من اول احط النقط فوق الحروف واليوم خليت الحروف بلا نقط ماكل صح يجنب الناس الحسوف الصح فالوقت غلط يطلع غلط .

ترى المسافر مايمل من الوقوف الا الوقوف اللي على سير الشنط .

صاحبي جمّع مخاوفك في ساحة صفاه وإن قدرت تزيد الإيمان في صدرك زده والله إن مافيه ميت على قيد الحياة أكثر من اللي على الفاضي يسوق جهده من تعنّيه التفاصيل وتبيّح خفاه وش ترك لـ اليوم هذا وبكرة وبْعده كثرة التفكير في بكرة وفاللي وراه تشغل الواحد عن الحاجة اللي في يده .

وان كتبت الشعر فالجادل الطرق الهنوف عندي اخيّر من تسلق مشايخ واومرى وان طغت سود الليالي على وجه الظروف عاد لي شيمه ومبدأ على وجه الثرى .

تكفيني المدحة من الوافين وقروم العيال و لي الشرف كان المهبّل و الرخوم تذمّني ㅤ والمدح والله طاعة المعبود والرزق الحلال يا الله عسى شملٍ يلمّ الصالحين يلمّني .

ودي اموت محسوبٍ على الغالين قبل ما اعيش محسوبٍ على الخمه . - ابن الذيب

لأن جدي مهو براعي وانا من بطن حره ادحم الحكام بجنوبي ولا اسوق اعتذاري .

يا مقربك لو دعيتك بس كلمة تعال أثقل على خاطري من حاجة المستحي .

عرفت السبب في صغر الاحجام في المرآه وجهلت السبب لاصغرو الناس في عيني .

مدري تعاظم كبر جرحه .. وجرّاحه ولا البطل ، دايم جروحه بطوليّه ؟

اجتماعي رغم كره العزا وكره الزواج واجبات احب اهلها وهي .. ماحبها جابر بن علوش

لاتجرّد من ثياب الحيا ل أجل الحياه كافح وخل لك مبدأ وفي وجهك حيا .

ماعاد نعطي راعي الحق جابه نخطي ولا نقبل خطا كل عيال .

شايبٍ في جمجمة راسي رزين مايداني ورعٍ في جوفي شقي .

اسوأ انواع الرجال الفارغ المستخدم مستعد يذل نفسه لجل يرضي غييره .

يقبل التهميش رجلٍ لا احتمى الميقاف خجّل ولا انا دون الكرامه كل حاجه تحت رجلي . محمد جارالله السهلي .

اداري سمعةٍ فيها الخلايق محسنين الظن مغارمها علي // اكبر بوااجد من مغانمها .

الرجل ويش الرجل من دون شيمه ؟ لا اغتنى وجهه جعل مخباااه فاضي .

يامصعب العمر لامن صار بالمنتصف لابه جهالة صغير ولا وقارة كبييير .