لابدها تجري عليك المقادير ويطري عليك من الطواري طواري

لقيت رقمه بين الأرقام موجود بغيت أدق وقلت ماظن يحتاج دامه بدوني عايشٍ سهود ومهود ماني مسبب له مضره ولا ازعاج تأتيني الذكرى على هبت النود وأتذكر إني كنت لهمومه علاج يطري على وقتٍ به العالم هجود و افتح بقايا .. ذكرياتي بالأدراج

تزاحم الضيقات بالصدر الرحيب نفتح ملف الهم ونقفل ملف يالله بجاهك من ترداي النصيب وبحماك يالله من مقاشير الصدف نشيب ورموش الليالي ماتشيب ونعف وصدوف الليالي ماتعف وكم خاب ظن كنت أظنه ما يخيب وكم باروا الأصحاب فينا للأسف .

لاترمي المزحه على كل جالس ترى نفوس الناس ماهي سويه احفظ لسانك لا دخلت المجالس ماكل من قابلت تصبح خويه

عزّ ممشاك عن أرض ما تحوفك ومن يشتري خاطرك أشتريه بعُمرك والجمايل لا عجزت تردها قدّرها واللي ما يثمر فيه خيرك ذوقه مُرك ومن يستكثِر عليك الوضُوح اتركه ومصير الليالي السّود يظهر قمرها

تعمِّر بك الديره إذا وطت فيها قدمك وتودع الديره خلافك عـروشٍ خـااويه

صبّاح الخير، أمّا بعد من وين ما تشّرق عليّ شمسك أقول أصبحت أحبّك، وأصبح الملك لله

«ماتحرى غير نور الصبح يعتقني شعاعه مالفصل الصيف فضل الالياليه القصيره»

« ناس تنام وناس تصبح على خير وأنا على الموال — ماسك جهازي لـو السهر يعطي شهادات تقدير كان من البارح خذيت أمتيـازي »

جعل حاجتنا ماهيب اللي تجيب اقصانا وجعل حاجات العرب "تقدر عليها ايدينا " خل منك الي يجينا لـ حاجه وينسانا لانسانا وصد .. فـ الله ماهوب ناسينا مؤمنين وقانعين بكل شي جانا كان ربي كاتب لنا شي... بيجينا

الضغوط النفسية والتراكمات كفيلة في تحويلك لشخص، لا تعرفه لا تفهمه ، لا تشبهه ولا ترغبه حتى ! وقال على سياق ذالك : مضغوط نفسياً ومرهق من العام أكافح أخلاقي وأجاهد مزاجي لا قلت هانت والمسرات قدام خيم على عيني ما يعقد حجاجي .

فجريّة الجمعة الروحانية ♥️ صلُّوا على من ينادي يوم الزحام «أُمتي أُمتي» ، اللَّهم صلِّ وسلم على نبينا محمد عدد ما ذكره الذاكرون ، وغفل عن ذكرِه الغافلون

بعض الليالي جرحها شي عادي و بعض الليالي تذبح القلب لا حن .

مرَّه أتبع رغبتي ، مرَّه أعيف ميولي مالقيت لـهذي الفوضى سببٍ يشرحني لا بديت أحل مشكلتي تضيع حلولي كل ما رتبت صوتي ، نبرتي تفضحني قالوا ان حِدة مزاجي تجرح اللي حولي وانا والله اني قبلهم أحسها تجرحني

صفعات الايام ترشد للطريق الصحيح بعض المصايب تسوي خير باصحابها .

رزقي بيوصلني وانا في محلي من واحد يرزق وهو في محله اللي رزق له كافر مايصلي ماهو بناسيني وانا مصلي له .

يعرف اسمي ويعرف وقفاتي ويبخصني ويدري إني فوق هقواته ، وفوق آماله َ "ويدري إنه ما يزودني .. ولا ينقصني" لو تغني حنجرة الأبداع .. من مواله َ كانه أرخصني فهو تافه وإذا ما أرخصني قلت من ينسى الجمايل ما يسرك حاله َ إن نصيته في لزوم أقفى قفاية حصني وإن نصاني جيت من بينه وبين ظلاله .

ان رموني بالتهايم وفضلت السكوت اضعف الايمان في وسط قلبك برني لك علي انك ما احطك على لسان الشموت ولي عليك ان كان صدرك تضايق تمرني مستعد اموت لاجلك ولكن قبل اموت كان عندك شي يثبت غلاي ورني

عمر العنب ما شال هم العناقيد ولا درت عن ضيقة الارض غيمه ولا شكى كثر الوطى واسع البيد ولا جرح وجهه الحيا قِل شيمه العقل نعمه والقناعات تجديد وافكارنا ما هي بدايم حكيمه بعض الوضوح احيان يحتاج تعقيد لأن الحياة اصلاً ما هي مستقيمه !

« أنا تقهويت ياسي، والسهر غرّني لا الدرب دربي .. ولا هذي وجيه اصدقاي! »