ودي ان الداخلية بالوثايق يكتبون في صورتك لله درّه يـ ماشاء الله في الجواز وفي البطايق وياجعل عين الي تشوفه ماتضرّه

منعزل واللي ورا الناس عيني ماتراه .. يستدير الكون وانا خلافي ماستدير دون وجهي ترخص احلام عمري .. من غلاه الطموح اللي بلا جهد نظارة ظرير ويش ربحي فالحياه ان خسر وجهي حياه مؤمن ان السمعه ابقى من العمر القصير الفقر مامن فقر ، والغنا مامن غناه.. اجهل شعور الغني واجهل شعور الفقير

دوّامة الليل يقتلها بياض الصباح مثل مايقتل جبينك وارفات النكد عوضني الله بوجهك عن وجيه الملاح ولا عاد يملى عيوني في وجودك أحد ياريحة الورد مدري يالنبيذ المباح ياغاية الحلم من بعد العنا والجهد وصلك ملاذ الطموح المنتهي بالنجاح وبعدك محازن عيون ودمعتين وسهد عــذبه

ياللي معك ماقدرت امسك زمام الامور تعلقت روحي فيك .. والتعلق هلاك امشي على شَفّك الجاير وكلي سرور واطمن جروحي المستعصية في رجاك ياشغلي الشغال اللي صرت لأجله صبور الناس تتبع مصالحها وانا اتبع هواك اللي من أول نحسب .. أنه شعور أثبت وجوده عسى الله لايبين غلاك

الضيقه الـلـي وافـقـت / يـوم فـرقـاك مـنهـا دريـت انـي ماعمري تضايقت حفظت اماناتك ، وطـيـفـك ، وذكـراك اللي تسليني / لـيـامـني . اشـتـقـتㅤㅤ ان كــنـت مستغـرب عـشان اتـحـراك حتي انــا مستغرب شـلـون فـارقــت وكانك تحس اني (مع الوقـت) بنساك انا احـس انـك بترجع ( مع الـوقـت)

مثل البحر محداً عرف داخلي شي لو بان مني ثلث ،، ثلثين باااقي

يمكن عقب ضيق الفضا والاماكن ربي يعوضني بها في مشيبي

إن تركتيني قتيلٍ على مفرق دروب اكتبي فتانة العصر مرت من هنا " واحفري قبرك وزاني وطيحي دوب دوب " ودي اقابلك لاقمت في دار الفنا والله لا وجهك بعادي ولا قلبي بطوب مير ميلي لين اشوف المناايا والمنا لاتشكّلتي مع الريح وانسام الهبوب مالقيت من العبارات غير الله لنا :(

يا فاتنه دمعك اللي بالمحاجر يسيل حتى لو إنه بدافع حب وألا وله لاصار بعد البكا بـ تبرّرين الرحيل من يبغي يروح ياخذ يومه من أوّله ما أنتي بـ مسجونةٍ ترجي مخلّي السبيل روحي مراح الجميل اللي في غير أهله

• بعدك أنا المشهد اللي صعب تصويره تمرّ الأيام .. و أوضاعي هي أوضاعي مشتاق لـ الليل و الشرهات و الغيره و مشتاق لـ أسألتك اللي مالها داعي..

هاك الغلا والامل والجرح وحزانك شفني نويت الجفا والكسر في ساقي واللي بقالي معك خله علي شانك دايم ليا جيت احاسب ماخذ الباقي

سأغمض عيني لألتقي بك أيها البعيد فالعشق في الروح كل يوم يزيد سأكتفي بك حلماً ربما الواقع لآ يريد سأحيا بك روحاً وعنواناً وتاريخاً  مجيد يقولون من تشعر به يشعر بك فها أنا الآن أشتاق إليك من الوريد إلى الوريد.

اعز صديقاتي بلا استثناء الفاتنه ام احلا والذوق واللي يميزها ثلاث اشياء موظفه ومطلقه وتسوق

بقى ذنب واحد من ذنوبي عجزت أنساه بعد ما هداك الله ياقلبي على التوبه لك الشوق ياذنبٍ تركته لوجه الله عسى سيئات الشوق ماهي بمحسوبه

طلال النوم يقفي كل مايقبل الليل والقلب عيا لا يفارق شعوره ٰ اسهر مع القمرى واجر المواويل ليت القمر نوره مثل نور نوره ..

ياحبيبي لو تحلويت ب السانك الموده بين ً وجه ،، راعيهااا

تضيّق سود الأيام من صدره رحبّ مؤمنٍ بأن البسيطة .. و أهلها فانية  جعل دنيا فرقتنا عن أغلىٰ من نحب يجمع الله بينّنا .. فـ الحياة الثانية ")

يا أطهر من الغيم وأعذب من دموع السحاب ذكراك تلطم بريح الهيل في دلّتي عقبك تنازلت عن آخر دقيقة شباب وزبنت رب العباد بشيبي و زلّتي لعلّي اعتاض في بعدك دعاءٍ مستجاب ولا أنت بموت و أنا خابرك علّتي

كل عام وأنتِ بخير مكانك فقلبي محفوظ، ولو ما يجمعنا الكلام عامـك سعيـد يا بهجة الرُوح و مسرتها كل عـام وأنـت بخير يا أغلى من الـروح

مثل مايمر الطيف في سجّة الساهين تمر اجمل احداث العمر دايمًا عجلة..