ماتجيك الحصبة إلا من فراش محصوب وحبة الجدري تجي من فراش مجدره

ماغدى للورد طلّة و للصبر انتظار غير في رجوى مجيّك وساعة موعدك

سنين وانا اخيل لي من يمة القبله خيال من مزنةٍ ماهل ماها وانتظر هملولها لكن كان حل خامس بعد رابع حول حال سندت ولا انحيت مع عرض البلاد وطولها والله يعينك يالحنوب اليا امتلا صدر الشمال الله يعينك لا امتلا صدر الشمال اتقولها

لو ابسط حقوقه كلمةٍ كنها الياقوت يسولف به التاريخ هجري وميلادي

دامك تحسّين فيني ليه ما قلتي ياما تمنّيت ليلة مثل هالليله إن كانها بالغلا كنتي وما زلتي أول ورود الهوى وآخر محاصيله

ماهوب دايم كل جرحٍ اتداويه دواك من بعض الجروح اسفهانه والجرح هذا يا اوله ويش تاليه وقفت له واليوم أبجلس وزانه يشره علي اللي يحب المشاريه ولا ترى الطيب وسيعٍ بطانه اللي يراعيني بعينه و اراعيه اليوم كل دموع عيني عشانه

صديقي الاعتراف الصادق من الضمير تراه مثل اللقى اللي بعد طول البطا مدري وش اقول لكن اسمع من الاخير ان كنت مقفي زعل جعله مراح القطا وان كان عينك تشوف الدرب منت بضرير تراي اجيد النقاش وعندي اخذ وعطا لكن ليا خربت اخلاقي مااحب استشير امشي على اللي براسي صح ولا خطا

انا وياك ما اخترنا نهاية دربنا المهجور خذلنا الحظ؟ لاوالله خذلنا الشك والريبه

تجيبك في ربوع الذاكرة ياصفوة الخطّار مقاديرٍ رمت بك في طريقي وأنت ماتدري

ذيورٍ غيورٍ كل يومٍ تسل حراب تشم المغازي والنشاما غنايمها تغنّج تغنجّ خفرةٍ سحرها جذاب تجمل وتضحك للعرب لين توهمها وتطوى تطوي حيةٍ سمها بالناب على عضت الغافل تلحس براطمها

ياذيب ياللي رزقتك صيد نابك مدري عشاك شياه ولابعارين ياعناد عاند ضيقتك وإكتائبك واكسب رضا الزيتون لو يزعل التين واثبت هذا مهوب وقت إنسحابك طرقٍ على خشم العواكيس بتزين

ماورا ذنب المشاريف لاذبيت خير ماتجيب الا الغرابيل وتزيد الوهم هيه ياضلعٍ رقيته وحثيت المسير اتخيل كل ليلٍ سريته والتهم يوم امره طلعة الشمس وامره عصير كن في رجلي جبيره وفي صدري سهم الهموم أفواج طلاب والقلب المدير كل مافارقت لي هم اصبح لي بهم

مراح نفلح وهاذي النماذج الإعلاميه

انتصف ليلٍ تسريه الطواري في سماه احلام وغيوم وقمر غربت شمسه وانا ضايع قراري واخر الضيعه ترا ضيعة عمر ذاتي الليله مثل ذات الصواري وصدري الليله احر من الجمر زمليني يا تباريح المساري شرهة الاغصان ماتجني ثمر

طالت عليك الليالي يالقوي الشديد اللي جروحك عتاق وذكرياتك شقا لو كان قسمي من افراح الليالي زهيد مسامح اللي يروح وقابل اللي بقا الله عطاني نزارة صيرميٍ عديد منين ماتل سبقه للكواكب رقا اجابه اقسى الظروف اللي توطا العنيد من عادها في دبور و مقفيه محقا

ياما على نفسي بالأحلام كذبت وياما صبرت وصبرنا مانفعنا وياما وياما من وداعه تعذبت وياما نحاول نفترق ما استطعنا كم مرةٍ ودع وكم مرةٍ غبت وكم مرةٍ عقب الوداع اجتمعنا ويا كم توادعنا وشرق وغربت ويوم إلتفتنا في بعضنا رجعنا

وانا اللي كل ماشيّدت للنسيان دونك سور جرى في خافقي سيل الحنين الجارف وهدّه عساك الحِّل ياحلم الوصال وموعدٍ مهجور تلاشى كنّه أصحاب الرخا في حزّة الشِدّة

ليته خطا واعذرك لو ما أنت معذور من قبل تفرح بالجفا هرّاجته كان أبشع أنواع التطرّف فالشعور شعور إني شي ما أنت بحاجته

عليك الروح يشعفها مسيلٍ من سرابك سال و يوقف دونها خوفي و مشروهي على قدري تدانى لك معَ باب الولع و الشوق قلب و بال و حنّت لك مواريف الشجر و الغصن و الكدري لا تستسهل مطيحي لا تثنى عودك ولا مال و أنا رجال ما فوقي حدٍ غيري ولا حدري

ياملح القصيد اللي هويته ولا الله راد خذاك الكبر ولا المقادير صارحني انا اعيش ف بلادي وكني غريب ابلاد اشوف الجفا يطغى والاشواق تجرحني تمادى السكوت وكل ذكرى معك تنعاد تجدد بقايا ذكرياتك وتذبحني