انا اول مرة اعمل فنجان قهوة ويطلع حلو كدا وبوش🤭الله عليك بجد🤭❤

مدخلتش محاسبة قولت صعبة ف بلاش اروق دماغى احسن ....قولت ادخل ادارة لقتها نيلة وصعبة هى كمان .... يخربيتكم اروح فين؟؟؟!!!

لأ كملوا انتوا الاسبوع بقا كفاية عليا انا كدا✋

طب والله عيب اوى لما افضل ساعة افتكر انا كنت معجبة بمين وانا صغيرة ومفتكرش اى حد .... طب انا كنت بعمل ايه السنين دى كلها 🙂

ياريت يا جماعة لما نبقى مش عايزين شخص معجب بينا نقوله منسبوش كدا ونقول أصل صعبان عليا اجرحه ...لأ ياريت نوضح ونقول لو سمحت مش هينفع ..هيزعل شوية ف الاول ااه ...بس اكيد احسن الف مرة من انك تفضل ساكت ف يفتكر ان فى امل ويتعشم ..ف وقتها الرفض هيبقى كسر قلب مش مجرد شوية زعل✋

بجد حفل افتتاح طريق الكباش دا حاجة عظيمة جدا ...تبقى بتتفرج كدا فجأة تلاقى نفسك بتفرد ضهرك كدا وترفع راسك وتحس بفخر وعظمة ..كأنك رجعت ٧٠٠٠ سنة ورا وبقيت معاهم وشايفهم ... شايف عظمة وجمال مصر القديمة .. وتقول ايوا دى مصر ...دى انا حقيقى جاءت مصر ثم جاء التاريخ ❤

توافد السائحين انهاردة على طريق الكباش بعد حفل الافتتاح أكبر دليل على ان محدش بيحس بقيمة الحاجة اللى عندك إلا لما أنت الأول تقدرها وتحس بقيمتها عظيمة يا مصر❤

اللى باعك قبل كدا ورجع تانى ..هو مرجعش عشان عرف غلطه وندمان ...هو رجع عشان انت افضل بديل عنده دلوقتى ..وصدقنى مع اول فرصة هتجيله هيبيعك تانى وتالت و الف✋

ياريت يا جدعان الناس اللى بتوزع طاقة سلبية مجانية دى يكتفوا بنفسهم...لان وربنا احنا حياتنا كلها مزفتة ....ف مش طالبة بقا نكد سيادتك والله

اتعود تعمل كل حاجة لنفسك وبطل تطلب مساعدة غيرك لان محدش هيساعدك الا لو ليه مصلحه معاك ... غير كدا هيقولك معلش مش فاضى كنت مشغول وقتها ... ف وفر على نفسك كل دا ... واتعود تساعد نفسك وبس

الكسل هيأكل منى حتة والله🙂

اول مرة احس انى غبية كدا ...يعنى تبقى قدامى الحاجة اللى الناس بتحارب عشان تأخد زيها ...وانا اقول لأ انا عاجبنى انى الف وادور كدا الحاجة متجيش بالساهل ....يخربيت الغباء🤦‍♀️

هو احنا ازاى بنبقى عارفين نهاية الطريق اللى ماشين فيه ..... ونفضل بردو مكملين فيه على امل اننا نلاقى نهاية مختلفة

اكتفى بنفسك واصنع عالمك الخاص ❤

انا متكبرتش ...انا بس اتعلمت استغنى

الشخص اللى بتتنازل عشانه هو اول شخص بيعايرك ....بطل تتنازل بقا

الحمد لله انا اكتشفت صفة جديدة فيا اللهم بارك يعنى😌...اول لما تلاقينى صدقت حد اووى وقلبى يصدقة ويقول عليه طيب دا مفيش منه اتنين ..اعرف انه دا الشخص الواطى.. الحقير... الكداب ..اه زى ما بقولك كدا ..ف قررت ان امشى بالعكس اللى اصدقة اعمله بلوك 😂مانا فهمت اللعبة بقا

اللى فهمته من مادة الاقتصاد لغاية دلوقتى ان مصر من يوم ما بقت جمهورية واقتصادها ف ذمة الله 🤝

Mood: يعم بقيت الاول على الكلية الاول على العالم على السبع قارات ماذا بعد؟

الناس اللى بتحط منوم ف القهوة عيب كدا بجد