عندي مشاعر فايضه وعندي احساس وصعبه على شرواك مني تطوله وانا اصيله تنقطع دوني انفاس وشرهات نفسي للمعالي عجوله يا بارد الهقوه و يا طابخ الفاس تشرب صدى فكرك وعينك خجوله

انا من .. كثر مازاد حزني عن المعقول اشوفه .. مثالٍ ينضرب ويتمثل به ابي .. واحد قد لاوع الحزن عرض وطول يطبطب .. على قلبي واطبطب على قلبه

سلهمي بـ عيونك الثنتين دايم واحرقي قلبي بـ نظرات المحبه واتركيني طول عمري فيك هايم مثل نظرات البعيد اللي مشبّه يا حبيبي ما لقلبي فيك لايم عاشقٍ طب الهوى وازرا يكبه "من يحب جفين عينك وانت نايم محسن اعماله وراضٍ عنه ربه ليتني لو من نسمك آخذ نسايم وليتني من شفتيك آذوق حبه"

لا ياخذك بي الظن والشك والريبه وأنا أسمى من على هالدنيا مرّك أنا اللي لو أحتالت دنيتك الغريبه شرّعت حضني وقلت قلبي مقرك أحبك وأحبك لو هي علي ضريبه مستعد أضم فيك خيرك وشرّك .

يا صباح الخير يا منتهى السحر المباح يا نعيماً في حياتي قطوفه دانيه رمش عينك خارج معاهدة نزع السلاح ما أعترف في حلف ناتو وحلف ألمانيه والا أنا راضي لو أسقيتني سمً ذحاح يا رصيدي من حطام الحياة الفانية تصبح الدنيا وأهلها على شمس الصباح وأنت شوفك صبح ثاني وشمسً ثانيه .

وجهها حتى و هي في ملامحها تعب ودي اشوفه وايلا ماتقهويت الصباح (:

أشوفها مثل الأمانه يوم تثقلها الوصاه في عاتقي ما أخونها لو تطلب إللي تطلبه إن قالو أخفض قدرها و أبشر بمفتاح الغناه ما أرخصتها لو طول عمُري واقفٍ على عتبه في وجهي من الجور ومن الزور وهروج الوشاه " لـ أحطها في كوكبة وإللي بقو في كوكب"

تدري اني تناسيت السنين الجميله لين ما عاد مرت تيك الايام بالي ذكرياتك وطن قلبً تمادا رحيله كيف يدله من دياره ومرباه جالي ؟ مركب الذكريات اللي حموله ثقيله قام يرمي سوالف لجنبي والموالي كل ما طاح من رزنامة العمر ليله طاح معها من الذكرى تفاصيل غالي

يوم انا في مطاوي ريف قلبك لحالي صعبها في سبيل رضاك يشبه سهلها يا مجمل تفاصيل السنين الخوالي لانطيع النفوس الجاهله في جهلها عن الاشواق .. ما نقدر نعن الليالي الليالي على الفرقا تهاذب بـ اهلها

أمكثي فـ أطيب مرابط بعيدين الشفوف واحتمي في هيبة حماهم ، بليّا حرس لأنّك من أطيب قلايع مخضّبة السيوف منوة الفرّيس ، ما أنتِ بـ حيّ الله فرَس

تعبت اكون الغصن قدام الهبوب الذاريات لا ضاعت الخطوه وضاع الدرب من تقصيرها خايف من المجهول بوجيه السنين المقبلات ولا قدرت ألمح من الدنيا سوی تکشیرها ومدري متى بـ اوادع اللي فات و ألمّ الشتات وانا لا جيت افارق جروحي .. تجيني غيرها

عداك الملام وشرهة الولف يا نزّاح عن دياري اللي منت بأول خسايرها تبعت السراب إلين سلمك للمرواح ولديت ! وعيوني تزوّر عبايرها قنعت وتركتك للزمن والزمن فضّاح على مهله اسرار المخاليق يظهرها بقى لك معي ذكرى ليا غمّض المرتاح تمشط بقايا كبدي بروس أظافرها ..

يا هلا بك كثر ما أعلنت الوداع عن دروب أشوفها ما هيب لي وعن وجيهٍ تلبس البسمه قناع حدها لمس البساط المخملي يا حبيبي ، والمحاني لك وساع منزلة قلبك .. غدت من منزلي كنت أقول انك شبيهي بالطباع تنعكس في صورتك صورة هلي لين عشتك بـ المحبة والضياع واثر لك قلبٍ " أحنّ منّي علي"

على كثر الوجيه الغايبه عن راسي المزحوم حضر وجهك .. نيابة عن عموم وجيه غيَّابي يعسّ بـ قاع بالي فيضة جروح، ومناقع لوم وينصب له خيام من السهر ويطيّر أسرابي خذاك الحلم من نوم العوافي لين صح النوم وخذاني ليل لا جيت أرقده وقّف على أهدابي

تراني ما أتردى و لا أحب القصور و أتجاهل كل من هو ضعيف و مبتلي َ رافعتني عزة النفس .. لـ حد الغرور و الثقه بـ النفس لـ أعلى مكانٍ معتلي َ لا دعولي والديني .. بـ تيسير الأمور ما علي من باقي الناس لو تدعي علي

عليها السلام المعتبر بدّ كل بلاد عساها من حقوق المخاييل ممطوره غلاها تمركز واستحلّ الفواد وعاد مداهيلها ف عيوننا مالها جوره

فيه من لطف الاكابر ومن حد الصقيل وفيه من طيب المراجل ومن قو الثقه كل علم يرفع الراس والواقع دليل محد قبله على الطيب يقدر يسبقه :)

اصبحت يا رب السماوات بجلالتك استجير من غفلة الدنيا تحت عفوك عزومي فاتره انا الضعيف اللي ظلم نفسه وحملها الكثير وانت الحليم اللي تزيده من نعمك وساتره:)

ياعظيمه وانتي الاشياء الجديده والقديمه و انتي اللي لو تصد الارض ماصديت عنها ⠀ و انتي اشجع الانتصارات وملذات الهزيمه و انتي اللي وين ما لقّيت قلبي قال .. عنها ⠀ و انتي اعجوبة زمان الشاعر اللي هلّ ديمه و ارتوت جدب القصايد لين صح الله بدنها

تحبّني حتى الهبايب والسحاب واللي معه عقلٍ رشيد لا بُد إنه يحبّني:)