ماطرحني حب عذرا ولا حيله نصوف واصبحت لبيه ما تفرق عن هلا غير للي عودتني على كسر الشفوف وارغمتني بالمحبه و تجديد الولا اطهر من المحرم اللي على العكبه يطوف و أصدق من الموت و اذير من ريوم الفلا

طالت مشاويري وانا وسط الظلام أتبع صدى وهمٍ عجز يحضنه صوت بين السكوت وبين في صدري كلام مات الشعور اللي هقيته ما يموت

غيرني اسلوبك ما غيرني الوقت وان جيت مسموح وان رحت مسموح عليك في صدق المشاعر تفوقت و معاك شفت الصمت يغني عن البوح اشوفك اول راحتي لا تضايقت ايام كنت النبض والقلب والروح لا غبت عنك تقولي وينك اشتقت واليوم مالي في معاتبك مصلوح .

صحيح الخطأ وارد لكن الأسف مطلوب ماهو عيب لازليت ثم جيت متأسف لكن لا تحاول تلبس الثوب بالمقلوب تزيد الخطأ بعناد و تصير متحسف

مرحبا اما بعد : الضغوط النفسيه كافيه تحولك لشخص ، لا تعرفه لا تفهمه ، لا تشبهه ولا حتى ترغبه! يقول الشاعر : مضغوط نفسياً ومرهق من العام اكافح اخلاقي و اجاهد مزاجي لا قلت هانت و المسرات قدام خيّم على عيني ما يعقد حجاجي .

تبور المعادن والذهب مستحيل يبور ومن يضمن أن عنده ذهب يضمن أرباحه لا مات الغصن ف الواحه أثّر على العصفور مع أن موتة العصفور ماضرّت الواحه وعلى كل كسرة خاطر وكل جرح شعور تمونين وقلوب المحبين دمّاحه لو يحول دون الحلم بيدا وسبع بحور معي مايقرّب ديرته مشي وسباحه

ما طاح في قلب الغلا غير الاوجاع و ما شالت كفوف الندم غير ضيقه أثر الغلا لا زاد عن حده انباع مثل الدفى لا زاد يصبح حريقه .

عندي قلب واحد مسروق والسارق اللي سارقه جايز لي عسااه مايعثر ولا يصدفه عوق وعساه مع طول العمر صافي لي ⁃ مساعد الرشيدي ❤️.

تغير علي الوقت واخذني من اقصاي ياوجدي على خبري من اول وياصبري عسى وضعي المزري يزينه الزمان الجاي مابي من عطاه الا اني ارجع على خبري .

و إن عاد ودك بي ؟ على العسر و اللين إلحق علي و إن طاب خاطرك قلها أبطيت جدًا و البطا ما هو بـ زين و وعدت و وعودك معي يحتملها بـ زين فيني يا ضمى الخافق بـ زين العين قد هي لـ أجل شوفتك ولهى البعد يبعد بك وذا الناس ملهين و أنا أخاف إنك مع الوقت تلهى .

وصل الكلام . . آخر حدود الميانة واللي تعثر قام واللي . . قسى حنّ مافيه احد ، يستاهل انك عشانه تعيش راجي فضل وتموت ممتنّ تقدر ترجّع كل شيّ . . بـ مكانه بس المسير لوين والخطوه لمن ّ لا خانك اللي كنت خوفه وأمانه بـ يخونك التعبير ويخونك الظنّ .

انا على ماتشتهي نفسي و وين القى هواي محدٍ يحرك وجهة شراعي على السبع البحور اليا رضيت اطير الحاجه و اوصلها سماي واليا زعلت اخلي الحاجه دبور في دبور .

صباح الخيير ، اما بعد : ليت الخيارات في الدنيا خياراتي وليت الهقاوي تفرح ظن هاقيها مروعني الوقت لو ياخذ طموحاتي وتروعني الناس في صدمة مباديها بارد ولا شيء يلفت ،،، انتباهاتي تمرني أشياء ما تمشي و أمشيها مسكر اذنـي و مقلل ،،، عـلاقاتي تتساقط الناس من عيني و أخليها

لا تعاتبني على الصمت مدري وش أقول ضايـقٍ خلـقي من الخـلق و أولهم أنا كل ما قـربت برتـاح من شيل الحمول شـلت في قلبي مداراة وأحـباب و عنَا كنت واهمٍ يـوم أقول أنها شدَّة وتزول الهنَاء هنــاك متـراكِي و أنا واقف هنا

واجد على نفس العصر تكرار مثلي مرتين مالي بديل فـ الزمان الي تواليه الفنا تتوزع اوصافي على اشباهي اذا قيل اربعين المستحيل انك تلاقي كلها في غيري انا .

اضحك ترا عوج الليالي مدابير وما للخلايق في قضا الرب حيله اضحك لو هموم قلبك طوابير وما يقسمه ربك تروح ويجي غيره لو ضاقت الدنيا تراها مقادير وخلك جبل ما هزته كل ميله .

لا غشاك البرد يا سمح المحيا أحطب الطارف من ضلوعي وأشبه هات من عذب السوالف ما تهيّا ودّي أمسك صوتك بكفي وأحبّبه ..

تم إلغاء صباح الخير لهذا اليوم أما بعد: سلفوني وسع خاطر وخلوني أعيش والله إن بعض الليالي تضيّق خاطري أدري إن الدنيا دروب وفيها تعيش بين فرح ومرّه، ومرّه يكسر خاطري أحتمل وأصبر على الوقت لو ما يطيش وأرفع الراس بالعزم وأجبر خاطري

الصمت يكفي ويشفي صدر راعيه لا صار كل الحكي ماله معاني والقلب ماعد تعنيه المشاريه والعين ما عاد تغريها الاماني ياليت حزني مجرد دمع و ابكيه ماهو عايش معي بين المحاني ماهو يظهر علي و احاول اخفيه وتصير نظرات حزني هي لساني مدري ذكرني زمان كنت ناسيه مدري ذكرت الزمان الي نساني

فلا تكسر مجاديفي ترا ما عاد به اخشاب ولا تفكر تبيع الحب ترا ما عاد به شارين انا الصادق مع كذبي وانا الواثق وانا مرتاب انا ضدين في واحد ... تخير بين هالضدين .