عليه يجرّني سلك الغلا .. ما جرّني له عرق شمخ فالقلب لو مابه نسب من بيني وبينه

لله درّي .. على الصبر و على الاعتياد أواجه الوقت صلب وخاطري ما حكى انا أكثر إنسان تشكي له قلوب العباد وعلى كثر ما يواسيهم ما عمره شكى

بيني وبين الليالي يالقريب .. البعيد حاجات ما مرت عيونك ولا مسمعك وانا ما عندي جواب الا جوابٍ وحيد اما حياةٍ معك ولا مماتٍ معك

روحي اللي تمادت فالعتب والملام كنت اعدّ الثواني من تناهيتها ! شرّقت فالحنين وغرّبت فالهيام في متاهات الاحلام وسباريتها لا نفعها السكوت ولا نفعها الكلام كل ماجيت اضمّد جرح .. عنّيتها مثل طفله يتيمه شفتها فالظلام جيت ابجتث وحشتها وبكّيتها !

"زمّلني من الطواري كل تالي نهار لاشحّ في شرح وضعي كل عجز وصدر".

أجاهد في سبيل الحبّ.. كلّه "لأخر العنقود" وأجاهر في غلاها كل ما عدّيت مشرافي ترى قلبٍ تولّع فالهوى ما يلحقه منقود ليا صار الهدف: حبٍ عفيف وخاطرٍ صافي

"العيون اللي توصلّني إلى درب الرشاد ناذر إن ماني موصلها إلى قولة افا "

حريتي لا صار قلبي في مدى وصلك سجين وصرتي صدى كل الكلام المختصر و أم ولدي لو بيدي عشت الحياة اللي بقربك مرتين وإن متّ .. لا الذكرى ولا حلم الليالي في يدي

من حبها كن ماخلق غيري على الدنيا شجاع لو دربها جمرة وطتها الرجل ماحسيتها

حبيبة عيوني، وأول الدرب والمشوار معك يا حلو دربي ويا خفّ خطواتي أشوف الوجيه العابره مع طريق المار ولا زال وجهك في جميع إتجاهاتي وش البال؟ لو مافيه طاري ولا تذكار وش الحب؟ لو ماكنتي أول علاقاتي وش الليل؟ لو مافلّ جادل وفك زرار وش الحلم؟ لو ماصرتي أعذب طموحاتي

ياحبيبي ماعرفتك بوجه مستعار واكثر العشاق لعّابه ومتحيّله شفتك بعين الموده وعين الاعتبار وانت غصنٍ لاطرقْه النسيم يميّله والله انك اجمل من اللي تلفت واستذار واجمل من اللي عقول العرب متخيّله

أقلط بقلبي و شـفّ نفسك يارعبوبي وتلقا مميز عن العالم .. محلّك به لاتشك في حـبي ولا تقِل ماجوبي وأنا علي نذرٍ ياحـبك .. ماشككّ به لو عذلوني وحطوا بك وحطوا بي غلاك في القلب ما شيٍ .. تحركّ به لو حطوا الناس دونك دوبهم دوبي ماترك حتى يسيل الدم لركبه

تنازلت عن شف روحي عشان ارضيك يالبيه …. ياشفً فدا باقي شفوفي اطوف الوجيه العابره كلها واجيك ولو انحرم من شوفك شفايدة شوفي ! تبسم لي انت وطاري الهم مايعينك تراني كفيل ظروفك السود وظروفي

انت معطيك الله .. اللي ما عطاه اجناسك جعل ربـّي في وصالك ما يضيّق سُبلي كل ما في راسك من اوهام يسلم راسك تختفي لا من بديت اقرب لك ..وتقرب لي حبّك اللي مبتليني فيك يا أجمل ناسك ومنك محسوب البلا من كبر حظ المـَبلي كل شيّ يخصني في بالك وفـ احساسك دمعتك تحسب علي .. وضحكتك تحسب لي

صاحب القلب النضيف و راع الوجه المرح قبل لا يخطي يفكّر بعذره مرّتين وانت طيّب.. لا تشكّك بطيبتْك.. استرح وان جرحك اللي ما يسواك.. خل عندك يقين الردي ماينجرح.. والنذل ما ينجرح اغلب اللي يشتكون الجروح.. الطيّبين .

تعدل الايام وتعود تميل ولا بعد جارت علي واحبطتني قوي بمن يمدني قوة الحيل وارجي يديه تزود لي ماعطتني ولاقد رفعت لصكت الضيق منديل لو الظروف الموجعه موجعتني ابرك لها وحلولها في طرف ليل لامن نصتهم واعجزتهم نصتني حتئ التعب موجع عزوم الرياجيل ضاقت عليه ولازبن غير متني

لو بساطي من التربة وسقفي عريش نفسي أسمى من الارض ودراويشها يمكن أقنع بـ حلمٍ ماوصلته وأعيش ما لـ بعض الأماني .. غير تطنيشها لكن آعيش عيشة منكسر ماعليش هذي العيشة اللي ما اقدر أعيشها

اي والله اني في حياتي زارعك ومتنصبٍ فيها بكامل هيّتك الشارع الي في ضلوعي شارعك والبيئه الي عشت فيها .. بيئتك يا ماخذن قلبي على مذارعك بين اصبعينك وحسنتك وسيّتك يا موت يا احلى موت يوم اصارعك احيا من الله فيك .. وانا ميّتك

انا ما شفت من القلوب الصادقه غير القليل اثر القلوب الصادقه ( بـ الانقراض امهدده ؟)

- الكويت الحبيبة 🇰🇼