"اللهم إنك عفوٌ تحبّ العفو فاعفُ عنَّا"

عزالله انهّ صادق.

هلا ياعيونٍ كل ما ذعذع على صدري النسناس عرفت انهَّا .. ملذات عمري فالحياه ومسرّاته.

باول القصيدة قال لها : " تعالي كبريائك لا يحير قلبك المسكين ترى ليل الزعل باله طويل و ليّنه قاسي " و في تاليها و هو مُعترف بحاجته الها قال مستسلم : " تعالي عكّزي قلبي بكلمة و ابتسامة عين و ضحكةٍ دونها يفنى الطموح و ينكسر باسي ".

راعي الهوى لو تقول الناس يا كبره يصغر ويشفق على الميقاف والبوسه - ضيدان بن قضعان

" قم خلّنا نستدرج الحلم بالدور يمكن يطلّ الصبح باللي انتمنّاه "

تحسه من زود المحبه يشرق بقلبك مثل ماتشرق الشمس على أهل الارض

وأكتب لنا مقعدًا في الجنة حتى إذا جلسنا ضحكنا على أيام الدنيا المتعبة، كأننا لم نرَ حزنًا ولم نشعر بهِ أبدًا.

أفيضوا على بعضكم ببهجات عذبة تصنع لحظاتنا الصعبة، وأيامنا المتعبة.. فاجئ أحدًا بمنحه أكثر مما كان يأمل به منك، إبتسامة، إمتنان، مجاملة، تقدير عابر لفعل بسيط، وذكرى خالدة تسامرهُ بها، فلنجبر أيام بعضنا الشاقة، ونفرح وجوه بعضنا الشاحبة، و أمنحوا الجمال بقدر ما تريدون أن تنالوا منه.

فيه ساعه في العمر لحظاتها مسترّه بس لا عدّت دقايقها تصير حسوفه ㅤㅤ تشبه الوجه الجميل اللي تشوفه مرّه عقبها لو تقلب الدنيا ما عاد تشوفه

سيرة ذاتية "انا إنسان واحد عاشوا داخلي اثنين / الاوّل مطوّع لكن الثاني .. مولّي"

مهما كنت غرقان بـ أحزااااانك وتحس إن الفرح يمر من حولك ويتعداك ولا تدري عن أجوائه ولا فصوله أقرا حِدة الشاعر هنا يوم قال : "مع الوقت وان كان الله احياني! لأطول ما يعجز الباقين عن طوله وإني لاخلي الفرح بيتّي وعنواني واصير مثل الملك في داخل الدوله مليتّ والناس تعرفني من احزاني"

لأن الحب وجعٌ مستطاب يقول الحميدي الحربي: "لو عذَّب الغالي لذيذٍ عذابه السيل يجرح بالوطى قبل يحييه"

" أنا للحين أسطّر وجهك بوجه السماء وأنخاك ويتقاسم معي وجه السحب وجهي وندعي لك "

"والله إني فاقِدلي على الدنيا ، عزيز مانسيته طول الايام لو غيري نساه"

سقى غيثك صحاري قلبي و قلبي بدوي أطباع يرحّب بالمطر حتى ولو بلّ المطر ثوبه

"والله لو أحط قلبي في قفص صدرك ما راح تستوعب .. اللي ودي أقوله"

خليت لك صبحٍ يشبه حيل قلب أمي وخليت لي ليلٍ يشبه نيّة العالم - الكثيييييير من الأفا !

ماعاد لي خاطر ولا عاد لي نفس ولا قمت أدور وصل من لا يجيني من قرب بخطوه أقرب له بخمس و من هو تغير عمد لا يحتريني.

"والله إني ما اسفهلّ بونس غيرك..لو عطوني قصر في حي المصيف وقصر في حي العليّا" لسعد بن جدلان مُتحدثاً عن الونس لا صرت بجانب محبوبك، وأن لحظةٍ معه تسوى الدنيا بأهلها وطرّاه أيضاً الشاعر اللي قال: "شفت حياة الملوك وعيشة البطره تسوى نهار..شبكة أيديك بيديني ".