خلاص توبه ما أعكر لك مزاج أثر زعلك يلحق الدنيا كدر البارحه زعلتك ، و جانا عجاج طيب اذا راضيتك ، يجينا مطر ؟

أنا اتثيقل عندك أدور رضاك اخاف تكره خفتي وتسبني وان كان ما حبيتني عندي دواك والله لأنشب فيك لين تحبني

جعل يفداك القصيد اللي يثير أعجابك تدري إن ذكراك بين الذكريات أزينها حافظك ب أصغر تفاصيلك و أدقّ أسبابك و معتبرك أجمل توافيق القدر و أثمنها

ماحمدت الله " علي " وبعتني انت بيدك جايب لنفسك عناا ما يعوضك أحد .. لو خنتني لو ملكت الكون ماعندك انا

يارفيقي ليت ماهي بدايات اكتئاب عقب ماكنت اجتماعي نشوفك منطوي لك سنه ما جيت مجلس ولا فكيت باب مامعك لمقابل الناس دافع معنوي ادري ان الهم في صفحة المؤمن ثواب مير انا يوجعني الضعف في وجه القوي كانها من مال يفداك مالٍ فالحساب وكانها من حِمل ف ارمه على متن الخوي

ان جيت اصلّحها غشا الجو دخان وان رحت اخربها لضى النار صالي اما كسبت من البعيدين عدوان ولا خسرت من القريبين غالي

نظرتي لنفسي يلخَّصها كلامي عاذلي كوكب وأنا كل المجرّه و المكان اللي ينزل من مقامي تنقطع رجلي ولا في يوم أمرّه من تجمّل بي لقى مني احترامي و من تردى بي تركته عند شره كم ظروفٍ حاولت دون انهزامي أتجاوزها و لو انها صدق مرّه

عطيتك من بشوت الهقاوي ثلاث بشوت ولا فيه بشتٍ جاء مقاسك ولا قدك احسبك من اللي لا دعيته يرد الصوت واثاريك تسمعني وودك ولا ودك انا والله المخطي خطأ ما عليه ثبوت عطيتك سلاحٍ يرتعد في كنف يدك وذخرتك لو انك ماتنذخر في لعب بلوت وتقدمت بك حدٍ ماهو والله بحدك

يامدمنين .. أنا تراني مدمن لكن .. مهيب الحاجة الممنوعه أغلى من اللي تدمنونه وأثمن سوالفه ومقابله .. وطبوعه

لاتخاف من شخص معه مال وسلاح خوفك من اللي راس ماله صلاته ليا قام نص الليل والدمع سفاح ويسجد لربه وانت ضمن دعواته

ليتك علمتني قبل لا ابتلي فيك انك سحابة صيف ما تروي ضما

ماودعوك ولاسألو عن رحيلك غيابك اكثر شي كان اعتيادي مع انك اللي كنت باسط جميلك ألا أن جميلك عاد لك بالتمادي ياصاحبي والطيب يبقى حصيلك حتى مع اللي يجهلون المبادي اكبح زعلك ووجود عنان خيلك المنخدع بالطيب ماهوب غادي

بعض العرب من كثر ما به رجوله تقرا على محياه .. شهم وصدوقي وبعض العرب ودك ليا شفت زوله تكتب على علباه .. هذا سلوقي

خيّبوا ظنّك هل الضعف يا راس المديح أنت كبّرت الهقاوي .. فـ خلّك قدها كان غرّتك الهواين .. وقوّمت الطريح الهواين .. حتى حيّز فراغ يسدّها لنَ ترى معادن الناس بالشكل الصحيح لين تبلغ ، مجريات الظروف آشدّها كان تبغى تعيش ، باقي حياتك مستريح خلّ عنك الطيبة الزايدة عن حدّها

أنا وإنت في الحب ماعندنا ذوق دايم أنا بيني وبينك .. مناوش نهجر بعض مده ونرجع من الشوق واليا رجعنا بعد .. يوم انتهاوش