Nakua Kada Toraya: Ma'kurresemanga' ki' belanna sitammu omo ki' sule... salama' solanasang.

Nakua Kada Toraya: Tampemi tu kadakena biasa dipogau', belanna tae' apa na bu'tu jomai.

Nakua Kada Toraya: Napasedia nasang mo Puang Matua tu apa diparallui lan telino, kita ri biasa tu matukkun male undaka'i.

Nakua Kada Toroya: Patonganni tu Puang Matua kumua inang la tontong metundui lan mintu' tengka ke'de'ta.

Nakua Kada Toraya: Da'na yamanna tarru' ditangngaran tu kamasussan ta, belanna naparallui pa ki' to buda la umpogau' melona.

Nakua Kada Toraya: Mendadi peladaran nasang lako kaleta tu mintu'na apa di pogau' lan telino,

Nakua Kada Toraya: Tae'na bela kaundian tu Puang Matua umpa'bengan pa'tunduanNa lako kaleta.

Nakua Kada Toraya: Mintu' penggauran tu mangka di pogau' inang la sule nasang lako kaleta sule. Salama' ma'gau' melo.

Nakua Kada Toraya: Sa'bara' ki' umpogau' lako tu melona ke inang la moraiki' tu mendadi tau.

Nakua Kada Toraya: Yanna tuo lan paki' te lino, inang den ya tu disanga kamasannang sia kamasussan. Salama' ma'kurre sumanga' lan katuoanta.

Nakua Kada Toraya: Ditangngaran melo-melo kedenni apa ladipogau' lan attu ladipatu lako, na melo dadinna.

Nakua Kada Toraya: Inang tae' tu apa dadi, ke torrobangki' jo inanta ma'penunu.

Nakua Kada Toraya: Messipa' susi siamoki'ya tau, ke inang tau tongan ki'.

Nakua Kada Toraya: Bu'tu-bu'tu ki' si pissan-pissan dio pa'budan tau, dikua na tandai duka ki' tau, da'ta membuni bang lan lo'ko'.

Nakua Kada Toraya: Pengkilalai kumua tangngia banuanta te lino sae lakona, den attunna na male ditampe.

Nakua Kada Toraya: Yanta mangka menassan bisa pa di pogau' sule tu apa mangka di penassanni, senga' ke dikua mengkatoba' ki'.

Nakua Kada Toraya: Tontong dipalan kale tu penaa melo, belanna lulammai penaa melo tu katuoan melo ladipatu lako.

Nakua Kada Toraya: Tae'pa ta disanga kinaa melo, ke dipogau' bangpi lako tu kadakena.

Nakua Kada Toraya: Dipebuda-budai dolo tu apa dikarang lako, namane bisa buda tu palakunta, da'na sibalikanna.

Nakua Kada Toraya: Tangnga' malolo tu umpamalolo katuoanta.