- عامر بن نوطان

أنا يوم شفتك عَمْي رايك وتفكيرك نويت الرحيل وعقدة الصدر منحلّه طلبت السموحه منْك ومكثّرٍ خيرك ونبغي المباحه كان معكم لنا زلة (:

مرحبا يا ذنبي اللي ماكنّه من الذنوب ماني بـ قايل لدرب الهدايه ودّني والله إن قلبك مبدّا على كل القلوب مثل ما بدّيت قلبك عليهم بدّني خاطرك يستاهل أرضيه لو تزعل شعوب والله إن أرضيه لو الزمان يحدّني

يامطول الغيبات مابي الغنايم هو فيه اغلى من رجوعك غنيمه ؟

ادفنوني في زوايا الذاكرة وانسوني مثل ماينسى نهار اليوم حزة بكره ودي اغمض على دمع العيون عيوني واقفل اذني عن جميع اللي تحب وتكره خاطري سامح وخابت هقوتي وظنوني  مثل طير فارق سبوقه وفارق وكره اعتذر للي كرهني قبل من حبوني يمكن ان الكره صادق والمحبه سكره

ابيات غاية في الجمال ألقاها صالح النشيراء في برنامج المعلقة القلب يكسره اللسان ولا تجبّره اليدين ماهوب عضمٍ كل يوم تكسّره وتجبّره وختم القصيده بـ : حيث انه اول شخص يسقط من عيوني مرتين وانا عيوني من سقط منها معاد اتعبّره

اللهم ارحم من تحبهم أرواحنا وهم تحت التراب وأجمعنا بهم في الجنة يارب العالمين💙.

رسايلنا القديمه صايره كنها بقايا دار ماعاد الا طيوف اصحابها تسكن زواياها

- أنت لك في العين ملفى وفي قلبي محل موقعٍ فوق المخاليـق .. عالي مستواه

جريح الهوى والفقد كنه غريم اقراب من الحرص والتركيز يستثقل الباسه لا ساد الظلام وتاقت الروح لـ الغياب خذا شور قلبه ماخذا الشور من راسه مايهدى خفوقه بعد صد وجفى وعتاب إلا جلسه وتعليله .. ( وقد مياسه ) شعوره وهو في قمه الشوق والاعجاب شعور الغريب اللي ذكر داره و ناسه .

ياللي تقولون عنا غيرتنا السنين متى حركاتكم هذي .. تخلونها ؟ حنا على كثر ماشانت وعيت تزين ماغيرتنا السنين اللي .. تقولووونها

ترى غناة النفس هي أصدق غناه و ترى جمال الشي ماقلّ و ندر و ترى البعاد أحيان نوع من النجاه و ترى السكوت أحيان من باب العذر لاتكبرون إلا على ظروف الحياه ولا تحزنون إلا على غالي قدر

أسافر على متن السحَابة، وأدفّ الريح ورى غربتك وآخر منازلك، وبلادك وأمر الليالي بـ الطواريق والتجرّيح لا جاد الزمان بكل طعنة، ولا جادك أعرفك وأعرف انّك عمر مايبي توضيح يطول المدى؛ ماخانت البيد ميعادك عسى ليلةٍ فيها من الشكّ والتبريح فدى ليلةٍ فيها مجيّك ومعوادك

البارحه يوم سرّتني طيوفك .. سريت احاول أسهى بـ ذكر عيونك الساهيه ينتابني خوف في ليلٍ شعوره مميت الليل دايم .. ( عتيم ) وطلتك باهيه عطيتك اللي تبي من حب ولا خذيت ألا غيابٍ .. بعدْه ( أعذارك ) الواهيه أنا توقعت .. بـ إني داهية ، ما دريت إنّي تولعت فيك .. ورحت في داهيه

أتركوني كل ماغبت ولا تنشدون ماني ببرقٍ عيون العباد تخايله ودي أدفن جرتي وأتقي عن العيون الله الباقي ونفس البنادم زايله والله لا صدري شمالي ولاهم يحزنون حتى لو ماشفتوا دموع عيني سايله كل يوم أظن لي ظن وتخيب الظنون وأنا كتفي تعب من جور حملٍ شايله .

بعد مافاتنا ركب الحياه وشفت شوف العين مسارات الطريق و الاتجاهات المصيريه عرفت ان كل شي له نهايه والجفى والبين مصير الشاعر اللي خانت اوزانه قوافيه خلاص اعزم على الفرقى ولا لك في رقبتي دين ترا حنا تعدينا الخطوط الاستوائيه

الفقد يبقى فـ القلوب والعقول تأثير ما يمحاه يوم ولا سنه زود على كثر المشاكل والحلول كلام واجد ماقدرت افصح عنه تمتلكني عبرة عيت تزول على الفقيد الي تكفن بـ كفنه مرت علي ايام بعده وانا اقول إن كان هاذا حلم صحوني منه

تدري متى توصل الراحة وطعم الحياة..! لا صار ماهوب همك تعجب الآخرين

كل مابيّن خمال الصاحب أرفه التغاضي ، فيه نوع من الرجوله . زينة الرجال .. يـوم يغضّ طرفه عن سفايف كلمةً ماهيب حوله . التعامل بـالكلام الزين . . حرفه ماحدً يقدر عليها . . . بالسهوله . ما يهم . . انك تقول اللي تعرفه المهم . . انك تعرف اللي تقوله !

خطبة الجمعة : يالبنادم والله أنّ العمر غادي كل يوم يروح من عمرك يجرّك احسب حسابك ليا نادى المنادي زينة الدنيا الدنية لا تغرك!