الواحد وصل لمرحلة يتذكر معارفه ويسأل نفسه الحاصل عليهم شنو وبرضو مايتواصل معاهم لأنه شبه متأكد انهم ما بخير ولا حاجة .. دا شعور سيء للغاية

لعلعة استمرت شهور عن حشد قوات وتحديد محاور وتخطيط الحربي وتكتيكات العسكرية لتحرير الجزيرة انكشفت بالحصل في سنار والبحصل في سنجة حارجع اقول مافي فرق بين القحاتة وقيادة الجيش، واحد داير يحكم فهلوة والتاني أونطة

فرصة الفناء بعد القتال دي تحصل كيف وانتو مصيجين السنة كلها

مقترح لردم البحر الأحمر وإنشاء جزيرة للبرهان والعطالى المعاهو لانو بالشايفنو دا حيحتاجو مراكز تحكم وسيطرة جديدة

ما حنسى البت السعودية اللاقتني في مطار جدة وانا راجعة براي من الحرب منتظرة رحلتي للرياض وحاسة انو لسه الموت وراي وما مستوعبة الحصل كلو جات قعدت جنبي وسألتني وعرفتني جاية من السودان،جابت لي كوب قهوة وشوكلت معاهم المنديل دا ومشت🥺 الله يسعدك ويطيب خاطرك يا بشاير وين ما كنتي❤️

تغادر وين يا الفقمة .. بعد 5 سنين عواسة المحاسبة ولا على بالهم أصلا وقايلين الموضوع قلع جزمة ولبس فنيلة حمالات

ملخص من سطر واحد لحرب الأوغاد على السلطة،، وانا بقرأ كلام آمنة دا اتخيلت انو الموقف دا حاصل لاختي او بنتي

مافي محاولة ولا بطيخ .. كل الموضوع انو واحد من الكيزان المعاهو قال ليهو سعاتك منظرك زي الزفت فنعمل حركة درامية نعمل فيها إنك مستهدف الحقيقة انو ما من مصلحة الدعم السريع اغتيال اللتخ دا لأنو فشلو المتكرر أكبر عامل مساعد في انتصاراتهم

تصدقوا .. في لحظة شاردة من الزمن .. تحسسنا عبق إننا نكون دولة محترمة .. دولة مؤسساتها لخدمة المواطن منو الضيع اللحظة دي؟ والله لا حميدتي ولا البرهان

حلف طلاس الأهبلي " الطاتو "

حأرجع اقول انو كل أطراف الحرب دي العسكريين منهم و السياسيين عبارة عن أعداء - البختلف بس هو درجة العداوة

كل الموظفين الفاضلين في السودان، الشغالين في اصعب الظروف، ناس الكهرباء، ناس الموية، ناس شركات الاتصالات، ناس الخدمة المدنية، الأساتذة… الله يجزيكم عن الشعب السوداني كل خير و يديكم قدر تعبكم.

السياسي المخضرم بتاجر سياسيا بمعاناة اهل الجزيرة الخذلهم مرتين وبتكلم عن ميليشيا إتحالف معاها شخصيا لإنتهاك القانون وارتكاب جرائم " لن تمر دون عقاب" من فض الاعتصام مرورا بالإنقلاب وانتهاءا بالحرب .. سبحان من أبدعه فاشل في السياسة والعسكرية الجوز

الواحد يلف في التايملاين الجمعة على أمل يلقى خبر مفيد عن تحرير منطقة عشان يلقى تركيز غير مبرر على اجتماع ونسة في لندن فيهو اساءات موجهة ممن لايملك لمن لايستحق مع إهمال متعمد لتغطية حرب المتعوس وخايب الرجاء