بُليت بقلبٍ صُنع من القلق، كلما أقترب منه شخصٌ، ظن بهِ الرحيل حتى وإن بقى. رندا حسين.

في نبرات صوت معينة كد مينفعش معاها غير أنها تتحضن بجد

حقيقي كل الاشفاق على الإنسان إللي بيدقق في أصغر التفاصيل، ده مينفعش يتلام ده يتباس ويتركن جمب الحيطة كد وكفاية عليه دماغه وتفكيره

إنك تدخل علاقة مع شخص قاسي شبه إللي عارف النهاية ومكمل على أمل أن السيناريو يتغير.

ودبر ليِّ أمري فإني لا أحسن التدبير.

رفقًا بمن ينتفض قلبه وجعًا على فقد أمه؛ ليكن سرًا.

لأجل أننا مسلمون كل عام وأنتم بخير، وكل عام ونحن نعتز بدين محمد.❤️"

"هُوَ الَّذِي أَنْزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ ۗ "💙

بشوف أن تاني أصعب إحساس في العالم أتلخص في البيت ده، وهو إنك تشوف إللي بتحبهم عايشين قدام عينك بس بينك وبينهم آلاف الطرق إللي أتقفلت خلاص، ويبقى على عينك عدم وجودهم في كل لحظاتك المفرحة لكن هو ده إللي كان لازم يحصل، وميبقاش ليك غير الذكرى.

وسط أجواء رمضان المُبهجة واللمة المحببة لقلوبنا جميعًا يجي بيت الشعر الأعظم لدكتور محمد المقرن يخبط في قلبي وهو بيقول: "يا ليتهم أخذوا الذكرى إذا ارتحلوا زالوا وما زال في أعماقنا الأثر"

يعني يوم الجمعة ورمضان وكمان رعد وبرق ومطر وكل شيء يستدعي للتأمل في خلق الله وكل شيء يفتح قلبك على العبادة وتيجي واحده من قوم لوط تقولك هو فين الأجواء الرمضانية دي مش حساها، طبيعي يا حبيبتي مركز الإحساس يكون عندك مش شغال واللهِ.

كُلُّ الفَجريَّات حَنُونة لسَببٍ ما.🤍')

بكل قناعة جاية أقول إن مفيش فراق بيوجع بعد الموت قد فراق الأصدقاء، الغربة إللي بتحسها كفيلة تخليك ماشي تايهه مش عارف حصل أي وصلكم هنا، ولي بدون اسباب تتوجع كد، خبيات الأصدقاء مش بس لا تنسى دي بتعّلم وبتوجع وبتشقلب كيانك وحتى ملامح وشك كفيلة تغيرها.

شكرًا ليك يصاحبي؛ علمتني مثقش في حد تاني.❤️

"سَمع اللَّه لِمن حَمِده" فكيف لِمن شكى له وبكى.🤍")

عمر بن الخطاب عندما رأى ناس موقدين النار نادى: يا أهل الضوء ولم يقل: يا أهل النار خشية من أن تجرحهم الكلمة. الحسن والحُسين لما رأوا رجلاً يتوضأ خطأ قالوا له نريدك أن تحكم بيننا من لا يحسن الوضوء، ولما توضؤا أمامه ضحك وقال: أنا الذي لا أحسن الوضوء. "الأسلوب حياة"❤️

عايزة أقول إن مفيش أصعب من التشتت وأنك تكون تايهه مش عارف رايح فين وجاي منين والدنيا بتلف بيك ودماغك متسوحة في مليون فكرة إللي هو يارب أبطل جري وأنا واقف مكاني.

لما رقم الجلوس طلع بتاع الثانوية فضلت طول الليل أعيط ومتوترة، ولما الجدول نزل بطني وجعتني، وفضلت أشوف الأيام وأقول لا ده وقت قليل وفضلت أدعي وأقول يارب كله يبقى سهل، وكل ده وأنا برا الموضوع ما بالك بطلاب الثانوية أصلا؟ إللي هو بجد كلنا نقعد كد ونحمد ربنا وندعي ليهم ليل ونهار.

أن تبدو كمن لا يبدو عليهِ شيء، بينما أنت ممتلئ بالأشياء حد رأسك.

بقعد أسمع أغاني و أنا متأثره أوي وحاسه إني ضحية: "يمكن خير ومين يندم على اللي يبيع سنين" ومفيش حد بيبيع السنين غيري.