نصيحة لكل شخص عاشق لكرة القدم ، تابع قمة اليوم المنتظره فيها من التنوع ما لا يمكن عدّه "متعه ، عمق تكتيكي ، لاعبين من النخبه ، قتالية بالملعب والمدرج" ، قمة اليوم بدأت بين اليغري وكونتي من قبل المباراه بكم يوم ولن تنتهي إلا بأعتلاء احدهما على عرش الدوري ، قُرعت طبول الحرب🥶🥶🥶🥶

شوط كامل متكامل كان أبطاله الكورفاسود من المدرج وكابتن امريكا بالملعب ، بوليستش ما انتظر يحمّي من اول دقيقتين اهان دفاع نابولي واعطى سالم هديه وما رفضها ، بعدها وزّع كم تمريره كذا مازبطت قرر ييسجل بنفسه ويوسع الفارق لهدفين ، خلص الكلام فيك يا بولييي 🥶🥶🥶🥶🥶🥶🥶

ليلة عظيمه من ليالي الكالتشيو ، مباراة شد اعصاب من الدرجه الأولى بعد ما تفوّق اليغري على كونتي بالطول والعرض ، ضربة جزاء وطرد على ميلان وتقليص للفارق ،لكن لا سبيل لمرمى ميلان الا عن طريق ركلات الجزاء هذا الموسم الف مبروك الفوز والصداره وعقبال النجمه الثانيه يا ميلانيستا 🖤❤️❤️🖤

كونتي ودفاع نابولي يعرفون لياو مزبوط ، فعلا لياو مو جاهز وراجع من اصابه على ديربي وناقصين لاعب ، هل تتوقعون ان اليغري بهذا الغباء؟ ، تبديل لياو ما كان للأضافه الفنيه أنما لتقييد دفاعات نابولي براقبته فقط لا غير عشان تتوازن الكفه بيننا على الأقل ، زي ماهو واضح بالصوره :

انا ماني مستوعب هل انا بحلم ولا بعلم ، دخلت الموسم ذا وسقف طموحي الكروي منخفض من كثر ماجرعتني كرة القدم من مآسي ، لكن النصر وميلان باديين بشكل خيالي جدا وأثنينهم مرشح اول لتحقيق الدوري وأثنينهم متصدر ، يارب انها تكمل معايه يارب 🤲

اذا تبغى تعرف الفرق بين اللاعب النجم والأسطوره؟ فقط أنظر الى الأمير لوكا ومسيرته ، سطع نجمه في البريميرليغ ووصل للكمال في الليغا ليُتوّج مجهوده ببالون دور ، وهاهو اليوم في بدايات الأربعين ونهايات مسيرته يقود وسط ميلان بالكالتشيو متربع على عرش الأفضل في خارطة الوسط لكرة القدم

ياهي ليله عظيمه ربنا يديم هذا الأستقرار ❤️🖤❤️🖤

الأدمان نوعين، سلبي وإيجابي اما السلبي فهو ادمان المخدرات والعياذ بالله اما الايجابي فهو ادمان لوكا يعني لو خسر طبيعي تشوفه يلحس الجدران ، عقليته عظيمه هذا الكرواتي

السبب الي خلا نابولي يراقب لياو ب ٧ لاعبين 🥶🥶🥶🥶:

الميلانيستا شكلهم ناسين الولد الجميل هذا ، انا واثق تمام الثقه ياشاري لو رجع من الأصابه بيجلّس الشيخ فوفانا دكّه ، الولد حرّيف واسلوب لعبه مختلف عن اي لاعب وسط عندنا حاليا وبيكون أضافه جدا ممتازه أقلها على الدكه بيكون خيار افضل من لوفتس ..

بحكم أني مُغترب في الخارج اقول : انا كنت دائما ولا زلت أفتخر بأصولي السعوديه العربيه القبليه ، ولمّا أقول للخواجه "بغض النظر عن الجنسيه" أني من السعوديه وأشوف بعيونهم نظرات الأنبهار والأعجاب وتبدا تكثر الأسأله عن السعوديه أني احس الأرض باللي فيها ما تساعني ، الحمدلله اني سعودي💚

مشجعين نادي النصر : الدوري الاستثنائي هبه؟ ممكن دوري متصدر لاتكلمني هبه؟ ليش لا ٢٠١٤ قبل سنتين والي شجعوا النصر عشان ماجد عبدالله هبه؟ مدري كلهم شيبان سكر وضغط وامراض نفسيه من النصر اكيد هبه الظاهر ان الهبه الجديده كلمة هبه

تغريدة شكر وأنصاف لهذا المعتوه المحدود عقليا الظاهره توموري ، من بدا الموسم وما زال توموري مستمر في تثبيت نفسه كركيزه أساسيه في تشكيلة اليغري مباراه بعد مباراه ، مقدّم ادواره الدفاعيه على اكمل وجه ونادرا ما يخطيء وكأنه أعاد اكتشاف نسخته الأسطوريه في دوري الحارقه عشر ..

الهلاليه يقولك شارينه بخشم الريال تحسهم قاطين معنا لكن ماعلينا ، الفرق بين بيئة النصر والهلال فرق السماء عن الارض ، الجار كذلك جاب نيمار وجاب كثير لاعبين لكن للأسف كلهم أصبحوا كارهين للهلال ، لا أغرتهم فلوس الهلال ولا بيئته التعبانه ، على عكس النصر الي صار امنية لكل لاعب بالعالم

سباليتي يناسب الاتحاد اكثر من كونسيساو ، لكن المدربين الاثنين كويسين طبعا سباليتي اقوى من ناحية الخبره لكن الأثنين ممتازين في دوري بمستوى روشن ، أما مسألة نجاح المدرب مرتبطة بالميركاتو الشتوي والتدعيمات الي فيه ونواقص الاتحاد كثيره بالوسط والدفاع خصوصا الاظهره

هاردلك ميلانيستا ، كنا نستحق الفوز لكن للأسف ضيعنا بلنتي ورعونة لياو بالفرصتين ضيعت علينا الفوز ، التعثرات الي بالبداية مفيدة جدا ونقدر نتداركها بدري بدري

ابغا اعرف اش علاقة اليوفي مع التعادل؟

اذا كانت الليله قمرا؟ أفضل مكان تروح له البحر في أبعد نقطه عن العالم انت وأفكارك وأمواج البحر يحركها نسيم الليل اللطيف ..

هل يوجد أجمل من رحله في وسط البحر بين الجزر وقت الغروب؟

بس الضغط الي على لياو مو نفس الي على بوليستش والدليل لياو بالموسمين ساهم بمجموع كلي ٥٠ مساهمه وبولي مجموعة الكلي ٥٢ والمديح لبولي والنقد على لياو رغم ان الفرق بينهم مساهمتين بس ، والمقارنه بينهم مين افضل ومن احسن مالها فايده والاثنين معنا والاثنين جودتهم الفنيه عاليه جدا