من علق قلبه بغير الله تبهذل خل أملك بالله لا بالناس ، بتنذل و بتنكسر و بتحس انه مب فاهمك ولاعارف احتياجك ليه؟ لانك علقت قلبك فيه والأصح علقه بالله لان هذا انسان مثلك ضعيف و شكاااي

مرات لما اجلس مع ناس تجاوزوا منتصف اعمارهم استنتج إن الإنسان إذا ما رضى عن نفسه في مراحله الأولى من حياته بيعيش طول عمره يتلمس الرضا في عيون الناس

الله يرزقني ويرزقكم حظ نيمار جاء ولهط هالفلوس بدون مايلعب وفل امها وراح

من يبدي رأية في كل شيء لا زال يعيش في المراهقة ولم يشم رائحة النضج

يقولون اجدادنا " زيّن النية واضرب البريّة" طول ما الواحد نيته زينه وصافية تسهل طريقة وتزيل العقبات بدون جهد ما يشوف شر ابد واللي نيته سيئة ويظن ظن سوء بالناس ولا يحسن الظن بأحد سبحان الله ما الله يوفقه ودايماً يكون انسان كئيب و حتى بالمجالس يملّونه

استحي ان يحتفي فيني أحد ومشاعري من داخل له مب مضبوطة، اللهم اسلل سخيمة قلبي

كبرت وللحين مادري متى ابطّل حركة اني اتفادى أدعس على خطوط البلاط عشان ما اخسر اللعبة أي لعبة؟ مادري اخسر وش ؟ برضو مادري

بنت اخوي حاطه من عطري اللي يشمه الحي والميت لو من بعد عشرين الف متر ومستغربه كيف قافطتها عجيب والله

مشكلة لما تكون شخص بارد بتشرب المرّ بإيدك ولاتنفعل وقت غضبك فكل هالغضب ياكلك من الداخل بدون ما أحد حولك يشعر

شفت قطوة وحطيت له تونه وصار يطالع فيها ويطالعني يرجع يطالع فيها ويطالعني بالله ماتبي كشنة بعد ! حتى هالقطاوة تعلموا الفسقة

من اخس اللحظات اللي ممكن تمر على الانسان في خلواته لما ينتهي الوقت بس ماينتهي معاه الكلام ، يكون فيه كلمات تقرقع بخاطره ومحشورة بين زوايا صدره ويعيد المواقف والمشهد بينه وبين نفسه ويبدأ يقول كل شي بخاطره تقل مجنون

يارب رضاك والجنه وراحة البال

بلا جدال افضل خاصية بتويتر هي خاصية الكتـم يعني كأنك معطيه حظر ولايدري انك معطيه حظر

انا اليوم مثل راعي الحرمتيين مع عاملتنا الجديدة اول ماشافتها الأولى فطست من الضحك وقالت لي ياهديل هذي دبه وقصيره ماعليك يابنت الحلال أنت الاوله والأساااس

لا يجرّونك مدعي الوعي ماهي إلا خرافات بنُوها على النقائص البشرية، ولا تقيس حالك على من حولك فالكل وله أسباب وأحوال الناس في تفاوت والطبائع متقاربة ولا الحياة متشابهة

عندي حالة لما ابغى أكتب شيء أوقف واتركها بالدرافتس أو إذا بغيت ارد على تغريدة أوقف بنص الكتااابه واطلع هذا مو فقدان شغف وبس هذا فقدان التواصل

أحلى فقرة لما تتقهوى مع جدتك وتفرط سبحتها وتعطيك علوم العائلة من ساسهم لراسهم وتنصدم من تاريخهم المليء بـ الاحداث والفعاليات اللي كنت تجهله

اللهم صلِ على محمد وعلى آل محمد كما صليت على إبراهيم وعلى آل إبراهيم إنك حميدٌ مجيد اللهم بارك على محمد وعلى آل محمد كما باركت على إبراهيم وعلى آل إبراهيم إنك حميدٌ مجيد..🌿🤍

{ فَاذكُرُونِي أَذْكُرْكُم } قالَ خالدُ الربعيّ: "قِف عندها ولا تَعجَل، فلو استقرَّ يقينُها في قلبك ما جفَّت شفتاك"

نصيحة تفقّد من حولك والتمس حاجاته أكبر مساعده قد تقدمها له هو انك تذكره في ظهر الغيب وتخصه بالدعاء وتذكر دائمًا كل ما دعيت لأخوك المسلم في ظهر الغيب يقول الملَك " آمين، ولك بالمثل" ما أكرم الله يعني كأنك تدعي لنفسك !