في رجا فجرٍ يزف الرضى و الرحابه وأحتفي فيه و أنسج من نسيمه وشاحي ما بقى غير صبرٍ، يفتح الله بابه وكلمةٍ في حشاي و طلقةٍ في سلاحي ووقفةٍ ما تزيد الا مقام و مهابه أتقلّد وراها، فرحتي و إرتياحي أنهب الضحك من سود الليالي نهابه لأجل يضحك على سود الليالي صباحي

من المراتب بالايماان بالقدر هو الايمان ان ما شاء الله كان و ما لم يشاء .. لم يكن - يقول " مؤمن بالقدر والصبر اتخاذي مابعد ضيق الصدور الا سعتها ويش يحزن خااطري والارض هذي كل حي فوقها يرجع تحتها "

مابعد عسر الزمان الا تياسيره لو سود الأيام تفجعنا حقايقها بنسوقها في رجاء اللي مالنا غيره خلاق الأنفس كافلها و رازقها

- تجيك حزه تضيق بك الدنيا بدون اسباب ولا سابق انذار تبلي صدرك بالهموم وتضيقَ بك الدنيا وهي سِعه - ووصف شاعر هذا الشعور وقال: ضايق وأحس الضيقه أكبر من بكاي والضيق يستاهل.. وعيني كريمه ويا ليتها من ضيقة الخاطر وجاي حتى هوا الليل . . . خنقني نسيمه

اعماني النضج لين أزريت اشوف الحياه مع ان جيلي يعيشون الحياه بشغف وش يشبع اللي ربط عقله بحبل وحصاه دامه ماحصّل ورا الاحلام لقمة رغف .

"ولأن الحياة كلها مجرد سعي، أيًا كان نهاية هذا السعي يا الله اجعلني راضيًا، راضيًا فحسب"

خفي علينا يالظروُف الثقيلات والحمد للمولى من اول ودايم صحيح مرتنا ليالاً عسيرات لكنها مرت مرور النسايم حتى الزمن لو جار قلنا سهالات من باب بيعوض النجاح الهزايم يا اما قطعنا الدرب عزله وسجات في ليل برده برد والجو غايم نسلى ونسكت رغم كل الضغوطات ولاسلَمنا من هروج ونمايم

الطيبين أحياء بحظوظٍ اموات و اهل الردا نيّام والحظ قايم

يالله عسى الأيام تضحك لنا لين ما عاد نذكر شكلها اللي يضايق

يانسانيس البراد الفحي صدر العيوف والله ان الضيق مثر على جر نسمه

كم واحدٍ يضحك تحسبه يسليك يضحك عليك و ما وراه ابتهاجي يمشي معك وان شان وقتك يخليك ماينفعك لا جاك الظرف المفاجي

يستفز الخافق الملتاع .. ذعذاع الهبايب كل نسمة تطرق أبواب المواضيع القديمة لـ الطواري كل ليلة في مشاويري حرايب تكحل عيون القصيد وترتكب فيني جريمة يا إلهي .. دلني لا تهت من كثر النوايب عبدك يْضيّق نسمه النود لا ذعذع نسيمه

نذرت الصبر والإلحاح في رجوى الله الوهاب وقلت إن كل شيٍ في حياتي ممكن ووارد ياحلمي لا تعاتبني على الدعوه ورى المحراب إذا ماجابك الـمولى ماجابك سعي و مطارد

الى متى والنفس يلحقها ضما والماء هماج والوقت يجبرني على بغض القلوب وحبها يا خاطري قد قالوا ان الرزق بطراف العجاج حاول تكب العيشه اللي ما قدرت تكبها اطرد ورى الدنيا وانا مالي على الدنيا مزاج وادرع هوى النفس العفيفه لين تلقى ربها

عسى من فقد له حلم طول الزمن يرجيه يجيه العوض . . في حاجة ٍ ما حلم فيها .

" هواجيس قلبي ماتجي والعرب واعين لها حزةٍ في تالي الليل تزعجني "

،، يارب .. الايام ماتمشي على طوعي وانا ادري انك كريم ، وعبدك تحبّه صوت الليالي وهي تاكل من ضلوعي يشبه لصوت الحطب ، والنار مشتبّه

لا تعنز على كتفي وأنا طايح اصبر شوي لين الله يزينها