دايم اشرب قهوة اخوي و استطعمها مالحه ويوم اقول له كذا يقول ذا بن يمني غالي احمد ربك واشربه بس اليوم شفت طريقه التحضير طلع اصبعه البن اليمني

لا تكون ناكر وجاحد للنعم مهما كثرت مشاكلك ومصايبك استشعر الباقي، اهم شي انك بصحتك وعافيتك ماكل شارب عايش بأمن وأمان وعندك مأوى ترجع له وأهل واخويا حولك، ونعم منسيه لاتعد ولاتحصى لكنها أمنيه عند غيرك

يوم تمرين الظهر والصدر بمثابة مكأفاة بالنسبة لي

ما قد تسألت وشصار على المرضى إلا واحد قبل سنة كانوا جايبينه مواصل ومسوي حادث وسكرابه ملطش دم وطول الوقت وهو يهلوس بالاختبار ويبغى يطلع عشان يلحق عليه ما فكر بصحته ولا سأل وشصار فيه، يوم طبيعي بحياة المتخصص صحي

ليه اذا تورطت واحترت وش تطلب حلا تلقى تشيز كيك بيكان هو خيارك الاول

فيه شايب اليوم مشخصنها مع الممرض وكل شوي يقول طلعوه مابيه واذا تكلم يقول اسكت بس الممرض اسمه (يزيد)

التيك توك منصه قويه والله أي شي يصير فيها ينشهر أو يصير ترند بسرعة البرق، لو احد عنده بزنس او براند وماشتغل على حسابه بالتيك فهو غبي مع احترامي

من محاسن الزحمة تخليك تشوف تأقلم الناس معها، اللي يفطر بوسطها واللي يتابع اليوتيوب ولا التيك واللي يكلم واللي يذاكر واللي يهوجس، واللي ملقوف زيك يناظر غيره وكلنا رايحين ندف عجلة التنمية والدنيا ماشيه

يوم كنت طالب كنت اشوف هبة البيتا بلوكر قبل الاختبار ولازلت أشوفها بتويتر ولا اقتنعت فيها دمار والله، يعني انت طالب طب حياتك كلها اختبارات ومقابلات بكل مره بتتوتر وتنخلع تروح تدف لك حبه؟ مب معقول عود نفسك تتعامل مع التوتر بدون ادوية ممكن توديك للتهلكة الحوقلة والقران كفيله تهديك

شفت يوم تكون متحمس بالسالفه وعندك كلام مجهزه بمخك وتتخيل شكلك رهيب ثم تبعصها بالنطق كنت بقول الظاهر ذي بداية غرغرينا قلت قرقرينا ياقونيور سلم لي على قورقينا

اكتوبر كله قفلت فيه + ١٠ الاف خطوة يوميًا وماكنت احس بها لاني سويت قلتش و غيرت كم عاده صرت اوقف السياره بمواقف بعيده اطلع الدرج بدل الاصنصير اتابع مقاطع اليوتيوب/اسولف مع احد وانا امشي افرفر بالدوام كثير

إذا تعرفت على جنوبي وثاني يوم جاب لك عريكه اعرف انه تم قبولك بحياته

يمكن بعد سبع سنين وشهر وخمس أيام وثمان ساعات بتحس انك بمكانك الصح لا تيأس

والله اللي ما عنده خوات مب عايش بنعمة

مؤخرًا بالغلط سويت قلتش ولغيت الفطور من يومي، وصرت بس أتغدى وغداي يكون محترم و باقي اليوم أكون شبعان وحتى لو جعت عندي فائض من السعرات اغلبها كانت تروح على الفطور افطر فطور الاغنياء مجرد كذبه اخترعوها

ياليت ننشر ثقافه التحدث مع النفس وعادي انك تخطط وتسولف مع نفسك بصوت عالي، فتح المصعد وانا اكلم نفسي و الرجال تردد يدخل يحسبني مجنون يبن الحلال ادخل بس قدها وزت وقطعت اجتماع شخصي

اللهم ماصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر

حاول قد ما تقدر ماتخش بيتكم وقت الاجازات لانك بتشوف كل الاحفاد وكم بزر متعلق بالدرج ماتدري من هو

٢٧ نوفمبر

بسيارتي سجادة واحد من العيال مهديها لي قبل كم سنه ومن ذاك اليوم وانا مستفيد منها واصلي فيها بأي مكان و أي قطعه طريق ومرات لانزلت المسجد اتوقع والله جاه قلتش حسنات خلتني ما أستهين بهالنوع من الهدايا و الصدقات