رفيقي تريث واقضي اللازمه مرتاح تجربني جربني وتوصيني وصيني

ياكاشف الخافي على كل ملقوف لاسرفت بحلول المشاكل تدهورت عيونك الثنتين ماظني تشوف وفكرك لو يسوقه عقل لك تعذرت من يلحقه شكه يبي يلحقه خوف انت متوتر ولا انا ماتوترت رسخ مفاهيم الصبر داخل الجوف بالصبر حل المعضله لو تبصرت إمتمآدي🪝

انا ترى شاعر واغردلي بأبيات وماهو ضروري كل الابيات تعجبك وماهو ضروري تنتقدني ليا جات ابياتي فوق المستوى ماتناسبك لو انت مبدع في جميع المجالات طبيعي تلقى بالبشر من يحاربك إمتمآدي🪝

كيف حال اللي بعرفي كل يوم يشكك فاده التشكيك ولا ضيعته اخطائه جيتك انشد بعد غيبه منهو اللي يفكك لاظلم الليل الحزين ومزعتك اشلائه إمتمآدي🪝

ان غبت حضرت البيوت الفريده وغيري ليامن غاب ماجابله شي عندي على بدع الفرايد قصيده اقولها ولا تبي . . اصبر شوي إمتمآدي🪝

ضرينا على كسب ونعم قلبنا ماذل تنومسنا عاداتٍ . . عليها تربينا لاشفت الكريم يمل وشفت الشجاع يكل تعنز نشيل حمولهم . . . ما تشكينا إمتمآدي🪝

من نسج الاحلام مدري واقع افكاري ليت الطواري تبين قسمها وقسمك استر جروح الزمان وتكشف اسراري ابيات شعرٍ توضحلي مدى ظلمك تدري وانا ادري ولا نجهل من الداري لو تدعي بالجهل في خاتمة فلمك اعيش في عالمك متواري الانظاري وتتصدر اكبر عناويني ولا همك إمتمآدي🪝

انا اكثر انسان يعطي للمشاكل حلول عندك مصيبه كبيره اتصلي وصل ذريت روس الجبال اللي تذري الزحول لسموم الافعى مصل ولروس الاعدى نصل اطابق اقوالي بافعالٍ تثير الذهول وللغايه اسعى ولكن بأمر ربي تحصل إمتمآدي🪝

انا كم نصحت اللي يوقف بجنب اعداي لا سلة يميني سيفها تقطع رقبته وانا كم نصحت اللي يبي يدور لفرقاي يدور جبل سود الليالي مجربته يحل بمحلي لو بغى ويرتكي مركاي ولاهو مقدم مايميني مقدمته إمتمآدي🪝

من زود ماهي واثقه من عمرها قالت ابيك تشوفني انت بالذات تغريدةٍ كبر التحدي ضمرها تحدني لابليس وابليس مامات إمتمآدي🪝

تستفز البال لحظات الهدوء تو جانا الصيف وسهيلك دلق يُشرط الترتيب باركان الوضوء والنصيحه حطها باذنك حلق امعن التفكير قبل انك تبوء الصراحه تثير نوبات القلق إمتمآدي🪝

الطريق اللي يودي لأي قمه فيه محفوف المخاطر ماتهذب كم غشيمٍ منهدر بالدرب دمه وان نجا ثلثين من ينجا يتعذب إمتمآدي🪝

الليل وبيوت القصيد وطاري الفرقا اتمسكك خط ماتدري وين اخرته إمتمآدي🪝

استخرت وخيرت الله باختياري خيرة اللي شرها واكب لخيره خيرتي وصدوفها صعب اختباري والصبر محمود وسيوفه شطيره عاد انا ودي بمنحك كل طاري دام انا وياك تجبرنا الجبيره تستشك وتستثير وانت ثاري ان خذيته تحدني دعوه كبيره إمتمآدي🪝

ليه خايف وحالك من دبور لدبور نوري يجلي الظلام وناري مصدر جحيم كان مافاد عقلي في إدارة الامور والله ان الجنون احيان منطق حكيم إمتمآدي🪝

اشوف التعب واجهاد نفسي وقل النوم نتيجة ظليمة ظالماً نفسي تحبه بيوت الشعر هاجوس ذكرى وضيقه تدوم انا استغرب اللي يبدي الاعجاب ماسبه احس يتشمت والمصايب علي تحوم وهو مشترك جرح الهوى بدربي ودربه إمتمآدي🪝

من موجز النشره لادق التفاصيل مافيه موقف يستحق الاشاده ومن بين لحظات السهر والغرابيل جريت نكباتك بعزم وإراده لا لا تقول ان العوض بالمقابيل مشاعري عرضتها للاباده إمتمآدي🪝

تخطي وتزعل واوضحلك وافسرلك وفي كل مره تعاندني وتتفلسف ماظني احتاج كل مره ابررلك بكره مع الوقت تفهمني وتتحسف يامدور اخطاء مثلي انت دورلك اعذار لخطا تكررها وتتأسف إمتمآدي🪝

فكرة اعيش بسلام تصادم افكاري فكره تخوض المعارك في مياديني ليت يتمكن من النسيان اصراري قبل يتمكن صوابك في شرايني إمتمآدي🪝

ما والله يالليلي تعدي على خير لاسدل ظلام الليل طاريه خيم يدسّم الشارب كثير التفاكير ولا يطفي الدخان نار المتيم إمتمآدي🪝