Mir kucken mat Optimismus an Determinatioun no vir. Well d‘Zukunft bitt eis och Chancen. D‘Chance haut eng besser Welt fir muer virzebereeden. #edln2021

Mir paken de Kampf géint de Klimawandel un. Well mir haut schonn zu Lëtzebuerg d’Auswierkunge vum Klimawandel un der eegener Haut spieren. #edln2021

Mir lauden de Paradigmewiessel an der Logementspolitik an, andeems mir mat couragéierte politeschen Decisiounen d’Spekulatioun mat Bauland a Wunnengen aschränken. #edln2021

Mir schaffe weider un engem nach méi staarke sozialen Opfänknetz. Mir entlaaschte besonnesch elengerzéiend Familljen a Stéit mat klenge Revenue mat Direkthëllefen. #edln2021

De Sozialdialog ass aus dem Erfollegsmodell Lëtzebuerg net ewechzedenken. An enger Tripartite virum Enn vum Joer wëlle mir zesumme mat de Gewerkschaften an dem Patronat iwwert déi grouss zukünfteg Erausfuerderungen um Aarbechtsmaart schwätzen. #edln2021

Mir setzen och op d’Digitaliséierung, déi eis a ville Beräicher d’Liewe vereinfache soll. #edln2021

Mir wëlle Lëtzebuerg esou gestalten, datt jidderee gutt an eisem Land liewe kann. Egal op jonk oder al. Onofhängeg wéi oder wou ee gebuer ass. Mir wëllen e Lëtzebuerg, dat jidderengem eng héich Liewensqualitéit erméiglecht. #edln2021

All dëst wëlle mir zesummen an Ugrëff huelen. Mir wëllen de Bierger eng Stëmm ginn an hinnen nolauschteren. D’Erausfuerderunge si grouss. Mir hunn nach e laange Wee virun eis. D’Zil ass uviséiert. Loosst eis dës Erausfuerderungen dofir elo zesummen ugoen. #edln2021