🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

مرحبا يا غاية القلب يالعذب القراح ليلةٍ ما جت بـ ذكراك ما فيها حلا أعتذر مقبول عذرك وحي على الفلاح ما يدقق بين الأحباب من باب الغلا َ كل ما تطري المواصل يجي قلبي إنشراح وكل ما تطري المفارق يجي قلبي بلا فيك سر الجاذبيه ومعنى الإرتياح والجمال النخبوي واللطافه من إلى مساءً الخير

ياوليف القلب دوبك على قلبي تراه نايشه من جور الايام ضيقة وغلقة . لايجي طاري المفارق على حمر الشفاه والله ان ضحكتك في وجه راعيه صدقة . وان سرابه طاري الشوق مع كل اتجاه مايروقه غير شوفتك من عقب اشفقة . الليالي تبحث القلب وتبيّح خفاه مير حبك حطه الله في قلبٍ ثقة

أرسلت له صوت ورساله ولا رد وعاد الصدى برسالتي وبـ لحنها قلت الردي يا ما على معدنه رد والناس ياما عوّدت لـ معدنها

أليا سرى النوم همي خالفه ساري وعيوني من السهر ماهي بمعذوره في ليله مظلمه كن الخلا داري متى يبين القمر وأسري على نوره طلتك طلت قمر والليل سمّاري وبنات الافكار لجلك سببت ثوره تعال ياللي بوصفك تتعب افكاري سبحان من زينك بالصوت والصوره .

تطول المساري مير راع الهوى مفضوح عيون الطواري تنتبه له و هو سارح يصد الامان و يقبل الخوف .. و المجروح ماهو خايف من الجرح خايف من الجارح يقول الموادع بعض الاحيان طلعة روح و اقول الحياة بكبرها .. ماتت البارح

حيّرني الوقت يابن الناس واحترت فيك وجدي على قلبي اللي "طيبته عابته" تسارعت خطوتك لكن ماشاء الله عليك تمشي على درب فرقاي بـ / خطا ثابته

يامترفه مال الغلا وصف دقيق وانتي على عرش الغلا ومطوله مافاحت الدله ولا فاح البريق على مهل والليل عاده باوله من نظرتش يستاسر الحر الطليق راع الشداد من الشداد تحوله الدره اللي دونها البحر العميق ماهي مع البياعه المتجوله انتي سوات اللي معنقها دقيق فنجالها الاول لراعي الاوّله

ممحلٍ داخلي من صرف الايام ريبه كثر ماغرّبوا نوقي ، و شدّوا رحالي ان هدى الليل عوّدت الظنون الرتيبه وان تبدّيت سلّيت السنين الخوالي بدويٍ على نجمك يسوق النجيبه مرخصٍ لاجل ضحكة ليلتك كل غالي شايفٍ فيك دوحته القديمه وصيبه وعبرةٍ وش طلبها غير سود الليالي

#ظِلُّ_الصَّهْد لا إله إلاّ أنت سبحانك إنّي كنت من الظالمين

ماوقف دون امنياتي لا ديار ولا قبيله والله ان اللي وقف لي زلةٍ هدت صروحي وجهك اللي كل ماجاد الصباح وجا يشيله كن ربي كاتبه في عارض ايامي و لوحي وقلبك اللي كنت منه وكنت لاجله وانتمي له كيف ما حمّل دروبي نسمه .. وسيّل سفوحي ؟

‏﮼ظـن ارررحبي ثم ارررحبي نور تويتر في ذمتي حي والله ذا الزول

‏﮼ظـن احاه ياكبدي طوى الحال طاوي بان الصحيح وقولي اللي تقولين اول حياتي كنت بإسم الشقاوي واليوم قد ذا العمر قرب لخمسين نصف النصيفه راح والحال ذاوي لا رق لك قلبٍ ولا دمّعت عين حبك ضعيف ٍ ماله اليوم راوي مثل الحديث اللي انقطع في الصحيحين

الرفيق اللي ليا زدت طيب يزيد طيب و ان لقى العثرات مني طمرها من غلاي جعل شمسي قبل شمسه عن الدنيا تغيب لا نصحني قدم وجهي مدحني في قفاي

يفعل الجاهل بجهله، مالا يفعلهُ العدو بعدوه.