حكي البشر عنّك ترا ما يهمنا حنا على حِسن النوايا نحشمك إن طبت طبنا و إن تردّيت شمنا هذه بتلقاها و ذي عند خشمك

ماني رفيق اللي تحت رهن أصبعي أنا رفيقٍ للي قدحه يحتديه كلٍ و له وجهه … و أنا أعرف سنعي و كل من كرهته ما كرّهت الناس فيه ما عمري قلت لـ صاحبي أزعل معي و صدّقني لو يزعل معي أزعل عليه

الخير …. بيد الله ولي التدابير حكي البشر ما من وراه أنفراجه . دايم صباح الخير ولا مسا الخير ما عمرهم جابو من الخير حاجه . . .

بويتات جديده .. . . .

بويتات قد تحل المشكله .. . . .

جديده و مفيده .. . . .

تدري علامك ما تدري عن فعايلنا ؟ يا مدوّر المدح حنا ندوّر الجنه . حنا ترا لا تجمّلنا …. جمايلنا لا قبلها صوره ولا بعدها منّه . . .

لا تدمح اللي تغثك و أتجاهلها ترا رضا الناس راح تموت ما نلته كل كلمةٍ تستحي من قولها .. قلها لا تموت و بـ خاطرك كلام ما قلته . . .

اللي ما رده قال الله قال الرسول ما هو يرده اللي تقول البشر . .

تشوف المجامله أحسن لي و أفوَد و أنا أشـوف الصراحه راحه نفسيّه . أنا تراني كذا ... يا أبيض أو أسود ماني بحب العلاقات الرماديّه . . .

و شكراً شديداً .. 🌹 . .

تراك لا محزم ولا شوق طخمه و حن عاذرينك يا عشير الخايبين . من كان جده لاش و أبوه رخمه كل ما تردّا .. والله إن عذره سمين . . .

من زم نفسه ما حسبنا حسابه الحب من الله ما يجي بـ المصافيط . إن كان سلّم …. يا هلا مرحبا به و إن كان ما سلّم .. يسلّم على مقيط . . .

لامن غدو أكبار القوم مهبّله تلعب بهم أشوار اللي من صلبهم و المرجله مع جهّال المرجله نفس الثيران اللي تحاول حلبهم أنا حشمت الكلب حشمه ألـ هله بس أطلعو هله ألعن من كلبهم . . .

كان أزعلك صدقي !! كثّر الله أمثالي الحق ما يزعِل إلا مخطي و خيّب أنا صريحٍ أعد الحق ما أبالي ما والله تشوفني بـ الموقف الريّب لا ضيّع الحق خوّافٍ و متمالي ماني على الحق متردد و متهيّب بـ الحق أنا ما أجامل طيّب و غالي وش عاد و أنت اللي لا غالي ولا طيّب . .

قصيدتي بـ الشيخ : مبارك السكران السهلي .. ٢٨ / ٢ / ٢٠١٧ . . .

كل الخلايق فيهم النقص و الزود و كلٍ و له وجهه و من جد ياجد ماني بخاوي في رجا نفعه و فود الفود بيد اللي له الوجه ساجد أخاوي اللي في سجاياه محمود و اللي يسابقني لـ باب المساجد ماني بدوّر لا شجاعه ولا جود الديره أمحكومه و الخير وااااجد . . .

والله يا بعض الردود أتنطّق الأطرم ما يقنع الوافي ردٍ ما هو بـ وافي . اللي ذبح أكرم ما هو من عزم أكرم إن كانها بـ السوالف كلٍ سنافي . . .

العاقل هو اللي يتعلّم من أخطاءه و يدرك ما هو كل مره تسلم الجره و إن خيره و شره هم دواءه و داءه و اللي ما هو في محله ما هو يسره من قل خيره … بـ يشبع ذم و إساءه و من قل شره .. بـ يشبع غبنه و حره في لازم أصحابه و في طمعة أعداءه الرجل ودك يبيّن خيره و شره . . .

يا كويت العز شده و تزول لا يكدر خاطرك اللي جرا يحفظك من كل شر و كل هول اللي عينه ما تمثناها الكرا دون أرضك شيخٍ يقول و يطول و دون شيخك شعبٍ يرد البرا و دونهم دفاعك الجوي يقول : أنتي في وجهي و أنا وجهي ذرا . . #الكويت_الآن