Twitter Beğeni Hilesi

أنا ممكن أغفرلك اي حاجه إلا إني أهون عليك ، أصل معلش يعني أنا هستنى تعمل فيا ايه تاني ؟ وهو فيه ايه أبشع من إني أهون عليك ؟ وانت اللي المفروض وعلى كلامك إنك أحن عليا من الجميع ! عشان كدا أنا مُستحيل أثق تاني في حد أنا هُنت عليه وهان عليه يوصلني لمرحلة إن تصعب عليا نفسي .

مفيش حاجه اسمها "هسيبه لما يهدى واكلمه أراضيه" طيب هو لما يهدى لوحده انت كدا دورك ايه ف حياته معلش؟ "الحنية" لو مجتش ف وقتها مبيبقاش ليها لازمة وكلمة "حقك عليا" لو ما اتقالتش وقت الخلاف بتفقد قيمتها ، لما بتحصل حريقة بنجري بسرعة نطفيها قبل ما تاكل كل حاجه مش بنسيبها تطفي لوحدها .

يارب خليني أتعلق بالصلاة لدرجة إني أشتاق للفرض قبل ما أسمع الآذان .

النهارده قريت جملة مطمئنة جداً بتقول : " إن الله يخبئك لمن يشبهك " بمعنى إن مهما قابلت أشخاص مؤذيين أو أشخاص على غير طبعك وطيبتك أو أشخاص ميتناسبوش كلياً معاك ، في نهاية الطريق هتلاقي ربنا مخبيلك اللي شبهك ويستاهلك وعلى مقاس قلبك بالظبط .

﴿وَاللهُ يَعْلَمُ وَأَنْتُمْ لَا تَعْلَمُونَ﴾ اي تأخير في حياتك له حكمة لا يعلمها إلا الله ، سلم أمرك لله وثق به ، لما ربنا بيريد بيبدل أسباب بأسباب وبيمنع عنك ليعطيك وبيحرمك ليرضيك ، خليك راضي لإن كل اللي كاتبه ربنا ليك أجمل من اللي انت عايزه ، رب الخير لا يأتي إلا بالخير .

الرسول ﷺ لما قال " النساء ناقصات عقل ودين " كان يقصد بناقصات عقل .. ان الست بتغلبها العاطفة والرحمة وقلبها دايماً بيكسب عقلها وكان يقصد بناقصات دين .. ان الست مبتعرفش تصلي وتصوم في فترة الحيض (البيريود) اي راجل بيقولها بمعنى الشتيمة او التقليل من الستات فهو جاهل عقلياً ودينياً

أنا حالياً في مرحلة لطيفة أوي من حياتي ، هي إني معنديش مشاعر خالص تجاه اي شخص ، قلبي ودماغي فاضيين جداً ، مفيش انبهار بحد ، مفيش حد واحشني ، مش فارق معايا وجود الناس من عدمه واللي عايز يمشي يمشي عادي ، مش شاغل دماغي بأي حاجه ، مش مستني حاجه تحصل ، برود جميل جداً ربنا يديمه عليا .

" أنا متنسيش أبداً " عشان أنا سايب في حياة كل الناس اللي كانو معايا ، أصل وجدعنة وحنية وكمية حاجات حلوة كفيلة اوي انها تخليني متنسيش حتى لو جه بعدي الدنيا كلها .

بعد فترة كبيرة من التعارف والعلاقات أكتشفت إن الحب مش لازم يكون هو أول أولوياتي ، التفاهم والتقدير أهم حاجه ف العلاقة ، الحب شعور حلو مفيش كلام لكن التفاهم مُريح أكتر ، الشخص اللي عنده المقدرة ع انه يعيشني ف أمان أحسن من الشخص اللي يحبني ويتعبني نفسياً ويخليني ع طول عايش ف خوف .

لما تحب تصالح ست مزعلها صالحها وهي زعلانة منك عارف ليه ؟ لأنها هتحترم إنك مشترتش دماغك وسيبتها تولع وعرفت تحتويها ، في الوقت دا هتعرف هي قد ايه غالية عندك وإن زعلها فارق معاك وهتتأكد إن الكلام الحلو اللي كنت بتقوله حقيقي بجد مش مشاعر مصتنعة ومزيفة ، وقتها بس هتخاف عليك مش منك .

مشكلتي إني مش قادر أقول أسباب زعلي الحقيقية فبضطر أقول أي سبب وخلاص عشان اللي قدامي يسكت ويبطل يقولي مالك فببان إني مزودها وإن الموضوع مش مستاهل كل دا ، بس الحقيقة إن فيه أسباب جوايا مأثرة فيا بس مبعرفش أشرحها فبكتفي بالسكوت لإني فاهم كويس إن مهما اتكلمت محدش هيفهمني غير نفسي .

النهارده قريت جملة حقيقية وحزينة جداً بتقول : " منذ عام ٢٠١٩ أشعر كأنني تعرضت لحادث مات فيه كل شيء إلا أنا "

عملت Flash back للفترات الصعبة اللي مريت بيها في حياتي أكتشفت إن أنا في كل مرة كنت بحارب لوحدي ومحدش شاركني أسوء لحظاتي ومفيش حد كان حاسس باللي أنا بمر بيه ، أدركت إن السبب الوحيد للشخصية الناضجة والقوية اللي بقت عندي النهارده هي معاركي الخفية اللي إطحنت فيها في الماضي لوحدي .

اي حاجه هتزرعها ف الست اللي معاك هتحصدها خير ، هتزرع أمان هتشوفك ضهر وسند ، هتزرع حنية هتطلع بيك سابع سما ، هتزرع حب هتلاقيها بتحول بيتك وحياتك لجنة ، هتزرع تفاهم هتسمع كلامك وهتقولك حاضر ع اي حاجه ، زرع بذرة العلاقة ع الراجل ورويها والإهتمام بيها ع الست والحصاد ف الأخر للطرفين .

أكتر حاجه مبوظة علاقتي بناس كتير هي إني بستنى منهم يتعاملوا معايا بنفس الطريقة اللي أنا بتعامل معاهم بيها وبتوقع منهم يحبوني بنفس Level حُبي ليهم ، أكتشفت إن ال Expectations اللي بنحطها للناس مهما كنا بنحبهم ومهما كانو قريبين مننا كل ما كانت أعلى كل ما توجعك أكتر .

النهارده قريت جملة حقيقية جداً بتقول : " إنما يهجرك من كان وده مكذوباً ، فإن المُحب لا يطيق الخصام " و دي حقيقة فعلاً اللي بيحبك بجد عمره ما هيبعد عنك حتى لو حصل بينكم خلاف او مشكلة هتلاقيه بيخلق أي فرصة للصلح ، لكن اللي يهون عليه فراقك دا محبكش من الاول .

كل يوم بليل بقعد لوحدي في اوضتي افكر في إن حياتي محتاجه تتغير من الناحيه الدينية والنفسية والمادية وعلاقتي مع أهلي ونومي محتاج يتظبط (مش قادر أعمل حاجه)

النهارده قريت جملة مريحة جداً بتقول : "وانت تاعب نفسك ليه؟ لا انت جاي تصلح الكون ولا احنا عايشين في المدينة الفاضلة" بصراحة الكلام دا واقعي جداً ، خف ضغط على نفسك ومتبقاش عايز كل حاجه تمشي زي ما انت متوقع ومتبقاش ماشي عايز تصلح العالم من حواليك في حين إن محدش بيحاول يتغير اصلاً .

ال Love language بتاعتي هي " المشاركة " المشاركة أحلى وألذ وألطف طريقه للتعبير عن الحُب اللي هو بص أنا بعمل ايه؟ بص أنا فين؟ بص أنا باكل ايه؟ بص أنا بشرب ايه؟ بص أنا أشتريت ايه؟ بص الصور الجديدة ، غير إنها أكتر حاجه بتطمن طول منا بشاركك طول منا حابب وجودك وحابب أكون معاك .

النهارده قريت جملة حزينة جداً بتقول : "لقدت نجيت من الغرق ولكن البحر ظل دائماً في عيني" بمعنى إن انت ممكن تعمل Move on من علاقة Toxic وتبطل تحب الشخص ، لكن للأسف مش هتعرف تنسى الأذى النفسي اللي انت تعرضتله ومش هتعرف تنسى الذكريات الوحشة وهتفضل تطاردك من وقت لتاني وهتنكد عليك .