اضرب على الكايد ولا تسمع كلام العز بالقلطات والراي الصليب .

بقلوبٍ مؤمنة راضية بقضاء الله وقدره انتقلت إلى رحمة الله عمتي الجوهره بنت نايف بن مقحم بن عصّاي بعد صراعٍ مع المرض وسوف تقام الصلاه عليها بعد صلاة العصر في جامع الراجحي أسأل الله ان يرحمها ويغفر لها ويتجاوز عنها انا لله وانا إليه راجعون

اللهم ارحم من فارقونا إلى القبور وأنزل عليهم الضياء والنور والفسحة والسرور، ربي اجعل جناتك هي ديارهم وقرارهم، اللهم ارحمهم رحمة واسعة تطمئن بها نفسهم وتقرّ بها عينهم، اللهم ارحم موتانا وموتى المسلمين #نايف_بن_مقحم_بن_عصاي #الجوهره_بنت_نايف_بن_عصاي

حنا حرار وكل حرٍ جزوعي ماتمشي العوجا علينا مدانيق

راسها مركى أخو نوره مع الساده والسبال محوله زود .. تزهاها

سولفي .. يا جعل تفداك الحناجر أنتي ( الربان ) و الأذن .. السفينه

انا غرامي فرخ والصنف شاهين اسود واماريبه سوات الذخيره . عرضه يزيد أستغفر الله شبرين متقلط الثنداه ساقه قصيره . مناكبه كنها رماح المعادين مخالبه مثل السيوف الشطيره . طرحه شهر عشره على حد غزوين وانا احمد الله يوم جابه مصيره ..

لا جفاني في هوى برد الطويلين الذرى ما يدفيني لهب نارٍ بجوفي تصطلي َ كلها سبة فراق اللي على فكري طرى صاحبً مقفي و ذكره دايم يعود علي َ صاحبي مرتعك في قلبي قفر وأرضه مرى مابه الدايج و لا الطاير ولا مثله حلي َ محتميه لجيّتك لو كل مدهل به درى ولو سمحنا للعسوس ان كان مبطي ممتلي .

ياقلبي اللي خابرك منتب تلين غديت نيشان لطلق الكلاشي اصبر و لو ذقت العنا و الامرين و تدله عقب حسرة منام الفراشي واكتب مابين الاورده و الشرايين طموح ذيب ولا موالف عشاشي اللي يبيني حطني محجر العين اما كذا التقدير ولا بلاشي واللي يقفي لا يتحرا خيارين اذبح على فرقا المقفين حاشي

سيرة من وحي عامين وشويه ودي انساها .. ولا ودي انساها ذكرياتٍ تعبر العمر طرقيّه وذكريات في وطنها ومرباها وصورةٍ في متحف البال مطويّه كل يوم أفلها .. وأتهجاها من لها قدر أولويه وأهميّه ماشعرت بغربة العمر لولاها والذي نفسي بيده إنّها ليّه أقرب من كفوفها عند حناها

ولاحكيتي ؟ كن في فمـك (علكـة مستكـا ) وريحة انفاسك من المسك (ومن المستكي) ماتبـي تجميـل ! جملـك خلقـة ربكـا ميزتك زينـك طبيعـي (وخلقـة ربكـي) العقول تحيـر وتقـول مـن أيـن لكـا ؟؟ حتى انا لاشفتك أقول مـن أيـن لكـي ! من لمح زينك تبهـذل وصـار مشربكا عاش فالدنيا مبهذل وصـار مشربكي

ياعين حرٍ يوم ناحر يبا الجول من الطمع يصفق يمين وشمالي صيده جزل واشبع بصيداته الضول وكسب الرهن خلاه نادر وغالي وياجيد من تشرد بها خوف وجفول القنص خلاها تهاب الضلالي ونابي الصدر والخصر ناحل ومعزول ومن طوله الخفرات ماهن طوالي

لولا الجبروت اللي نوطي به المغرور تجرّت علينا .. كل جربا ومحتكه

يا فاطري ما انلام لو اسهر الليل واوصِلك نبتن تو زمّت عذوقه مِسقيه ربي من صدوق المخاييل نوّن من المنشا تكاشف بروقه تستاهلينه يابعد نافل الجيل حلو النبا والسد ما وِيق فوقه صوّرك من نزّل تبارك والانجيل وفي الكتب قِدام الجبال مخلوقه الشيخ نايف بن مقحم بن عصّاي رحمه الله

تاجرت في باب الشكالـه بمالـي بعت الرخامه وأشتريت القرامـه انـا مهبـول وجايزلـي هبالـي هبال طيب ولا صحـاوة رخامـه هذي تفاصيلي وهـذي خصالـي يقول اللي ما زهف فـي كلامـه أن جزت لك فأنا الرفيق الموالـي وأن عفتني مسموح ومع السلامه مسلط بن شعيفان

قلبي له أيام فالمنفى عليه السلام من رحمة الله الى رحمة عزيزة مصر من كثر مايرتحل بين الدول والأنام ما عاد يدري يصلي جمع ولا قصر خذني على قد عقلي في طريق الغرام وإن كانك أعمى بصيره خذني أعمى بصر إن كان حبك هزيمه فالهمام الهمام يامرحبا بالهزيمه في طريق النصر

ان ركبنا البحر صرنا طواويشه وان ضربنا البر ماهو بمبلشنا

خيالي قبل اشوفك قد رسم وجهك وقلت ااالله ولكني بعد ماشفت وجهك قلت يا ظالم !

قلبي اللي عاش حلم المواصل في ذراه خايف إنه من مهاده يوارى فـ لحده تختلي به سود الافكار و تبيّح خفاه تاركه ف الحلق عبرة وف الكبد لهده من كثر ما هزّه الماضي اللي ما نساه ودّه إنه ما يفكر ف بكرة و بعده كثرة التفكير في بكرة وف اللي وراه تشغل الواحد عن الحاجة اللي في يده

لبّاس جوخ وصلف وأخلاقي دماث و ما آلد عيني غير في لبّاس جوخ