مش عارف ابعد ومش عارف اقرب

"لا شيء أسوأ من أن يُعاد شعور قديم، جاهدتُ طويلاً لتجاوزه."

انا ممتن جدا للمواقف اللي خليتني اقطع علاقتي " مُجبر " بناس كان مستحيل افكر اسيبهم او ابعد عنهم ف حياتي وكنت فاكر انهم مهمين وان الحياة مش هتبقى حلوة من غيرهم .. بس طلعوا مش مهمين ولا حاجة وانهم مجرد عبء وضغط وتعب للأعصاب مش أكتر ..

أنا مش شخص كامل لكن صادق ودي أكتر حاجة بحبها في نفسي،أه أنا مش مثالي بنسبة 100% لكن ما بقدمش حاجة مُزيفة،كلامي صادق، مشاعري صادقة،كل حاجة بقدمها لك حتى ولو كانت بسيطة فهي من أعماق قلبي،يعني مستحيل أقولك بحبك إلا إذاكنت بحبك حقيقي،ومستحيل أقعد معاك إلا لو أنا مرتاح لك وحابب وجودك

أريد أن أهدأ لعام، عامين وثلاثة، لقد شعرت دائمًا بالكثير من القلق.

أتمنى يجي يوم وأبقى الإختيار الأول والأخير لشخص ما، وأتمنى يجي يوم وأقدر أبين كل الوحش اللي جوايا له وأنا عارف إن حبه مش هيقل، أو فكرته عني مش هتتغير، أتمنى شخص يحب عيوبي قبل مُميزاتي وأشوف الحب في عيونه وأفعاله قبل كلامه والله، شخص يقدّر إني شخص فعلاً كويس بس مريت بفترات سيئه .

مهما روحت ولا جيت مهما قابلت ناس مهما زادت دايرة تعاملاتك هو شخص واحد اللي بتلاقي نفسك معاه شخص واحد بيحسسك بقيمتك شخص واحد الفرحه والضحكه مبتحسهاش فعلا غير معاه ، ممكن يكون صاحب ، حبيب ، قريب لكن فعلا هو واحد بس بين كل الناس دي قادر يتحكم في قلبك وفي مزاجك

اتعلمت إن لازم نسيب كل واحد على راحته واللي راحته معاك هيجيلك .

ضرورى فعلا الواحد يحس ولو مره واحده على الاقل انه فى المكان الصح ومرتاح فيه من غير ما يبقى شاكك هو ده فعلا مكانى ولا لا.

من اكتر الصفات اللي بتمناها في شريك حياتي اني مهونش عليه ديماً ،ايًا كان اللي حصل الاقي مكالمة منه ولو دقيقة يقولي فيها انه بيحبني وان كُل حاجة هتكون كويسة ،و يقدر يطمني و ينقذني من افكاري السوداوية من غير ما يحاول حتى..مُجرد وجوده في حياتي يكون مصدر أمان و اطمئنان بالنسبه ليا.

" يارب متعلقش قلبي بـ حاجه مش مكتوبالي ."

فيديو يخليك ترجع لنقطه الصفر بعد مقررت تعمل موف اون خلاص. 💔

كان صعب تبقى غريب بعد كل القُرب ده

الكوبليه دا قال كل اللى جوانا حرفيا !🖤

أنا ما بتعوّضش ودي حقيقة مش نرجسية، ومش عيب إن الواحد يبقى عارف قيمة نفسه، ودا مش كلامي لوحدي دا رأي أغلب الناس اللي في حياتي، هما شايفين إنّي شخص حقيقي وكُل حاجة بقدمها بتكون حقيقية وصادقة وخارجة من قلبي، عشان كدا أنا بقول بقلب جامد إنّي ما أتعوّضش لإن أنا العوض.