ان طعت ناسً في هواء الوضح لاموك وروك امــر ّ من الملامات وادهـا والفاطر الي وسعت خاطر ابوك رد الجميل ولاتزعـل ولـدهـا

مشترينه في لزوم ام الحواره فاطرً رعيانها ما صلفقوها سقتها ما بين سفوه و الخضاره لين حكام العراق استقبلوها

الابل لها عند النشاما مواجيب و من دون واجبها على العز قمنا لا قامت الهزعى تتل الجناديب كنها على حفل الملوك تعزمنا

من شرى ساقان قادن و اشملنا من حدود العرق لـ صلب اللهابه قدمها العساس وبيوتن تبنا تتبع السبعان ما تطري المهابه

عزنا الله بالوقار ولا اختلف مذهبنا من تغيّر مذهبه جعله فدا رجلينا اسمنا قد المديح و فعلنا يعجبنا و النعم يفخر سموّه لا طرى طارينا

هذي غزيزة ملحقين المخلين اول هداد الهرش و اطيب بناته يسبه جعله فدا وجهها الزين الشاوي اللي ياكل الذيب شاته

ما نحط العرض فالحاله دعايه ما نحط اللا الشناح اللي رقاقه و نكره الترفيه و نحب الهوايه مع بنات الهرش ما نبغي علاقه

اليا زعلتو ياهل الذيدان ترضون الله وعدكم لا سمعتو الهوابيل في فكة المقهور والله لتبطون واطيبكم اللي شافنا بالدرابيل

ما نقني اللا طافحً معها نشوش و تشوّش اللي يطبّخ راسه حمو كن رقبتها تجرها حبال الونوش عرنونها يم السما يزمي زمو لا ركب ساروحها قامت تهوش تقول صايبها من الدجره غمو من نسقنا اللي ما يعين فالطروش ماعاد يلقى غير مع صاحب سمو #مغيب_بن_عون

صفراً على صوتي تمزع تمزاع كنها من الصنف القوي ماكله خمس لاسمعت الهوبال تستصغر القاع الله يستر لا تصادم مع الشمس

لو يسام من الذهب وزنها صافي ماحسبها غيرنا وسط ذيدانه

لحدً يساومنا على الشقحا الشناح هذي مافيها بيع ولّا مشترا يابعدها على مدورة الشقاح ابعد من نجوم الثريا للثرا والله ياشوفتها مقاديم الطياح انها تساوي ثروة اصحاب الثرا الله يكثر جنسها وسط المراح هذي اللي لجلها الطاري طرا

من زملنا اللي ف الجزيره لها صيت تباشر البدوان لا اقبل هداده

بنات الروسي لـ بندر بن صحن بن شويه ارقابها منتله كنها سيوف سبيع في توحيد السعودية ..

لو يسام من الذهب وزنها صافي ما حسبها غيرنا وسط ذيدانه قالها و احتماها جعلها فاديةٍ راسه علوش بن ضيدان بن هويدي