ياكثر مافي ورا صدري الضيق علووم وضعي المزري عجزت اتقاضاا واعدله اتركوني يوم أغيـب وانا طبعي كتووم لاتزيدون المعاتـب وكثر الاســأله فاقد اللي في مجيه وغيبتـه محشـوم بين ريضـان الحنايـا وقلبـي مدهلـه ماكسرني غير صـده وانا ،، عزومي عزوم الهوى ماله شغل في [[ علـوووم المرجله ]]

أداريك عّن ضِيقك واحنك من أدنى شي وانا ما اتلفّت لـ الخواطر واداريها ولا أعاتبّ الا الساعه اللي تجيبك لي تجيبك ولا هي الراكده في ثوانيها أحبك َوانا الليّ لو جّميلك علي شوي قدرت أتناسى لييييييله منتّ ناسيها وأحبكّ وانا اللي لو يدور الزمن هي هي على حطة يدين القلوب و هقاويها :)

أنت يأوّل مشاويري.. وظِلّ اِنتظاري كم لي أخذ صورك من الوله واحتضنها؟ شاقت الأرض وجهك يوم جفّت دياري والبدو داخلي ما سنت إلّا سْننها ضايعٍ في هدب سودك من العام ثاري ولو معي قدرة استد؟ ما تقاضيت منها

ان جيتني محشوم وان رحت مستور ماني احب الحاجه الي ماهي لي وعسى التعب مخلوف والذنب مغفور وعساني ماقصرت معك في شي

دامني علمتك اسلوب الرماية مستعد اكسر يمينك لو رمتني كل شيءٍ بالحياة وله نهاية الليالي قبل اعرفك علّمتني :)

عسى مقبلة الايام تجبر عزى اللي راح وعسى الضيقه اللي فالصدر تنقلب فرحه اسولف مع العالم واجامل مع المزاح وانا وسط صدري شي يصعب علي شرحه

واجهتني بقسوة احساس وقلبي ما ارتخا ليتني ما كنت في يوم فرقاها شجاع ٓ صوتها يشبه مواقيف صدقان الرخا كان هادي بالمعاتب وقاسي بالوداع

شوف السّفر ما بين فتره وفتره زين أنا بحاجة غياب أتفحّص به أشواقي تراودني الضّيقه لها حروة اسبوعين وتاثيرها واضح عليّ و على أخلاقي أحس بتعب وارهاق نفسي وخاطر شين وسجّه ونوم أمحق ومدري وش الباقي ولا يجبر خاطري سوى كسرة الروتين حسب خبرتي في معرفة حالة إرهاقي

شي ماجا بالرضى ، ما يجي بلوي الذراع لو قعدت العمر كله بلا أصحاب و وليف الهزيمة في عيوني وأنا أدري أني شجاع ؟ أفضل من الفوز عندي وأنا أدري أني ضعيف

بـ آخر حبل من حبال الصبر متجوّد ياليت قلبي يحس ، بـ قيمة جروحه رغم إنّه بـ كل جرعة شوق !.. متزوّد ينسى ( خطاياه ) ويعذِّل على روحه ياللي على مسامحَتْك القلب متعوّد كل الخيارات بعد اليوم !.. مطروحة ماهوب دايم .. بـ أروح شوي وآعوّد إن رحت هالمرة الروحة هي الروحة

إستخرت الله وطويت الشراع من السفينه جزت عن طرد الهوا الكذاب وملاحى هبوبه ماتت احلامي صغار وراح من عمري ثمينه مالقيت من الهوى سلوة فواد ، ولاعذوبه شفني اضحك لحظة الفرقا لو اللحظه حزينه تايبٍ دمعه على دنياه . . . ماكفر ذنوبه الحزن لو يستره ضحكه مايستر دمع عينه حاجةٍ ما

تمردت ليلة البارح على الساهرين وضاقت علي البسيطه باربع جهاتها ياليل لا تعتذر لو ان عذرك سمين سلامتك بس و جروحي سلاماتها ماعاد تفرق معي تزين ولا تشين جميع حاجه تضيّق خاطري هاتها ضحكت يوم ضحكت الايام لي ضحكتين واثر الليالي ما هي تترك … حركاتها

"بعد طالت مشاوير الحياة و سجوّ السالين نويت أعيش فـ الدنيا و أسايرها ولا أمداني ترجعني لـ خيبات الظنون و زلة الغالين و أطوّفها على شان الهوى ماهو على شاني و أنا ماني غشيمٍ فـ التعامل و أعرف الغاوين أجامل و اتشيّم و الخطأ ماهو بـ يخفاني"

بعد ما أنتهي صبر البنادم وسده باح وفيّض علي صدر الطواريق مكنونه دعاني حديث الشوق وانا كسير جناح وجيتك ولو شوفتك ماهيب مضمونه وقف موتري قدام بيتك ودمعي طاح اثر ساعة الوجدان بالفعل مجنونـه مضي عام وانا من فراقك ماني مرتاح غلاك امتحن نفسٍ من الشوق مشحونه بي الصدق وفراقك مثل مشرط

لك العذر في غيبتك ولـ طيفك التقدير متى ماسهيت , وبان لي وجهك البدري لقيتك على مفرق طرق والظروف تسير حلالاه . . لو إني ( مقابلك ) من ، بدري سرحت بخيالي فيك وأسهبت فالتفكير وطلّعت كل اللي .. مخبّى ، ورى صدري ما تمنعني ، حدود المسافة عن التعبير أنا توّي مسولف معك .. وأنت ما تدري

طرالي البارحه والليل عيا يفوت واليا طرالي عظامي تيّبس وأرتعد متحاشي الذكريات بكل شارع وصوت وعدت نفسي وانا صامل وقد الوعد من بعد ليلة غيابه صرت احب السكوت وصرت انعزل عن جمعة العالم وابتعد تغيرت حالتي حتى فـ لعب البلوت من عقب ماهم يسموني قبيل السّعد

حاذفٍ مشاغل العمر وهمومي وراي ومتجه لك من دوافع محبه و انتمى ㅤ ما جذبني غير شوقي لك وصادق غلاي عدني لاجىء غرامي وعدك لي حمى ㅤ صب لي من كيفك اللي يعالج لي خواي و صفط ادلالك على جنب يا عذب اللمى ㅤ ما تريح عقب طول التعب وأنسى عناي لين أعيّن مدةٍ منك من بعد الضمى !

"والله اني كل ماظلّم الليل الحزين يعتريني هم أعرفه ولا اعرف سبْبه وتدخل الاحزان صدري دخول الفاتحين وتطلع الفرحة طلوع العرب من قرطبه"

دافعٍ وجه الشكوك .. وكاسرٍ وسواسي والظروف السود؟ ماتقدر تنزل قدري مبتسم ، لـ ايامي العوجه ، ورافع راسي لو اشيل من الضرايّب ضيقةٍ في صدري ماتقبلت افتح ابواب الحزن لـ احساسي خايّف إنه ينتثر حتى بـ صوت الكدري كل صبح اواجه/ العالم بـ قلبٍ قاسي وكل ليل اموت من داخل ولا أحدٍ يدري

نديمة دروبي .. ما بقى في رحابك فيّ خذتك الظروف ولا اختفيتي ، ولا بنتي لو إن الزمن .. قادر يرجّعك ، بين يديّ من يرجّعِك في نظرتي .. مثل ما كنتي من المستحيل يحول عن ذكرياتك شي لو يحول من دون اللقا حاجز إسمنتي يروحون كل الناس !. مني شوي شوي ولا فيه أحد يبقى على البال ، غير أنتي !