حمدا لله على السلامة، وقدر ولطف. ✌🏻

أي حد ممكن يطور شخصيته ويتغير للأحسن بس ناس قليلة اللي بتشوف إنها عندها حاجات المفروض تتغير وناس أقل اللي اللي بتحاول تتغير بعد ما تعرف وناس أقل وأقل اللي بيكملوا ويغيروا نفسهم للأحسن فعلا.

كنت زمان وأنا مش حاسس بخاف أعمل كل اللي أقدر عليه عشان ساعتها لو موصلتش للي عاوزه ده هيبقى معناه إن آخري مش كفاية وإني مش كفاية أجيب الحاجة دي .. وكل فترة أكتشف إن الإنسان ده دايما عليه أفكار متخلفة كده!

The end of an era. tvtime.com/r/21ycp

معرفش للأسف ولا إيه بس مبقتش بدور إني أبقى مختلف أو متميز في أي حاجة، وهي حياة بسيطة وهادية بس وشكرا، وهسيب الناس الجامدة تتخانق مين أجمد واحد على الكوكب.

في واحد باعت يقولي "امتى هتكتب على تويتر تاني؟ موصلتش للزهق والملل تاني؟" .. وشكل كده الناس بتحب تتسلى على أحزاني .. شكرا يا بني آدمين!

أنا زهقت من إن الحياة كلها اختيارات كده وبفكر أقضيها حادي بادي وبعدين هاخد على دماغي كده كده يعني فمش فارقة كتير.

كل ما الواحد بيكبر الناس بتشوف إنه المفروض يبقى عارف وفاهم أكتر، وأنا كل ما أكبر أحس إني ببقى عارف وفاهم أقل، وبعدين طيب؟!

دايما عندي مشكلة في الtiming، وكل حاجة أهم نقطة فيها هي بتتعمل امتى بالظبط، وباظت مني حاجات كتير بسبب كده، ولسه بحاول وأتمنى إني أظبط التوقيت مرة واحدة في كل حاجة مهمة جاية وأعملها في معادها.

أوحش حاجة إن الواحد يبقى قلقان وخايف ومش مطمن، ف يا رب طمن قلوب اللي بنحبهم، وخلي الأيام تعدي سهلة وخفيفة عليهم، وخليني أبقى سبب في أيامهم الحلوة وأهون عليهم أيامهم الوحشة.

مش عارف أقول إيه عشان الكلام خلصان من زمان والله، بس كنت عاوز ألحق أسجل دخولي في ٢٠٢٢ في أول يوم ويا رب سنة أخف وأحلى على كل الناس الحلوة.

كان نفسي الدنيا تبقى أبسط من كده والله، بس ولا هي طلعت أبسط ولا أنا طلعت أبسط، وشكلنا هنقضيها تناحة على بعض كده كتير.

الصراحة زهقت وتعبت من إحساس الفقد وإني كل شوية أخسر حاجة أو حد، وبقعد أقول كل ما أكبر هتعود والموضوع هيبقى عادي، بس لأ مش بتعود ومظنش هتعود.

“We may be through with the past, but the past is not through with us.”

عشانك أنا قادر أكمل، عشانك قادر أتحمل، وكل مرة بشوفك بحبك تاني من الأول

رهف بنت أختي اللي عندها سبع سنين ماشية بتلف في دواير في الأوضة بقالها أكتر من ربع ساعة ومن غير ما تقول كلمة واحدة.

معظم الحكايات ليها نص فاضي ونص مليان، وبيبقى فيها فرصة إنها تتغير للأحسن بعدين، وفي نوع من الناس بيقرف نفسه دايما عشان مش بيعرف يهدا ودايما متوتر وقلقان ومش بيعرف يعيش الدنيا إلا كده، فيا رب ابعدني عن الناس دي عشان مش ناوي أعيش الكام يوم اللي ليا هنا كده.

الحزن لحظي والفرح لحظي، وكلها مراحل وبتعدي، واللي موجود دايما المفروض يبقى نفس هادية مطمئنة وصابرة وراضية باللي فات واللي جاي .. يا رب نزل علينا السكينة دي دايما.

بقالي فترة محصلش عندي أحداث ولا حلوة ولا وحشة، ودي تعتبر فترة هدوء محصلتش عندي من زمان، فالحمد لله على نعمة اللاشيء، ويا رب ييجي بعدين أحداث حلوة أو أفضل كده في مية البطيخ.