🔴تنويه: -مطلبنا ليس شخص (ابن عوف او برهان) -مطالبنا واضحة (محاسبة،تفكيك للدولة العميقة،حكومة مدنية) -اي عملية سياسية او طرح من برهان ما بيبدأ بالحاجات دي يبقي الكلام دا ما عندنا بيهو شغلة -وحتي تلك اللحظات يتواصل الاعتصام #اعتصام_القيادة_العامة

الثورة لم تنتهي بعد، "يا نجيب حقهم، يا نموت زيهم" "كل البلد دارفور" دي ما كانت هتافات بس، دي قضيتنا الأساسية، دولة خالية من الاتضهاد، دولة قائمة على الحرية و السلام والعدالة.. ثورتنا مستمرة و اعتصامنا مستمر، ثورة حتى النصر. الشارع بس👏 #اعتصام_القيادة_العامة

-قوش الاستقال دا، مفروض مع البيان الاول كان يتعرض للاعتقال، ومباشرة تعريضه لمحاكمة ثورية بسبب انو اي شهيد سقط في ثورة ديسمبر هو كان المسئول الاول عنو.. دم الشهداء دين يا جماعة دم الشهداء دين في رقبتنا دم الشهداء اشرف من تعبنا دا كلو والله #اعتصام_القيادة_العامة

نتسامر، وننتظر برواقة ظهور مطالبنا واحد واحد على أرض الواقع. هو صبرنا تلتين سنة كمان بقلبنا صبر. طيب السؤال حيكون لو رجعنا بيوتنا وقلنا خلاص وصلنا الميس؟ بكل بساطة عشرة ألف حيرجعو المعتقل وتظهر قيادات الدولة العميقة أو الظل وتتسيطر علينا من جديد، #لم_تسقط_بعد

قوى إعلان الحرية والتغيير بيان حول لقاء قيادة قوات الشعب المسلحة بوفد الاتصال الممثل لقوى إعلان الحرية والتغيير شعبنا الأبي، أولاً، نؤكد أننا قد وصلتنا ملاحظات عديدة حول قصور تمثيل وفد الاتصال بقيادة قوات الشعب المسلحة #الشارع_بس #لم_تسقط_بعد #اعتصام_القياده_العامه

تنويه على الثوار السماح لمصوري ومراسلي القنوات الفضائية بدخول ساحات الاعتصام وحمايتهم وعدم التعرض لهم، مع الاعتذار لكل من تعرض لمضايقات، ونؤكد أن المضايقات ليست من شيم الثوار. #لم_تسقط_بعد #اعتصام_القياده_العامه