ماني من اللي يتشفق لساقط الزاد ولاني من اللي يلتفت للمنادي .

يا عساني فالأدب طبعي خلوق و بالعباده من مقيمين الصلاه .

عقلي الراكد يمشيني على أصّح اتجاه ماتمشيني رِياح وين ما ولتَ أروح .

عن الردى والعيب عديت مشراف شيٍ تحت رجلي وشيٍ خلافي .

وأفك لأنسام الهبوب الزراير ودّي أنها توصل لأخر الجوف .

أنا على نيتي وامشي بنيّاتي ولاني بمجبور اجيب اللغز مع حله .

يوم ابعد عن الناس مانيب ضايق شخصيتي هاديه واحب السكينه العزله افضل من ضجيج الخلايق نتايج الازعاج ، ماهيب زينه .

معي عقل سَابق عمري الواقعي بـ أعوام وتمّثناه قلبً ما سمع شوره وشوري .

بين صدرٍ وسيع وبين قلبٍ بليد قالوا تخير قلت أحتاجها كلها .

إن وردت آرد على العدّ .. والعالم تشوف وإن وقفت آقف على العز والعالم ترى .

يرجيه من يرجي جزا الله ليَا صيام ولاهُوب لا خاسر ولا هوب نادم .

سالبٍ لب المدايح وتيجان الوقار وفارقٍ في جيل متشابهه نوعيّته .

يا الله إني في ذراك من الخطأ والهفوة ومن مقامٍ ما يوقّر صاحبه ويصُونه .

الهروج العوج مالي من وراها حاجه سلعةٍ من باعها يشرَه على شاريها .

دقّيت من حاجه وحاديني احراج وكبرت عليّه واستحيت وعزمته .

يارب الأبواب واجد بس عايفها زاهِدٍ من الناس وإيماني على بابك .

بتعيش وتموت ماشفت الخطا مني أرقى عن الهّون و أخلاقي بعد ترقى .

هرج القفى في غايب الناس تَالف قلّة حيا وذنوب من دون قيمه .