#تجمَّل_السميّْح وكم هقوةٍ تزمي وانا في ظلها كنت احتريك لكنها غابت وغبت وهاجس الشاعر حضر يا شيخ جاملتك كثير وقلت للضيق احتسيك ومرار ضاقت وانت تدري ثم تجاهلت الخبر عبدالله السميِّح

#تجمَّل_السميّْح تغيرت حتى صوتك العذب صابه شي ولا عاد نبرتك الحبيبة هي النبرَة خذلك التردد بين حرَّ الدهر والفي وظليت جامد لا ابتسامة ولا عبرة عبدالله السميِّح

#تجمَّل_السميّْح حتى أنت رغم إنك صديقي تغيَرّْتْ يابينها في نبرتك في كلامك!؟ قد قلت لك كلٍّ تغير وكرَّرّْتْ وأنته تقول ألا صديقك حزامك!!؟ ياصاحبي مثل العرب لو تنكرّْتْ! ديدنك ديدنهم بشامك ويامك عبدالله السميِّح

#تجمَّل_السميّْح إسمع كلامٍ عنه الأنذال ما أخبرت لو قلت لي ياشين ظنك علامك!؟ الموجب أنك عقب هاك العَهَدْ بَرّْتْ ومع كلّْ هذا أحفظ لك الله مقامك عبدالله بن متعب السميِّح

#تجمَّل_السميّْح صباح الندى يهمي ويزهر به الوجدان كما تزهر الروضة على ضفة الوادي تجليك ياذا اللطف والجود يارحمن عليك الثنا ما احصيه ياالفرد ياالهادي عبدالله بن متعب السميح

#تجمَّل_السميّْح ياكثر التعب مير التعب ياملاك يهون مع الضيقة اللي تضرم النار في صدري تعبتي وأنا كلي تعب بامتداد الكون هذا ديدني لكن عليك التعب بدري عبدالله السميِّح

#تجمَّل_السميّْح يا خاوي الحس كابرت الحقيقة كثير وسريت ليل الجليد وكان ما ينسرى والسالفة طولت بين العمى والبصير يا أعمى شعور وبصيرة لو عيونك ترى ولو ماحصل منك خير،أقول وادع بخير ذكرى غريبين كانوا فالزمان قصرا عبدالله بن متعب السميِّح

#تجمَّل_السميّْح هبت ذعاذيع الغلا وأومض الشوق من مزنةٍ يوضي ويبرق سعدها مزنةَ حيا،رقَّةْ مشاعر ومنطوق لا قبلها مزنة ولا من بَعَدها عبدالله السميح

#تجمَّل_السميّْح ذكرتك وانهصر غصن الزمان وهل وبل الشوق على بيد الضماير وازهرت كل المعاليقي هلا بك واالقصيدة ينعطف لك جيدها المنتوق وعذبات المشاعر بين تغريدٍ وتصفيقي عبدالله السميِّح

#تجمَّل_السميّْح أبطيت أساير خطّر الناس وأزريت وبعض النفوس مسايرتها سماجه عانيت من كثر المجامل ومليت وشربت عن حلو المجامل هماجه ياما من الزلات شفت وتغاضيت عن صاحبٍ يلوي بوجهي حجاجه وياما خصرت مجمعين الثراميت مالي ورى طرد الثراميت حاجة عبدالله السميِّح

#تجمَّل_السميّْح حق الرفيق أرضيه لامني أخطيت أجلى غضب نفسه واصايد مزاجه واليا رفض عذري وقال أنت ما أقديت وقام يتمادى فاللغى واللجاجة وأبدى لي الجفوة على غير ما أبديت ثم قام يضرب بي دروب العواجة ماني بنادم لونفيته وقفيت لاصرت أولع له ويطفي سراجه عبدالله السميِّح

#تجمَّل_السميّْح ولاني بمليومٍ اليا مني ابليت وعضوٍ فسد فالجسم بتره علاجه وأنا الذي من جور الأيام ونيت وليل الشقا طاول علي انفراجه واجهت في مجرى حياتي وناحيت سيلٍ من الحرمان ماينتواجه سيلٍ على مرّه دربت وتضرّيت شربه ظما قلبي وقتل ابتهاجه عبدالله السميِّح

#تجمَّل_السميّْح قلبٍ اليا مني مع الربع سجيت يقتل بوادر سجتي بارتهاجه اليا ذكر حلمٍ من أجله تغنيت ودرب الشقا لاجله عشقت انتهاجه ياما على شانه عديت وتعنيت لكن غدى بين الزمان وعجاجه عبدالله السميّح

Abdullah Alsomiah هناك من يجعل زمن الشعر الجميل يواصل امتداداته وانت ياصديقي الغالي أسماً كبيراً يشكل الجمال بكل اطيافه سعدت بوجودك في تويتر تقبل احترامي 🌸

رجاي الاخير .. #عبدالله_السميّح

رفعت كفي ماقدرت ارفـع الصـوت لـو كـان فالخاطـر كـلامٍ كتمته لحظـة وداع وكنهـا سكـرة المـوت ضاع الطريق اللي مـن اول رسمته ضاع الطريق وصرت فالدرب مبهوت مدري وش اللي فاتنـي مـا اغتنمته العمر مر وراح مـع فايـت الفـوت صحيح ضعت وضاع حلمٍ حلمته .

سامي بن محمدالسديري🇸🇦 أ.عبدالله السميّح youtu.be/kJIKjDBmmb4

اجمل هدايا الوقت واغلى عطاياه قربك عساني ما خلا من وجودك

حييت ياخطٍ تخالف عطوره منظوم نظم العقد لا غث لا ميل بستان قيلٍ يانعاتٍ زهوره تصدع بروضه ساجعات البلابيل الشاعر الكبير سعد الثنيان