روس الاموال النقص والله نقص روس الر ياجيل سعد الشلوي