كل شوية أخش سكة تخلي طموحي ان اطلع منها

أنا هرجع أكتب واشرح إلي حاسه لـ نفسي عشان اكتشفت أن دي الطريقة الوحيده إلي بقدر اتعافى بسببها .

بعد كل فترة من القعدة لوحدك بتحس أنك لازم تخرج بس تقول لنفسك طب ما لو كان بأيدي كنت خرجت من الأول وتلاقي نفسك بتدرك أنك وأنت لوحدك كنت في حالة عدم إدراك أنك بردو لوحدك وأنك مش بترفض خروجات بقى وأنك الشخص الي خسر صحابه لا انت لا تملك أصدقاء يسألو عليك أو يهتموا بِوجودك من الأصل .

بكرا الدنيا هتتحسن وهنكون أحسن نفسياً ومادياً واجتماعياً ومفيش حاجة هتيجي لوحدها مع المحاولة كل حاجة هتتحل وهترجع تتعقد وتتفك أظن أن الدنيا عاملة زي الدايرة والرضى هو المفتاح الوحيد الي تقدر بيه تعيش كويس بأنك ترضى بأي حال وتحل الصعب وتخرج من الإحباط وتتفائل دايما .

مفيش أسوأ من التظاهر قدام الناس إلي بتحبها عشان أنت بس حاسس أن مش دا الوقت المناسب عشان عارف أن الشخص إلي قدامك بيمر بِظروف مش لطيفة زيك فَ الموضوع مش متحمل أنك تشيله هم فوق همه فـ تفضل تكبت والزعل يطلع في التعامل فـ تتخانق أنت والشخص الي بتحبه بس أنت تعبان وهو بردو تعبان.

وبينما أُحاول النَجاة من كل مَا يُحيط بي من طاقة سلبية أشعر بأني أنا الطاقة السلبية "

اوحش حاجة لما تبقى رايح على حد بتحبه تشاركه حاجة بتحبها فـ تلاقيه مش مهتم ب نفس القدر الي كنت متوقعه ويكسر فرحتك بـ طريقة لا يمكن تتوقعها .

اكتشفت أن مش أنا لوحدي الي بعيش المأساة في السن دا حرفياً يعني تلت المراهقين عايشين في ملل وسيناريوهات متكرره وكل واحد عنده نفس الهدف وعنده نفس الظروف إلي بتمنعه يحقق الهدف كلنا نمتلك نفس الهم ونفس التفكير ونفس الإحساس بالمسئولية وإحساس الفشل كلنا زي بعض .

شوف سبحان الله بتقعد تحسبها و في الاخر ربنا بيختارلك الحل الانسب حتي لو مش بتبقي متقبل ده ف الاول بس مع الوقت بتكتشف ان ربنا اختارلك فعلا الخير و انك في حاجات كتير اوي مكنتش شايفها..

هو إزاي في حد يقدر يكسر مشاعر حد ويصدمه بالكلام وطريقة الكلام معقول يكون في حد بيحب بجد وبيحلف أنو بيحبك لكن كلامه وقت الزعل والخناقات قادر يصدمك ويكدب كل كلامه وانت متبقاش عايز تتخانق كده بس هو بيتخانق عادي ويكسرك ويدوس على كل المشاعر وبعدين يتأسف بِ كل سهولة في حُب كده ؟

مش إحنا قفلنا الملف المفروض الحِمل يبقى خف !

الأفكار بقت عائق بشكل كبير ليا بتخليني عايز أنام مش عارف أفكر ولا أحل اي حاجة بقيت في اضطراب وفي نفس الوقت حاسس بالوحده ومش قادر أحل اي حاجة وسايبها متعلقه فَ مجرد التفكير بيسلبني المتعة من يومي ومن حياتي ويخليني يائس ومش حاسس بتحسن وحاسس ب خوف .

وبعدين..

ماذا قدمت المعاهدات والاتفاقيات وموجة التطبيع القبيحة مع كيان صهيوني قاتل ومُحتل سوى مزيد من الشهداء والهوان وخضوع لا يوجد مبرر له .. هذا الاحتلال لن يردعه سوى القوة والمقاومة حتى يرحل من كل شبر من فلسطين..وهل نري مواقف من العالم كما فعلوا ضد روسيا ؟ أشك فى هذا فالصمت سيكون ردهم

الواحد مش عايز في حياته غير ناس تكمله، وتجمله، وتأهله يكمل اللي باقي منها في سلام.

أظن مفيش حاجة كويسة في حياتي أو ماشية صح او زي ما أنا عايز حتى كل حاجة ماشية بالعكس وكل حاجة بايظة كل حاجة خربانة ومبقتش قادر أفكر وبقيت سايب كل حاجة ومبحلش حاجة وسايب الدنيا خربانة وأفضل ساكت عشان مش عارف أعمل إيه حقيقي مش عارف أعمل ايه وخايف أفضل كده.

الكلام على ايه 😂♥️