يالله أنـا قلبي عـزيز و حـياويّ شيءٍ يهين النفس لا تقسمه لي حتى لو إني لـه شـفوق وشـفاوي تغسل فؤادي منه قبل اغسل يدي .

كبر العشم يرث ندامه وتحسير احسبك كبر اطويق واثرك مطبه .

مخبّل اللي يحسب ان الهقاوي ما تخيب قد هقينا في الثريا . . و طاحت في الثرا :) - للاسف يعني

لعنبو جد الحسايف والليالي العوج رفعت قدرك ولا كنت أدري أنك ردي .

مصير الايّام ترضي قلبي و روحي لو ماتعدّيت جرح البعد بالساهل مافيه داعي ندور حلّ لـ جروحي انت كذبت و انا صدّقت ، و أستاهل !

ياحبيبي ترا عشرتك ما تنطاق والسبب حبك الي يختفي ويبين لا تذوّق احدٍ حبك ترا من ذاق حبك المستعار أفلس من الثنتين - خالد بن مبارك القحطاني

اخذ من كبار السوالف وخل ماكل رجالٍ .. يعوّض بـ رجال .

خيبت ظني مع إنك طيب وغاالي واقفيت منك وأنا مخذول وأغني حتى لو ارجع على اللي ضيقو بالي لا يمكن ارجع على اللي خيبو ظني - خالد مبارك .

ابتسم وظروف الايام عرضه للجميع غيبها مر المنكّت ومر الملتحي دايم الصدمات تدخل مع الباب الوسيع والفرح يدخل على جنب كنّه مستحي .

انا ودي اقضي باقي العمر . . طالب ثار ولا اطلب محبة مقفيٍ شدت رحاله :) - زايد بن ذعار .

ختام السالفه ياطيب العشره كرمت ودمت هذا حقك علي وحق شرهاتي على اوهامي تذكرني ليا منه ضاعت اوهامك فمن وهمت وعرفت الفرق في حب الخشوم وحب الاقدامي . - سعد بن جدلان

وش ذكرك بحبٍ طوته الليالي حبٍ مضى ما بين قلبي و بينك راح الزمان اللي من أول و تالي اللي عليه اليوم تبكي سنينك ياما رجيتك متعبٍ فيك حالي يوم الهوى واقف على رمش عينك خلاص لا تذكر زمانٍ مضى لي ولا تذكر اللي فات و تقول وينك إنسى و بنسى كل شيٍ جرالي والله على باقي حياتك يعينك .

خذت شفي وانجلى همي وكيّف راسي ولا بقى الا جغمةٍ لـ ابليس يشرب منها .

ياكثر ما عذرتك واعدي لك وهالمره عديتك مع خطاك .

ان قدر الله يوم وخانتك بعض الوفوق واركبت نفسك فالقطار وغايتك فالقاطره تقبّل الدنيا بما جت به تروق او ماتروق حظك ورزقك عند نشّاي السحاب وفاطره حتى لو انه من يكون ومن سلالات وعروق اللي ماقدّر خاطري ماني باقدر خاطره .

أنهي كل علاقاتي ولا يرف لي جفن « محدٍ على عزة النفس مبدأ »

يتداركني .. قبل ضيعتي ولا ترا ؟ ضعت ضيعة دم رجالٍ هدرته مره - مدغم ابو شيبه