انا الواعي اللي مابعد فات ذهني شي لو إن التغاضي عن بعضهم يلاحظ بي ٰ اعرف الوجيه اللي تمنى السعاده لي مثل ما أبخص اللي مايداني يرحب بي

كبار ماحنا من اهل التلفات ونفوسنا من بعض الاشياء عيوفه نقدّر اللي يبين وقت المهمات واللي ماكنه يشوفنا مانشوفه

انا على مبدا ولي قلب ٍفطين ولا التفت فاللي يدقون الطبل الهافيه تاتيني وترجع طحين والطيبة تاتيني وترجع دبل

- قلبي اللي مره ايجابي ومره سلبي يستذير من الكذوب ولا يحب الجاحد ودي اعطي كل واحد مشتريني قلبي بس قلبي ما يحب ولا يبي الا واحد

- ودّي انّك ما تفرحّ عليـنا الشامتين وعن وصالي ودي اتوضح الي يمنعك لو يدور الوقت وتمر الاشهر والسنين عاد حبّك وسط قلبي وقلبي مرتعك والله اني حالف ب ربي وحالف لك يمين ي اعيش العْمر كله لـ حالي .. ي معك

تدري وش اللي قتِل قلبي من الحرهّ إنك تراقبني ولا تسأل عن اخبَاري

خوييك اللي لو همومك تحدك يصير في حل الهموم استشاري من كثر ما هو يبعد الهم ، ودك تكتب على جبهته مخرج طواري

سولف وعطني كلمة تفتح النفس يطرب لها قلبي ويضحك حجاجي أنت الوحيد اللي عفس خاطري عفس وأنت الوحيد اللي.. يعدّل مزاجي

تحت رحمه وداع وليل ما بان بظلامه نور تركني للسنين : اللي معي فيها تخيلته تجاهلني قبل يلمح في عيني نظره المذعور وانا لا احتاجني جيته ولا لحظه تجاهلته وقفت بصمت لا راضي ولا في صدته معذور ولا من جرحٍ بقلبي تسبب فيه: حللته 💔

يـ ابيض الوجة مايلحقْكّ مني ملام وانا لانيب لا راضي ولاني ضجر . النفوس العزيزه ترفـض الأنتقام تحتسب للجميل وتحتسب للأجر . لايموت الغلا ويشح حتى الكلام بين قلبٍ رهيف وبين قلبٍ حجر . ون تهاونت بالفرقاء عليك السلام وحشة اليل تقتلها صلاة الفجر ..!

ماعاد يفرق وين يصبح مكاني لكني قدامك بلا رغبتي لنت وعرفت قيمة ما يقوله لساني من يوم قلت اني أحبك وهونت

فراق وحنين وضيق خلق وتعب وارهاق صروح الامـل من واهـج البعد منهدمـه عسـى الله يقطع سيرة العشـق ياعشاق سرابٍ دروبه والثقـه فيه منعدمه💘

لو كشفنا الهموم الي ورا الاضلع سِجينه يمكن تهل العباري يارفيقي دون إراده خلنا نضحك وكل يكن ماكنه كنيينه مالنا في نبش الصدر يا رفيقي إستفاده َ

ألا ياقمر لا عاد تبطي عللّى الملهود مادام أن طلوعك يجيب الهم والعلّه تعاهدت انا وياه في نورك المجرود نقابل بعضنا فيييك ونصلح الدله

ان تواصلنا مع الغالي بنفس اسلوبه شك حتى في محبتنا وفي مذهبنا وان عطيناه الغلا والكلمه المحسوبه صد منا لين شمنا من غلاه وتبنا

الصاحب اللي خذاه اليسر وأقفابه يرجع على خير لا من شانت اموره يحرم عليه الكلام الشين في غيابه مثل ما يحرم عليه الزين في حضوره

اللي يحسب إني اجي له على ما يبيه عزالله إن روحه أخطتني ولا قدّرت لو أن موتي بكفه و الحياة بيديه ولو ان دمعة غلاه من الجفا حدّرت أنا أنا ماني لغيري و لا لي شبيه لا ضيّقت صدري الصدّة ولا كدّرت

عطيته و لا شفت العطايا تبيّن فيه على كثر زلاته صبرت و تحملته تجرعت بـ إيدينه هواني ولا يكفيه وحتى الكلام اللي جرحني تجاهلته و أنا لو ب أعد اللي على شانه أسويه ما يلحق جزا قلبي و لا كيف عاملته يجيني ليا ضاقت عليه السبل و أرضيه و حتى الطريق الصعب لرضاه ذللته

وافي مع الوافي بكل المطاليب على النقاء ​والطيب حبلك تمده إنت الكفو اللي يعرف المواجيب والمحزم الي بالمواقف نعده

يا صاحبي ليه تنشدني وتبحث خفاي ؟ وتصير بين الرجا والياس نقطة وصل تراك من خيرة اصحابي واعز اخوياي وانا .. من الهم والتفكير مخي فصل خل السوالف من البل والقصايد وجاي وفي غيرها لا تشاورني .. ولا تتصل " خليت درب المحبه والحبايب وراي وان قاله الله رجوعي مستحيل يحصل