لي اربع ايامّ ما الله بمسعد لي مسايّ فاقدك لا ليل جابك ولا جابك ضحى اتقدم لك من الشووق واعود ورايّ في وسط قلبي محبهّ وفي وجهي سحى .

وش فيّك يالغالي تخليت عنا صديت عنا يا هوى البال وصديت.

الغلا لا صار ماله في وجودي طاري والله إن اغيب وابعد دامك المتجاهل غلطتي إني عذرتك وانت منت بداري يوم توجعني على شيٍ ماهوب يستاهل

" والله اني بعض الاحيان ما ودي بـ احد حتى نفسي .. بعض الايام ما ودي بها "

لاتعذر بـ الظروف اللي تحدك لو نويت الوصل بتحد الظروف .

واهني الداله اللي عن التفكير ساج ما بعد جرّب عنا الوقت من يومه صبي ولا انا ماغير ادوّر من الضيق الخراج وكل ليل يزيد همّي و ضيقي و تعبي علةٍ في خاطري مالقيت لها علاج من سبب ميلات الايام ماهي بـ سببي.

الخواطر صايره هشه والقلوب رهافي والمداين صامته والهقاوي مستبيحه.

ادوج لحالي وأتضايق من ادنىّ الناس ولا اداني العربان كني محاربها .

عن صخب المدن والناس والبال المشقّى رحت أدور لي مكان أرمي به أحزاني ورايا .

سقى الله على ما فات من سالف الايام وما فـاات مـن الايـاام معاد لهه رجـعه ومـن حن للماضـي وذكـراه ماا ينـلام يجوز ان نفسه من عنا الوقت منفجعه .

ساهر الليّل مع جملة اللي ساهرين اتسلى بالقوافي تحت ضو القمر .

من يقول اطول ليالي السنه ليل الشتا مادرى ان ليل الشوق هو الليل الطويل .

اراقب بيت من له فالحشا منزال قديم وبابه اقدم منه مزلاجه .

صالح ال مانعه : اما اعطني من وصلك ولا اشتكيتك لهلك تعطيني ولا جبت العيد يالله .

اساير الوقت وظروفي تجي عكسي ودي أعيش العمر مرتاح ومحايد ٰ محتاج اضبط علاقاتي مع نفسي احدها لـ الرخا و تعانق الكايد .

مرحبا يـ خشةٍ لا شافها المتضايق ابتسم وانزاح ضيقه كلبوه وروّق .

محبتك تجري بدمي من وريدٍ لـ وريد بين الضلوع العوج بخشتها وقلبي بيتها لينت لك قلبٍ لـ غيرك ما يلينه الحديد و لديت لك عين لغيرك ما بعد لديتها .

تسير القدم من حيث ماهي تسير الروح ويظهر على وجه الشقي ما يكن الجاش يهون اني أسري الليل الأسود بليّا ضوح ولا اسري الليالي الصافية والنهايه ماش .

أنا ما عاد أبي غير الذي قلبّة على قلبي قلوُبٍ ما تراعي خاطري وشعاد أبي فيّها ؟ .

مانجبرك على وصلنا دام الله مغنيك خلك على وضعك مع الايام تنعاف .