دبا ياك هاد حركة جيل زد كلنا حنا متفقين معاهم وماعندنا معاهم حتى مشكل خصوصا أنهم بغاو غي إصلاح الصحة والتعليم والحرية والكرامة.. ولكن علاش هوما ماعندهمش معانا حنا الزلايجية والعياشة.هههه واش " عاش الملك " غٓ تعرقل الإصلاح لي بغاو ولي بغينا حتى حنا؟ #عاش_الملك❤️🇲🇦

ديما مغرب 🇲🇦

في الوقفات،الكوفية كايلبسها كجزء من تراث فلسطين عادي وهانية هو حر ولكن علاش الى قلتي الزليج ولا القفطان ديالنا.. كايبدا عليك واا العالم فين وصل ونتوما بااااقي زليج والقفطان. ربي كاينعم علينا بهوية كاينوض الواحد يتنصل منها ويتشعبط فهوية عباد الله/الله يستر وعاوتاني #عاش_الملك❤️

تنظمات34 نسخة من كأس إفريقيا، و ماعمر شي شعب فهاد 34 مرة. طالب بإلغائها باش يتطور التعليم والصحة حتى لينا حنا حيت بلانا الله بجيران الكسدة فبلادهم والعقل فبلادنا و سارحين معاهم شي مغاربة مابغاو والو ولكن بغاو كولشي، و كايموتو على الإلغاء حيت محافظ ليهم على L Comfort Zone ديما 🇲🇦

هركاوة عندهم واحد لوجيك فشكل كايقوليك نتوما العياشة نتوما عبيد ديرو النفس... ولكن الى عايرتي piwpiw ولا قلتي ليه غي شكون يكون ولا واش كتعرفو كايتعصب ويجهل بحالا سبيتي ليه مو ايوا حنا الى عياشة بعدا عارفين ديالمن ماشي بحالكم.. عياشةpiwpiw عياشة الوهم أما حنا👇🏼 عاش الملك 🇲🇦❤️

فالحقيقة حرية التعبير لي كايطالبو بيها هركاوة راه من حقهم تخيل اخي العياش. فاش الهركاوي كايعطي شي اقتراح فالديسكور و ماكايعجبش الادمن كايقمع الهركاوي العايق الفايق لي كايشوفنا حنا عبيد و كايطردو من المجموعة داكشي بحالا قلتي كايسحب ليه الجنسية هههه الشعب يريد الحرية فالديسكور✌🏼

لوجيك الهركاوي لي بغا غير الاصلاح : مقاطعة الكان و كاس العالم ماتقولش ديما مغرب على زين بلادنا ماتقولش الصحرا مغربية باش استفدنا منها البس الكوفية ولكن ماتقولش الزليج والقفطان ديالنا العالم واهلي فين وصل ماتقولش عاش الملك حيت العياشة هوما لي خسرو البلاد والصبيطارات و المدارس ..

ديما مغرب 🇲🇦 براڤووو الأشبال 🦁 و العزاء فالشيراتون و فالديسكور هههه و عاوتاني #عاش_الملك ❤️

بنادم كايلوم ناس حيت ناشطين بتأهل منتخب بلادهم و فرحانين بخاطرهم و مافارضها عليهم حد و بكلpeace . و فنفس الوقت بغا يخرج يطالب بالحرية

قاليك الهركاوي: (الكرة افيون الشعوب/جلدة منفوخة كايسكتكم بيها...) ايوا قبل 2022 باش كانو مسكتينا؟ واقيلة قبل مايوصل المغرب لنصف نهائي كأس العالم (قطر) كانت الصحة و التعليم فالرتب الأولى عالميا.. سبحان الله بنادم مسروح و عاجبو الحال يبدا يعاود لينا هدرة وحدين اخرين وعاش الملك 🇲🇦

السكاتة هدرنا عليها شحال هادا

واحد الصفحة ديال لي تزادو فوقت التليفون الذكي حاطة المدن لي غاتكون فيها الوقفات والتوقيت وأغلبية التعاليق من الكراغلة وماشي موشكيل حيت هنا كايبقى فضاء عام ولكن الموشكيل كاتبين (سنكون في الموعد/كلنا حاضرون)ههه المشكل الكبير هو الهركاوي عارف هادشي/ولكن عندو الحرية هي يكون مسروح

علاش هركاوة فاش كاينتقدو شي حاجة كايربطوها بالمونديال واش المونديال هو الموشكيل يعني بلا بيه هانية غير يكون التعليم و الصحة ماشي تالهيه.. كايحطو صبيطار و يكتبو ها بلاد المونديال ها بلاد كأس افريقيا. سحابهم هداك هو النضال هههه و فاش كانقولو ليهم مسروحين من الكراغلة كايتقلقو

و يبقى السؤال. غير مثلا الى تصالحو الكراغلة مع الزلايجية بالاعتراف بمغربية الصحراء . علامن غا يحطو الراس هركاوة هههه؟

الهركاوي فاش كايلقا شي ناس بداو كايعيقو و كاينسحبو من داك التبرهيش و تهركاويت كايبدا علينا المخزن ذكي بدا يفرقنا... راه المخزن ذكي ولكن مامحتاجش كاع يخدم الذكاء ديالو معاكم حيت مفروشين غير لي فهم الكونسيبت و عاق كتمسحوها فالدولة و فاش نقولو راه كاتعاودو هدرة الكراغلة كاتقلقو

رحلة جيل زد من: ( مضاهراتنا سلمية و الناس لي دارو الشغب ماكايمثلوناش ) إلى ( اطلقوا سراح كولشي منهم المخربين لي خربو ممتلكات الغير باش يقلبو على الحرية و الكرامة و الرحمة على الشهداء لي اقتحمو تكنة فالليل باش يقلبو فيها على الصحة و التعليم )

مغربي و قاليك بغا غير الصحة و التعليم فالمغرب و داير فالبروفيل راية الأرجنتين من بعد ماكان داير راية أي دولة لاعبة ضد المغرب داكشي ديال انا واعر و عايق ايوا سير الأرجنتين و طلب الصحة و التعليم منين انت فهايمي هاكا كايكون الواحد النقص ديالو مستور، حتى كاينوض يفضح راسو براسو

مبروك على المغرب 🇲🇦 كأس العالم للشباب و140 مليار للصحة و التعليم ولاعزاء لهركاوة وحلفائهم ¡Viva Marruecos 🇲🇦 #عاش_الملك ❤️

ماعرت فيناهو مول ( موقف الجمعية واضح ... )

الله 🤍 الوطن 🇲🇦 الملك ❤️ شكراً لأي واحد كيفما كان المعتقد ديالو فرح للمغرب و بارك للمغرب الاعتراف بواقع مغربية الصحراء و ظهور الحق و عاش الملك👑