على الامل نكتب محـاصيل بكره ‌ وعلى الالم نقرا دموعٍ جرت امس ‌ حنا بشر والقلب يهوى ويكره ‌ واليا طلع نور القمر نرقب الشمس

ان قاله الله .. نلتقي ليلة العيد..

و انا سمـي النور .. بّـين و موجـود و انا ذراك .. ان كـان صفوك تعـكر دام الرجى في رب الارباب معقــود لا ما يضيرك جور هالوقـت الاقشـر محبتي لك عـمـر .. ما ينقـص يـزود و غــلاك عندي فـ المعاليق .. يـكـبر يا جعل مالك في سما صدري حدود لا صرتي ارباح الهوى كيف بـ اخسر ؟

محتاج اصد من البشر و اختلي بك و اسلمك روحي و سمعي و شوفي و انهي بك ايام النوى و ابتـدي بك حلمٍ سكن ما بيـن عقلي و جوفي

من شبابيك السهر لو يشرقون تستحي شمس العتب من ضيّهم و الجراح اللي من الدنيا تهون و الحنين يقول : ي الله حيّهم ..

يالله بمزنٍ يلحقه جوّ صافي مثل الرجا لامن غسل عجّة الياس ..

يستاهلك من حط عندك هقاويه قلب ورى شوره بلا شكه ، انسقت .. الحب تالي الوقت بانت مواريه وانا أحمد الله في شعوري توفقت

حنا سفن و اقدارنا هبّة الريح و بظروفنا غصب علينا مشينا مجدافنا ذكرى و صبر و تباريح و شراعنا تلويحنا في يدينا ..

وين لازم ينتهي فينا المطاف ؟ و الجفا من وين جينا ، ردّنا مايبينا البُعد ، و الفرقا تخاف و الغياب يخاف بكرا يهدّنا . العتب قبّل علينا ثمّ طاف مستحي يكسر بخاطر ودّنا الزعل خجلان منّا ، و الخلاف كل ما جينا نبيه ، يصدّنا حبّنا ماهو ب عُرضَة للجفاف غيمةٍ بيّح عطاها سدّنا ..

ما عقب عاصوف الصبر غير الافراح و سحايب الخير و ربيع الخواطر .. و ان كان باقي بالعمر كثر ما راح يالله ، بعمرٍ بالتباشير ماطر ..

حتى البكا و الحزن في ناظرك عذب مثل الرسايل و الأغاني القديمة .. مثل الهوى عقب المطر كلّ ما هبّ وجهك يرد الروح فيني ، و اهيمه .

مااقول زينك يطرح من السما الطير ولااقول كم طيرً بزينك طرحته ؟ أقول ذيك الناعسات المساهير أحييت فيها الليل والاّ ذبحته ..؟!

سيّد حنيني والمراسيل و الود كم للمشاعر عند بابك تودّد أدري وش بقلبك ولو ناظري لدّ واشوف بعيونك هواي وتصدّد تقبل علي ترخي خطاويك وتشد وصبري عثت فيه الظـروف وتبدّد..

طار قلبي . . قد ماحرّصت أضمّه طار لك قد ماكنت أتمهل به عليك . . وقد ماحبّيت هذا العمر فيك قد خوفي و إرتباكي ! و إشتياقي وإ حتراقي . . كان هذا القلب أشجع قال مابه شي يمنع ! شاف بعيونك نعيمه أنطلق في كف غيمة و أستقر براحتيك . .

نامي قبل لا تطلع الشمـس بـ شوّي صعبه يشيل الصّبح شمسين في وقت ..

لا يحسب أني برخصه عقب ما غاب طال المدى والا قصر وافـيٍ له..

لحظة سهر جابت مع الليل ذكراك واشتقت لك صوت وشعور وتفاصيل.

على الامــل برسم لـنفسي بدايات لـو كان مدري وين حلمي و ويــني..

وين ترحل بي النظره.. لقيتك ..

يا سيدة كـل الوجيـه .. الجمـيله الى متى بـاب الرجى .. عنك مردود الوصـل غايه .. و القصايد وسيله وانا رضيت الموت بـ عيونك السود الناعسات .. الباذخات .. الظليله اللي محبـتـها .. مـع سـنـيني تـزود