أحمل طموحاتي على كف الأحلام وأقابل الدنيا بصبر وشراسة ومازلت أعاني من شقى جور الأيام ولا زالت الأحلام قيد الدراسة

غلاك عندي لو شرب منه عطشان يعيش ما ذاق العطش في حياته وقدرك بصدري لو نزل وسط الانذال تعلموا درس الوفاء والصداقه

أهوجس بشيٍ ماهوب لي أفكر باللي أشغلني به التمني ودي بقربه مير ماحصلي محدً جاه ليلاه على مايظني

لو نظرت بعين قلبك شفتني مامعي مخلوق يستاهل غلاك

لا تغرك الدنيا بحلو الملذات اكبح جماح النفس وخالف هواها وابعد عن دروب الردى والمتاهات ترقى نجوم الكون و تبلغ مداها

صريح الهوى ماله سر وامان لاعشقت تغدي كنك طفل مالقيت شخصٍ يعشق بضمان كل الحكايه قلبك يميل ويصطفل يرحم الله حال من حب وصان ما ينضمن بين المحبين و ينقفل متعب حيل يمرمطك يا انسان الحب باختصار شخص واحد يحتفل

يارب عنا ، على التقوى ، وزدنا ثبوت في مغريات الحياه ،، اللي علينا تمر نلهى والايام تجري والليالي تفوت والعمر محدود والدنيا الدنيه ممر آجعل لنا كبر حض ٍ مع كبار البخوت وصيت ٍ مثل نفحة الكمبود فوق الجمر السمعه يموت راعيها وهي ماتموت والطيّب يعيش ذكره بعد عمره عمر .

طاوعك قلبك تخليني وتروح؟ وأنا أحسب اني غلاك ودنيتك كنت أحسب اني بداوي بك جروح ما دريت أقسى طعوني طعنتك جيت انا عندك وانا كلي طموح رحت أعاني من عذابي وغلطتك

محبةٍ ذربه من القلب تكساك محبةٍ صدق الهوى يكتسيها يامرك قلبك بالوفا لي وتنهاك ناسٍ على لاماك تفرك يديها رزين عقل ومن مزايا مزاياك نفسك تحب و عفّتك تمتطيها وتطيع عقل ما بعد زل واغواك مشاعرك تعصاه وانت تعصيها

وأخاف .. لا منك بغيتي تنامين ما أحدٍ يمد لحافك ليا استويتي وأخاف ما أحد يقول لك يوم تدعين أبشرك .. زانت بعد ما دعيتي ! وأخاف .. لا قمتي وخاطرك شين ما أحدٍ يعرف من نظرتك وش بغيتي وأخاف واجد واجد إنك تروحين يا ويلي .. ان رحتي ولا عاد جيتي!

مثـل القمَر دايـم تغيّـر وصوُفـك مـرّه قمَر و مـرّه بدر و مـرّه هلال دايـم تغيّـر في اللِيـالي ظـروُفك وسُبحان من حلّاك في كل الاحوُال 🤍

يصبرني على ثقل الليال إنْ الأمل ما زال ينسيني شقى النفس ويضوي لي متاهاتي أغيب بلا سبب وبلا سبب يربكني الترحال واعود للمكان إللي يضم أربع تجاهاتي مع إني هادي وجه وحكي لو ضاقت الاحوال يجي هذا الحزن صخب ويلازم فكرة أبياتي

أحلى لقى لا صار من دون ميعاد صدفه كذا مثل السماء يوم ترعد رشة مطر : ودك بهـا دوم تنعاد أحيّت جفاف الأرض من دون موعد ..

كاني مقصر بالوصل فالرجا فيـك وكاني سبقتك بالوصل ف أنت غالي❤️

الصمت مثل الذهب و الثرثره فضّه و الحكي لا زاد عن حدّه حكي فاضي و العقل لا جاد في راعيه من حظّه الناس ترضى عليه و خالقه راضي