نوفي مع الوافي بكل المطاليب ونشّد ظهر الكفو لا ضاق حاله نعيش بالعليا على منهج الطيب والحر مايخضع ليا ضاق باله ..

يسوقني لك غلا ماجا على بالك ويردّني عنك شيٍ ٍ ماقدر اقوله ….

يالله بـ توافيقٍ تجي مع بعضها مثل المزون اللي تعاقب مراديف ماضرها حاسد ولا احدن عرضها وتضوي لـ راعيها بليّا تكاليف

يكفيني اني عن ثرى الزيف معزول لو عشت في نجم الحقيقه لحالي ..

اللهم في هذا اليوم الفضيل بلغنا مانود وأجعل لنا دعوة لا ترد وهب لنا رزقا لا يعد وأفتح لنا باباً إلى الجنة لا يسد أبدا

كثير الهواجس لاسرأ الليل بـ أوهامه يعيش الحنين وذكرياته يعانيها يعاتب سنينه كيف ماتحقق أحلامه وهو ماترك حاجه علشان يرضيها يشوف السماء فيها آماني وهدْامـه وعلى كبرها مالله كتب يهتني فيها نظام المكابر مايناسب تبسامه سوى انه ضحك ضحكه وبانت مواريها ..

عسى مقبلة الايام تجبر عزى اللي راح وعسى الضيقه اللي فالصدر تنقلب فرحه اسولف مع العالم واجامل مع المزاح واناوسط صدري شي يصعب علي شرحه

يالله بصبحٍ تستحي منه الاحزان ويالله بيومٍ يبعد .. الضيق عنا ..

احفظ لسانك عن الاعراض والغيبه والنفس من آفة النّمات طهّرها وابعد عن الحسد والبهتان والريبه لاتنشغل بالمخاليق ومظاهرها

أستغفر الله كان إني من الظالمين وان كان مانيب ظالم يالله المغفره اهم شي اطلب الغفران فالحالتين أستغفرالله تعالى واحمده واشكره العمر ماغير مرة مايجي مرتين وان طال من دون ذكرالله مافيه ثمره

يدور الزمان ويكشف الخافي المستور و يظهر حقايق ناس تخفي دبايرها تظاهر بفعل الخير لك والردى مضمور لاتحكم على طيب العرب من مظاهرها

للصمت وقت وللمشاريه حزّه واحيان في بعض التغافل ذهانه

خل صدرك على جور الليالي وسيع واعرف ان كل عسرٍ مقتفيه : اليّسر ولاتحسف على طيبك لو انه يضيع راعي الطيب رابح لو خسر ما خسر ..

ديون الجمايل عندهم مالها مخلوف تجملت لكن درس الايام علمني عسى الله يجملني مع راعي المعروف وارد الجميل الي مرده يجملني

اللي يخاف من الخساير والارباح والله ليبطي ما تغيّر محلّه عيّت تخلينا المقادير نرتاح انسوقها واللي على الله على الله

الوقت حوّاج والحاجه تصول وتجول والناس ماتعرف الا في نهار المحن ، احدن يشمّر يداه ويرتكي للحمول واحدن يشمّر يداه ويرتكي للصّحن

أضيق ويبشرني الله بالافـراج ولا خاب من له عند ربه مطاليب . وان كاني للناس محتاج محتاج احتاج دعوه صادقه في ظهر غيب

ضعيف نفس تجيبه حاجة الدنيا لانيب من طينه ولاهوب من طيني اليا بنى له لزوم هان له نفسه ويروع لامن بغيته روغة حصيني لو مابقى فالبريه غيري وغيره لا ودي احيه ولا ودي يجيني عن رفقة المصلحه والضحك والسجه يغنيني اللّٰه ومن غيره بيغنيني

يارب لامنك طويت السجلات وامرت روحي في موادع جسدها خذها وانا ساجد بأحد الصلاوات وقد تبت توبه صادقه ما بعدها