طالما يا حاجة الوجع الى فى صدرك دة بقاله تلات ايام ومش عارفة تتنفسي من ساعتها جايالى ليه الساعة ٦ الصبح الطوارئ ها لية ؟!!

يوم الجمعة فى المعهد انا شايل نائب القلب و نائب الرعاية ونائب ادارى الصبح ونائب عروض القلب لمعهد الكبد ونائب لاى حاجة مش لاقيينلها نائب ....

انا بعت ما سنترت العيان من وان ترايل و خلصت خلاص . يلا يا جماعة الجزء الصعب جه حد يجى يخيط ويثبت السنتر علشان مبحبش اخيط .. سيظل اختيارى بالبعد عن التخصصات الجراحية هو اصح اختيار فى حياتى او تانى اصح اختيار بصراحة ...

انت موظف حكومى لازم تبقى متبلد الاحساس مش فارق معاك اى حاجة. يعنى لما حد يقولك متعملش كذا علشان هيتعمل فيك مزكرة وهتتحول شؤون قانونية . لازم الرد بتاعك يبقي ما تعمل الى انت عاوزه يعنى لما اتحول شؤون قانونية هيحصل ايه يعنى هتنقلونى يعنى ؟!! يا ليت و الله مش شغال فى هارفارد انا .

انت ممكن تعمل اى حاجة غلط وتعدى الا انك ترمى الجلوفز فى باستك بكيس لسود و بالمناسبة دى احنا عندنا الباسكت لونه احمر بس الكيس اسود فا بتقف قدامه شوية تفكر ليه من بين كل الالوان للباسكت يختاروا اللون الاحمر ؟!!!

انا مع مشرفة التمريض بعد ما عاوزة تحجز حالة فى اخر سرير ف الرعاية و انا بفهمها ان اخر سرير دة post arrest ومينفعش نسيب المستشفى من غير السرير دة هى : ما عادى يا دكتور لما يجيلنا حالة arrested نبقي نفضيلها سرير .الى هو يا عم مالك بتأرست بسرعة كدة ليه متاخد راحتك عما نفضي السرير .

شباب حد حس بالزلزال دة ولا انا بيتهيقلى .. اكتر من دقيقة كل حاجة بتتحرك حرفيا !!!

ألسنا من تعلمنا على يدكم بأن الثعلب المكار منتظر سيأكل نعجة الحمقى اذا للنوم ما خلد .. ألسنا من تعلمنا على يدكم بأن العود محمى بحزمته ضعيف حين ينفرد 💔💔 والله اكلت نعجتكم والله لانتم الحمقى ....

انا بتكلم مع المريض و بفهمه بهدوء وحكمة اهمي القسطرة و انه قد يحتاج تركيب دعامات و بهون عليه الامر و بشرحله كل خطوة فى العملية حرفيا و بطمنه علشان يقتنع و يرضي يدخل القسطرة .. لما بعد كل ده ما بيوافقش بجيبله واحد زميلنا يقوله يا حاج لا هتعمل القسطرة دى لا هتموت اختار بقي ..

اجمل ما قيل فى العلاقات

مجموعة بلبن حرفيا بيختاروا اكتر ناس ساقعة ودمهم تقيل و قليلة الزوق يشتغلوهم تحس ان ده المقياس بتاعهم للشغل حرفيا سقاعة و تقل دم و قله احترام بلا هدف ( الا من رحم ربى ) الاوردر بتاعك يبقي جاهز و تنادى لحد يناولهولك بس وما يردش عليك مع انه سامعك كويس ومش مرة ولا اتنين الموضوع ده ..

من اكثر الشخصيات الى ليها تأثير فى حياتى هو مدرس الابتدائية استاذى ومعلمى الاستاذ اشرف صلاح فله الكثير من الفضل فى بناء شخصيتى منذ الطفوله .. فوالله تذكرته اليوم فى اول امتحان للمرحلة الابتدائية و هو يبلغنى والله يا عمر لو سمعت انك غششت احد او غششت من احد لأضربنك ضربا مبرحاً ..

يا ست منك ليها جايبين منين صحة ودماغ تتكلموا ساعتين متواصلين فى الميكروباص الساعة ٦ الصبح ها منين ؟!!!!

طيب لزمتها ايه بقي اختار بإرادتك 😅😅

قطار كفران وطالع عينه و من ايام الحرب العالمية التانية وصدى واتجدد خمسين مرة تدوير الزبالة حرفيا و شبابيكه كلها مخلوعه او مكسورة .. سكك حديد مصر : قطار تحيا مصر ذو تهوية ديناميكية ..

كنت مع صديق ( مسافر من القاهرة للمنصورة ) فى احد المصالح الحكومية بنخلص حاجة فا وصلنا الساعة ١ و خمس دقايق فبنسأل على استاذة س فقالولنا واخدة ساعة رضاعة و بتروح الساعة ١ فا بنسأل على الاستاذ ص قالولنا مشي هو كمان قولتلهم هو الاستاذ ص واخد ساعة رضاعة ومشي الساعة ١ هو كمان !!!

ملخص يوم طالب طب المنصورة لحد ما قبل كوفيد .