Twitter Beğeni Hilesi

مرحبا يا بشر؟؟ عم تشوفونا احنا هون اللي بغزة!؟؟ عم تسمعوا صرخاتنا ولا كيف؟ عندكم خبر انه في بغزة ناس بتنطحن من صواريخ اسرائيلية وزن الصاروخ 1000 كيلو؟ جاوبوني!!!! جاوبوني يا عالم عم تسمعوا صوتنااااااا!

مع حملة التطعيم لهذا اليوم ضد فايروس شلل الأطفال في غزة ، بالشراكة مع اليونيسيف والWHO .. إحنا لسا فينا نفس، ومش رح نضعف ولا نستسلم.. وغزة رح تتعمر وترجع احلى وهذا وعد منّا كأهل غزة ♥️

لسا عندي أمل ومتأكد إنه الحرب رح تنتهي، وحاسس كثير إنه كل ما ضاقت علينا كل ما قربنا عالفرج والنصر، صح إحنا اليوم بغزة خسرنا غزة والحياة كلها وسبل الحياة كلها تدمرت، والناس بتحمل في قلوبها أوجاع كبيرة، بس الناس كلها متأملة ومفقدتش الأمل.. ربنا رح يعوضنا ومش رح ينسانا ابداً♥️

ما بكتب لحدا لانه احنا مش عبال حدا، بس عشان لو حدا بيوم دخل يشوف آلآم الناس في غزة ووجعهم وتخاذل العالم معهم، بعد اكثر من عشر شهور من الخوف والالم والرعب. بتبكي عيوني دم وبينحرق قلبي بكل مرة بمُر فيها عن بيت مهدوم وبلاقي مكتوب على ركام البيت انه في حدا هون من اهل البيت تحت

أنا آسف لكل بناتنا في غزة، كثير مكسور قلبي عليهم لانه هم الفئة الأكثر تضرراً في هاي الحرب، كلنا تضررنا وانتكبنا، بس متخيلتش بيوم انه بناتنا يصل فيهم الحد إنهم يقعدو بالشوارع بملابس مهترئة وحذاء ممزق .. بعُمري ما تخيلت إنه بنت صبية من غزة توقف بالشارع تبيع على بسطة وتترجى الناس

صرنا نحس إنه إحنا عبئ عالناس، تعبنا وصرنا نخجل نقول إنه إحنا قاعدين بنندبح وبننقصف بغزة.. الكل نسي، والكل رجعت حياته طبيعية.. وما حدا حاسس ولا حدا مدور، ويمكن معكم حق تزهقوا برضو.. مشعارف ايش اكتب وايش احكي.. كل آلكلام آنتهى والله👍🏻

ظلامٌ دامس، والخوف يأكل الجماجم، جاء الليل ويا خوفنا من الليل ..كلنا قاعدين بمكان وكلنا حاسين وخايفين ومتوقعين إنه بلحظة من اللحظات ممكن نصير أرقام، ممكن ينزل علينا الصاروخ الاسرائيلي اللي وزنه طن، قبل قرابة الاسبوعين تم قصفنا مباشرة وجربنا شعور وصوت الصاروخ لما ينفجر فينا ويكسر

اليهود عطلوا وقطعوا الإرسال والشبكات والإنترنت عن معظم محافظات غزة، هاض الإشي لما يصير إحنا بنخاف منه كثير كأهل غزة، لانه بنعرف إنه هيصير مجازر وقتل وإبادة عالوضع الصامت بدون ما حدا يعرف أو يحس، يعني بتموت وبتبقى تنزف ايام طويلة ما بتقدر تتصل على إسعاف، اليهود مقطعوش الإرسال إلا

اختي من بداية الحرب مشفتهاش غير 3 مرات، طبعًا هي اختي الوحيدة.. امبارح قعدت معها فبتقولي انه جايين عندها اطباء يعملو فحص وتقييم للنازحين اللي بالمدرسة من حيث التغذية والصحة، فبتقولي انه الدكتور قللها انه عندها سوء تغذية حاد و مينفعش ترضع بنتها حتى ما يتضرر الطفل وهي برضو، اختي

بعد عشر شهور الحرب علينا بغزة، في حدا لسا بستنى مننا نستسلم؟ او بالأحرى لسا في حدا متوقع انه نستسلم؟ ونسلم؟؟؟؟ فشرت حبة عينيكم والله، خدوها من غزاوي منكوب ( حتى النفس الاخير يا ارهاب )

يارب وقّف هالحرب، الناس هان كلها ماتت وبتموت.. بتوقع من حيلها جلطات.. الشوارع ريحتها دم.. المستشفيات والثلاجات ممتلئة بجثث الشهداء، اشتقت اشوف حدا مبتسم بغزة.. العبوس والخوف قضى علينااا ، يارب ارجوك انقذنا من هذا .. يا جماعة اليهود بدهمش يخلوا ولا حدا بغزة عايش، بدبحوا بالاطفال

نيال كل واحد بيقدر ينام بالوقت اللي بدو ياه.. ونيال كل مين قاعد فبيته .. أما احنا بغزة هينا سهرانين مع الصواريخ والقذايف والخوف، وبعيدين عن بيوتنا ونازحين فمكان الدواب ما بتقعد فيه .. يارب اربط على قلوبنا 😞

مكسور خاطري انه فعلاً إحنا بغزة انتسينا .. والعالم قرفنا والله .. وانا وانتم عارفين هاض الحكي انه غزة يوم عن يوم تُنسى وتنسى ..

تلك هي دماء أخي عندما تم قصفنا مباشرة منذ قرابة أسبوعين، بلحظة الحدث لما شفت اخويا غرقان بدمه ومكانش الاسعاف قادر يوصلنا أو يسعفنا وكنا متحاصرين وطبعًا كانت منتصف الليل ظلام وخوف ورعب ..ما لقيت قدامي غير اني اخلع بلوزتي عن جسدي لاضغط بها على مكان النزيف على رأس اخي .. حبيت احتفظ

انا آسف لكل الناس يالي حياتهم صارت بشعة وكئيبة بسببنا وبسبب حربنا بغزة، في كثير ناس خارج غزة عايشين حرب نفسية اصعب بمليون مرة مع حربنا الحقيقية هون بغزة لانها روحها شريفة. حرة وعاجزة من انها تقدر توقف هذا الدم .. انا من غزة بتشكر كل انسان وقف معنا موقف حلو.. لكل انسان وصّل صوتنا

المقاومة تُبدع من جديد ♥️♥️ اللي بحب غزة وبحبنا عنجد يدعي للمقاومة، هي باللحظات هاي تقاوم وتقتل هذا المحتل النجس داخل غزة 💚🇵🇸🇵🇸🇵🇸🇵🇸♥️

خبر حزين مؤلم صعق قلبي صعق.. وصلنا خبر إستشهاد عيلة قريبين من قلوبنا مثل كإنهم أخواتنا وجزء مننا .. قبل قرابة اسبوعين كنا نازحين بعمارة بشارع الحكر وكانت هاي العيلة عايشة معنا وناكل سوا ونقعد سوا وعشنا فترة سوا صرت اعتبرهم عيلتي التانية حبيناهم كثير، بهضاك الوقت اشتد القصف عندنا

لم يعد هناك مُتسع للمزيد من الوداعات 😞💔 كل يوم صدمة وكل يوم فقد وكل يوم وداع😞💔 ما بنلحق نتعافى من الصدمات والالم لسا امبارح كلمتك قلتلي الوضع عنا بالشمال هادي..😥😞 أزف لكم خبر استشهاد صديقي وحبيبي وفلذة كبدي الشهيد محمد عزام، الصامد المرابط في شمال غزة .. 💔💔💔💔💔💔💔

انا بتمنى وبترجاكم تحرفوش الأنظار عن غزة .. غزة هي الاولى بانكم تنشرو عنها وتكتبو عنا وعن معاناتنا .. انا شايف وحاسس إنه غزة انتست وكل العالم نسيها وبيحكو عن لبنان، اوك احنا مع لبنان قلباً وقالباً .. بس احنا صارلنا سنة بنموت.. احكوا عنا وعن وجعنا، الناس قاعدة بتموت بغزة بشكل

بتعز علية نفسي انه كل العالم مرتاحة ونايمة .. واحنا هون بغزة متروكين لوحوش الظلام.. متروكين للخوف ومحرومين ننام من صوت القصف والطيران والتحليق وقذايف المدفعية .. من اصوات الاسعافات اللي رايحة جاي تنقل شهداء ومقطعين .. وبنقول يا ناس معقول هالضربة مش بحدا غالي علينا؟ خايفين من شي