من ابداع ابو فارس

العقل ( نعمه ) مكسبه ( سبعة أنعام ) إليا إنفرَد في فكرةً مـخـترعـهــا يكفيه عن زرع اللّغم كشف الألغام و إليا كشفها يكشف اللي زرعها ✅ #علي_العضياني

حدد مسيرك قبل تبدا مسارك بعض الدروب بدايةٍ للمعاناه والصدق والإخلاص خله شعارك ولا تنزل هــامتك غـيـر لله وقلل ظهورك لاجل تحفظ وقارك كثر الظهور ينزل اللي لهم جاه وخلك مثل شهر رمضان المبارك قــدام ياتي والجميع إيتحراه #زويد_الهويملي #الخميس_الونيس

خيبة الاصحاب كسرٍ مايجبر الحياه معامله دقق وحاسب لاتـحط عيـوب غيرك في مُـكـبر غض طرفك وانت بعيوبك محاسب ولاتواضع للـوضـيع ولاتـكـبر خوة اللي مايناسب ماتناسب الخبل لو هلل وسبح وكبر مايخاوا مايجامل مايناسب #زويد_الهويملي

وضيع العرب لو صد عنا ماقلنا ليش ترى قيمة الرجال من قيمة فعوله مثل روغة المشبوه من نقطة التفتيش يروغ الردي لاحتاج له كل من حوله ترى واحدٍ يكسي جناح الصقر بالريش كسانا بثوبٍ من غنى النفس ذا طوله رغم مايواجه من عراقيل صقر قريش لكنه كسر كل الخصوم وبناء دوله

سجين الكلام الي سنه من ورى الاضلاع حبيس الـظلوع يلاوع الوجد فـ سجنه رمى شف باله فـ نحور الليال وضاع ضياع اليتيم الـي دمـوعه على الوجنه هـقاويه ظمـيا والــروابع تـوّن جياع ولا سـرّجـت خيله ولا ضمـّرت هجنه لكن في رجا رحمة كريم العطا طماع وعفو رمضان يمر بـ اسمه على اللجنه

ابيات لي انتشرت كثيراً بدون اسم 👇🏻 اعيش في فترة تصالح مع الذات ما عشتها قبل كذا في حياتي ارتحت يوم اجاوب الناس بـ اسكات ويرتاح مثلي من يسوي سواتي العمر رحله والمواقف محطات واللي سلم من شرها لا يحاتي احسب قبل تبدا حساب النهايات واللي مضى عربون للي بـ ياتي شفني وانا مقفي ما

نديم الصمت مـ والله تحصل لك عليه دروب يازين الساكت اللي ماحدٍ يدري وش ظروفه . ترى لـ العقل ( عوره ) مايغطيها شماغ وثوب تحمد واشكر اللي حطها ماهيب مكشوفه . سوالفك الرخيصه كنها الاعلان فـ اليوتيوب الى منه اعترض فـ المقطع اللي نبغي نشوفه

يارب يامن بـ خيرك ذعذعت نودك ولـ رضاك هقواتنا تملا محازمنا نطلبك في مد جودً من عطا جودك يـقضي مطاليبنا ويـسد لازمنا

يامالك الملك تلهمني بصبـرٍ جميل عونك هو اللي يثبّتني على موقفي من ماضي الوقت والدنيا تحط وتشيل حتى نجوم المجره بعضها تختفي من كان عنده شغف ويحقق المستحيل اليوم غنا قصيد الحاجب المصحفي مانيب راضي عزيز القوم يرجع ذليل ولانيب راضي يكون اللاش مثل الوفي

اعتبرها زلةٍ عدّت معَ باب الميانه

كان جايك علم علمّنا وش اللي جايك واخذ عذر ٍ يبعد من المستشك شكوكه والله انها ما تحسّف صدتك واقفايك و ساعة ٍ تبعدك عنّا الساعه المبروكه بس بعض الهرج فعله مثل فعل الشايك في نحور اللي لها فوق الشهر مشبوكه كيف تبي تربّي العالم و تفرض رايك ؟ وانت اعرفك زين دوب تربّي السكسوكه :)

تبقى الحزازات في خطّر ضعاف النفوس يبغون ( راسي ) ولا وصلو طرف منكبي

"في النهاية لن يبقى معك إلا من رأى الجمال فى روحك، أما المُنبهرون بالمظاهر فيرحلون تُباعًا." - جلال الدين الرومي

عاد قلبي كل ليله يصوّت لـ الهموم كنّه بن مهيد لاجاء يصوّت لـ العشاء -

العفو عند المقدره طبع الشجيـع يامـتاجرين بدم خـلق الله كـفا تضخم الديـات مرهـق للجـميع حـملٍ يهـد الحـيل ويبـذ الخفـا #ازويد_الهويملي #شاعر_القمه youtu.be/tAFG5aVmSeI?si…

يقول سفر بريك واحدً مابر في أبوه لين أبوه مات ماتسرّه في المساجد كراتين المياه

ون شفت لي شايبن فالمسجد يصلي قمت اتصدد وردد يابري حــالي ياليت ابويه ليا هالحين حيلّي واعلمه في علومي واخر امالي عبيد محيميد البدراني

يا شين السرج من فوق البقر والبشت فوق اللاش مناظر تدبل كبود العرب وتبذ خافيها . ويا شين العالم اللي كل ليلة يضربون فلاش على اللي ما يسرّح له شْياه ولا يضوّيها . ويا شين اللي يتمتم بالكلام ولا يقوله كاش ليا طاش الصحيح ونادت الحجة لراعيها . ويا شين الناقص اللي في حياته كنه الفراش

معي سجةٍ فـ الفكر ماهيب فـ الاقدام تجـيـنـي بـلا مـيـعاد والـلـه يحـيـيـها وحصلت خـوّتـها مـراعـاه واستجمـام ماهي خـوةٍ ماغير خــذها وعـطـنـيـها راكــان فـــارس