Ôs Tante Bet kump dalik aan veur ein tas kôffie. Zeej meus mich nuëdig spraeke. Wae zoel zeej noow weer op d'n draod hebbe?

Ik zoog aeveljuus börger @antoin_scholten op ziene draodaezel door de stad koetse. Dae veult zich thoés in Venlo asse 't mich vruëgs.

Morrejen, asof ôs VVVke kampioen is gewaore... 't Kriejoelt heej vandaag van de Pruuse. Die weite waal wao waat te kerdiéze velt, neet?

"Nae van ôg make ze flippo's!" Handrie reej op de Jeustraot haos Vater und Mutter 't understebaove en die bitsde um waat toe.

Handrie gans euver de roëje! Mien Meriet vroog um of hae 't wiékspötje woel pakke. En ik hoof allein maar mien schoon te poetse...

Zoë, de wienreis nao Cochem is net verlaupe. Hén had beej de kaegelinterland haos d'n haufpriés. Hae meug 't op de kermis nog ens perbere

Handrie en Sjaek kômme hiégend binne. Leepe in 't oranje mit kletsende pannedeksels euver de Bolwaterstraot. Woort neet op priés gesteld.

Elke, pelke, de kop aaf! Meriet wilt morge geliék 't reuzeraad in. Handrie: "As geej baove ziet trek ik de stekker d'roét!"

Ja kèn, nao zwarte piet is Jocus Venlo aan de beurt. Ik smoésde 't ôg al: die kômme mit ein prinses. Let op mien wäörd!

Berich van Hèn en Sjang oét de Gaaspièp: Jocus dreejspan 2013 haet net posters van de Jocus opgehange. Morge guëf 't storm. Is det 'n veurbode?

Stuf Stiefel Sjang haet neet opgelet. Herman haet de poster veur ôs opgehange. Weej hadde ut drök met andere dinger.

Ik kriég geliék: Jocus kriég 'n prinses! Lieske kump boéte aom thoés: "Sjang haet 'ne hofauto in de stad gezeen! Hae stopde beej Nedinsco!"

Waat ein weerke. Zoëmedein beginne op 't Helschriksel de aope Venlose kampioenschappe zwumme. ' t Liekend waal op de underste meule.

Dèh dan, ik zag 't toch. Meriet zit rechop veur Omroep Venlo: "Zet dich Stuf. Ôs Beatrix is op d'n umroop. Zeej haet ein wiechtig berich!"

Peniek in hoéze Stiefel. Lieske kump nieje vreejer veurstelle. Handrie haet 'm 't meejkup-tasje verdauwt: "dao velt toch niks van te make"

Zoë. D'n taets hoof d'r maar aaf te zien. Mien prinsepoel-kans veur @jocus3span2014 al gewaog: bit.ly/1B6RDm

"Kalt?!" zaet Handrie taege Lieske: "As d'n iésbeer op de roét toek en vruëg of hae nao binne meug, dan is 't pas kalt..."

't Waas mich 't jaor waal. Handrie en Lieske hange alle daag op de iésbaan. Kin ik op mien gemaak 't jaor oétschriéve

Det daug neet! Dae eine man trok net waal verdach ziene kraag inens umhoëg. En zien hippe blinkde

Meriet wuurt zenewechtig: "Mien pekske! Waat môt ik veur ein vastelaovespekske bastelle?"