كبروا راسك مناديب النمايم
غيروك و جوك الصافي تعكّر
غرّك اني في فضا دنياك هايم
في سواك من البشر ما اتفكّر
و غرّك اني ما اسمع فيك لايم
من مجاميع المؤنث والمذكّر
تحسب ان قلبي ملكته لك دايم
يوم شفته لا يخون ولا تنكّر
انتبه من سجة القلب المهايم
لا نسى ينسى ولا عاد يتذكر.
قصرت شرهاتي عن المخطين
قضيّتي ما أبغى لها قاضي
يوم أتوجّع ماني بمسكين
لكن ما أحب الخاطر الفاضي
بين المشاعر والعقل والعين
ياكثر ميقافي ومركاضي
تاخذني أحلامي ولا أدري وين
شايل جروحي كنها أغراضي
أحيان أحس إني من التالين
وأحيان أحس إني من الماضي.
لا تهوجس كثير، الله بيفرجها ويهونها عليك
خلها على الله، توكل على الله، سلّم أمورك لله
قم وانبسط مع الناس
قم وغير جو، صحتك تسوى الدنيا
النفس لها حدود وطاقة
خذ دنياك وظروفك بطولة البال
وسع صدرك، وأنت مأجور إذا احتسبت الأجر
وتذكر أن الله أرحم بنفسك منك فلا تقلق
اطلق عنانك للسماء بالعز يا الراس الطليق
انا اعرف انك بالمعزه والكرامه تنطرّب
مال المذله والمهونه لك يا راسي طريق
ولا سلكت بكِ الطريق الملتوي والمخترّب
- ناصر الفنيد