ان نويت الطيب فادفع ما وراك ودونك وان نويت انك تردّى فالردى مجاني :)

المدوّر في متاهات سرّ الصامتين بيتحيّر ما عرَف كرهها من ودّها

عطاك الله قبول وكل مامر العرب طاريك تلّج أصواتهم مابين .. نعم وحيّ هالطاري

إيه والروح مثل الجلد تبرا وتدمى والمشاريه مردوفه ورا كل هامه عن هزيل الكلام أشوم والنفس تسمى عن مقامٍ يعرّضني لسان الملامه والله إن السراب ألذ من شربة الما لا حداني عن العد القراح الكرامه

أمنت باللي يذهب الحزن والباس اللي سجد وجهي لوجهه رضا له اعوذ به من غفلة عقب وسواس واعوذ به من ضيعة عقب دله واعوذ به من حاجة من ورى الناس ومن كبر ظن مايجي في محله والى أستحالت حاجة من ورى الياس مـافيــه شـي مستحيـل عـلـى الله راشد ال هادي

يصقط اللي ياتي لسانه اطول من يديه وينجح اللي يدري ان الكبر كبر العقول لاتسوم الوجه الابيض ولا ترضى عليه ما يقلّل قيمته عند ذربين الفعول الحيا لا قل في الارض ولّا فالوجيه قل ما فيها من الجاذبيه والقبول ..

لك أحتاج وأنت اللي مايحتاج مني فرض بك أظن وأنت أسمى من اللي على ظني أنا اسألك من لطفك لو أكون طول وعرض حبيس الذنوب ونسمة الصبح تفتني أبي لحظةٍ قبل اتلحف تراب الأرض ماتاخذني إلا وأنت راضي بها عني

إِنَّ اللَّهَ وَمَلَائِكَتَهُ يُصَلُّونَ عَلَى النَّبِي يَاأيُّهَاالَّذِينَ آمَنُواصَلُّواعَلَيْهِ وَسَلِّمُواتَسْليما 🤍

﴿ إنَّ اللَّهَ وَمَلَائِكَتَهُ يُصَلُّونَ عَلى النَّبِيِّ يَا أَيُّهَا الَّذِينَ امنُو صَلُّو عَلَيْهِ وسَلِّمُو تَسْليمًا ﴾

ياصحيبي يرقع الثوب من شقه من زعل لاعاد يبدي لي اسبابّه من تخيل بأني اخطيت في حقه يتخيل عذر مني ويرضابه من يطيح من السماء طاح بالرقه لايحسّب ان السماء منه منصابه .

آضحي بخاطري واسمح من حقوقي واقفل ابواب سوء الظن موليه والى تضايقت قمت آجر طاروقي وآلهوي الفكر بالماضي وطاريه عمّاش

نفسي على دورة الايام ممتنّه تكشف لي الناس وتبيّن خفاياها فيهم من يبين لي في رفقته هنّه وظنوني الطيّبه لا زلّ ترفاها من دور الزين جينا له على ظنّه واللي يدوّر على الزلّه بيلقاها

شيمة الرجال من بعض التفاصيل الصغيره ماتقوده لـ الأمور اللي يشيب الراس منها ㅤ يعتبر زلّة رفيقه كنها حرمة قصيره واجب الى عرّضت توه يغض الطرف عنها

مابين حب الظهور وبين كره الظهور بـ أعيش واموت واْنا .. هيبتي هيبتي لبست ثوب الغياب وجيت بين الحضور لله دريّ وانا موجود في .. غيبتي :)

يا ليت الزمن طيرٍ يعوّد على الملواح بـ آردّه ولا ادري ويش اردّه على شانه

٢:٠٥ص : لا منّه حضر ثلث الدجى وانهزم ثلثين وانكفّت ازولته وابرهزّت مصابيحه يجيني ضيوف ماتسيّر على الساليين ملفاها معنيّن الزمان ومجاريحه

اترك أثر طيّب تسولف به الناس الصيت يغني و الجمايل خزاين حتى لو الدنيا تحدك للإفلاس سمعتك تبني لك قصور و مداين

الحظيظ اللي بعمره جمع دنيا ودين ما ترك حق الرفاقه ، ولا فوت صلاة

اقديت يا مستقبل القبله مع الثلث الأخير والنور خافت والبشر نيّام والليل سروي أفضل وسيله لـ امتلاك الرغبه اللي في الضمير دقايقٍ فيها يلين القلب والدمع يهويّ والله كريم ويعطي الجنّه ملاذ المستجير وش عاد حلمك في حياتك والطموح الدنيوي

يارب مالي عن كرم عفوك على الدنيا غناه ولا لحالي غير غفرانك ملاذ من الجحيم